ຂ່າວດ່ວນ

ຂ່າວອື່ນໆ

random

ມອບ-ຮັບຫໍສະຫມຸດແຫ່ງຊາດຫລັງໃຫ່ມ



ພິທີ​ມອບ-ຮັບ​ຫໍສະໝຸດ​ແຫ່ງ​ຊາດ​ຫຼັງ​ໃໝ່ ລະຫວ່າງກະຊວງ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ແລະ ບໍລິສັດ ​ຈິດ​ຈະເລີນ​ກໍ່ສ້າງ ຈຳກັດ ໄດ້​ຈັດ​ຂຶ້ນ​ໃນ​ວັນ​ທີ 29 ທັນວາ 2016 ນີ້ ໂດຍ​ມີ​ທ່ານ ບໍ່​ແສງ​ຄຳ ວົງ​ດາລາ ລັດຖະມົນຕີກະຊວງ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ (ຖວທ) ແລະ ທ່ານ ສົງ​ຫວັງ ວົງ​ວິໄລ ຜູ້ອຳນວຍການ​ບໍລິສັດ​ ຈິດ​ຈະເລີນ​ກໍ່ສ້າງ ​ຈຳກັດ ມີ​ບັນດາ​ຮອງ​ລັດຖະມົນຕີ ກະຊວງ ຖວທ ຜູ້ອຳນວຍການ​ຫໍສະໝຸດ​ແຫ່ງ​ຊາດ ພ້ອມ​ດ້ວຍ​ພາກສ່ວນ​ທີ່​ກ່ຽວຂ້ອງ ເຂົ້າ​ຮ່ວມ.
ຜູ້ອຳນວຍການ​ບໍລິສັດ​ ຈິດ​ຈະເລີນ​ກໍ່ສ້າງ ​ຈຳກັດ ໄດ້​ກ່າວ​ວ່າ: ໂຄງການ​ກໍ່ສ້າງ​ຫໍສະໝຸດ​ແຫ່ງຊາດ​ຫຼັງ​ໃໝ່ ໄດ້​ເລີ່ມ​ລົງມື​ກໍ່ສ້າງ​ໃນ​ປີ 2013 ແລະ ໄດ້​ສຳເລັດ​ໃນ​ປີ 2016 ເຊິ່ງ​ຫໍສະໝຸດ​ຫຼັງ​ໃໝ່​ນີ້ ​ເປັນ​ການ​ແລກປ່ຽນ​ກັບ​ຫໍສະໝຸດ​ແຫ່ງ​ຊາດ​ຫຼັງ​ເກົ່າ ພ້ອມ​ດ້ວຍ​ເນື້ອທີ່​ດິນມີ​ມູນ​ຄ່າ​ຕາມ​ສັນຍາ​ໃນ​ເບື້ອງຕົ້ນ 5 ລ້ານ​ໂດ​ລາ​ສະຫະລັດ ອາຄານ​ຫຼັງ​ໃໝ່​ມີ​ຂະໜາດ​ລວງ​ຍາວ 83,1x41,6 ແມັດ ເປັນ​ອາຄານ 4 ຊັ້ນ ແລະ ສູງ 28,9 ແມັດ ອາຄານ​ເບ​ຕົງ​ເສີມ​ເຫຼັກ ແລະ ມີ​ຄວາມ​ປານີດ​ສວຍ​ງາມ​ຕາມ​ການ​ອອກ​ແບບ.
ອາຄານ​ປະກອບ​ມີ: ຂັ້ນໄດ​ຍ່າງ ແລະ ລະບົບ​ລິບ ເຄື່ອງ​ປັບ​ອາກາດ ໄຟຟ້າ ແລະ ນ້ຳ​ປະປາ ພາຍ​ໃນ​ອາຄານ ຫ້ອງ​ປະຊຸມ ຫ້ອງ​ເຮັດ​ວຽກ ຫ້ອງ​ໄວ້​ເອກະສານ ຫ້ອງ​ຄົ້ນຄວ້າ ຫ້ອງ​ອ່ານໜັງສື ລະບົບ​ອິນ​ເຕີ​ເນັດ ລະບົບ​ກ້ອງ​ວົງ​ຈອນ​ປິດ ແລະ ລະບົບ​ປ້ອງ​ກັນ​ອັກຄີ​ໄພ ແລະ ອື່ນໆ ນອກ​ອາຄານ​ປະກອບ​ມີ ການ​ຈັດ​ວາງ​ລະບົບ​ໄຟ​ເຍືອງ​ແສງ​ສະຫວ່າງນອກ​ອາຄານ ກໍ່ສ້າງ​ປະຕູໂຂງ ກໍ່ສ້າງ​ຮົ້ວ​ກຳແພງ​ອ້ອມ​ຮອບ​ໂຄງການ ຕິດ​ຕັ້ງ​ໝໍ້​ແປງ​ໄຟຟ້າ ແລະ ລະບົບ​ຕາ​ຂ່າຍ​ໄຟຟ້າ ແລະ ອື່ນໆ.
ໃນ​ໂອກາດ​ນີ້ ທ່ານ ບໍ່​ແສງ​ຄຳ ວົງ​ດາລາ ໄດ້​ກ່າວ​ຮັບ​ໂຄງການ​ດັ່ງກ່າວ​ວ່າ: ຫໍສະໝຸດ​ແຫ່ງຊາດ​ຫຼັງ​ໃໝ່ ເປັນ​ຜົນງານ​ອັນ​ໂດດ​ເດັ່ນ ເພື່ອ​ປະດັບ​ເອ້​ດິນແດນ ​ສປປ ລາວ ຈະ​ເປັນ​ສາງ​ຄັງ​ຄວາມ​ຮູ້ ເພື່ອ​ໃຫ້​ນັກຮຽນ ນັກ​ສຶກ​ສາ ກໍ່​ຄືລູກ​ຫຼານ​ປະຊາຊົນ​ລາວ​ບັນດາເຜົ່າ ​ໄດ້​ຄົ້ນຄວ້າ ແລະ ສຶກ​ສາ​ຮ່ຳຮຽນເອົາ​ຄວາມ​ຮູ້​ດ້ານ​ຕ່າງໆ ມາ​ຝຶກ​ຝົນ​ຫຼໍ່​ຫຼອມ​ຕົນ​ເອງ​ ໃຫ້​ກາຍເປັນ​ຊັບພະຍາກອນ​ມະນຸດ ​ທີ່​ເຕັມ​ໄປ​ດ້ວຍຄວາມ​ຮູ້ຄວາມ​ສາມາດ.
ມອບ-ຮັບຫໍສະຫມຸດແຫ່ງຊາດຫລັງໃຫ່ມ Reviewed by makarow on 2:19:00 AM Rating: 5

Contact Form

Name

Email *

Message *

Powered by Blogger.