ຂ່າວດ່ວນ

ຂ່າວອື່ນໆ

random

ຣັດ​ເຊຍ ປະ­ກາດ​ຕອບ​ໂຕ້​ຕໍ່​ຄຳ​ສັ່ງ​ຂ້ຳບາດຄັ້ງໃໝ່​ຂອງ ອາເມລິກາ


ຂ່າວ­ສານ Reuters ລາຍງານ​ວ່າ ໂຄ­ສົກ​ກະ­ຊວງ​ການ​ຕ່າງປະ­ເທດ​ຣັດ​ເຊຍ ມາ​ເຣຍ ຊາ​ຄາໂຣ​ວາ ຖະ­ແຫຼງ​ເມື່ອ​ວັນ​ທີ 28 ທັນ­ວາ​ນີ້​ວ່າ ຣັດ​ເຊຍ ພ້ອມ​ທີ່​ຈະຕອບ​ໂຕ້​ຕໍ່​ຄຳ​ສັ່ງ​ປິດລ້ອມ​ໃໝ່ຂອງ ສ ອາ​ເມ​ຣິ​ກາ ນາງ ຊາຄາ​ໂຣ​ວາ ເອີ້ນ​ຄຳ​ສັ່ງ​ປິດລ້ອມໃໝ່​ດັ່ງ­ກ່າວ​ວ່າ ​ເປັນ “ການ​ເກາະຜິດ​ທີ່​ໄດ້​ຮັບ​ການ​ຊີ້​ນຳ​ຈາກ​ທຳນຽບ​ຂາວ”.
ໃນ​ວັນ​ດຽວ​ກັນ ສື່­ສານ​ໃນ ສ ອາ​ເມ​ຣິ​ກາ ໃຫ້​ຮູ້​ວ່າ ອຳ­ນາດການ​ປົກ­ຄອງ​ຂອງ​ປະ­ທາ­ນາ­ທິ­ບໍ­ດີ ສ ອາ​ເມ​ຣິ​ກາ ບາ​ຣັກ ໂອບາ​ມາ ພວມ​ກະ­ກຽມ​ການ​ປະ­ກາດ​ບັນດາ​ມາດ​ຕະ­ການ​ຕອບ​ໂຕ້ ໂດຍມຸ່ງ​ໄປ​ທີ່​ຣັດ​ເຊຍ ຍ້ອນ​ການ​ແຊກແຊງ​ຂອງ​ຣັດເຊຍ ​ເຂົ້າ​ໃນ​ການເລືອກ​ຕັ້ງ​ໃນ ສ ອາ​ເມ​ຣິ​ກາ ເມື່ອບໍ່​ດົນ​ມາ​ນີ້.
ໜັງ­ສື­ພິມ Washington Post ອ້າງ​ຕາມ​ຄຳ​ເວົ້າ​ຂອງ​ເຈົ້າ​ໜ້າ­ທີ່ຜູ້​ບໍ່​ປະ­ສົງ​ອອກ​ນາມ​ໃຫ້​ຮູ້​ວ່າ ບາດ­ກ້າວ​ຕ່າງໆ​ດັ່ງ­ກ່າວ ຈະ​ໄດ້ນຳ​ອອກ​ມາ​ປະ­ກາດ​ໃນ​ອາ­ທິດ​ນີ້ ຊຶ່ງ​ປະ­ກອບ​ດ້ວຍ​ຄຳ​ສັ່ງ​ຂວ້ຳ​ບາດທາງ​ດ້ານ​ເສດ­ຖະ­ກິດ ແລະ ຕິຕຽນ​ດ້ານ​ການທູດ.
ກ່ອນ​ໜ້າ​ນັ້ນ ປະ­ທາ­ນາ­ທິ­ບໍ­ດີ ໂອ​ບາ​ມາ ໄດ້​ກ່າວ​ຫາ​ປະ​ທາ​ນາທິ​ບໍ­ດີ​ຣັດ​ເຊຍ ວາ​ລາ​ດີ​ເມຍ ປູ​ຕິນ ວ່າ ​ເປັນ​ຜູ້​ຊີ້​ນຳ​ໃນ​ການໂຈມ​ຕີທາງ​ເຄືອ​ຂ່າຍ​ອິນ​ເຕີ​ເນັດ ເພື່ອລັກ​ເອົາ​ຈົດ­ໝາຍ​ເອ​ເລັກໂຕຣ​ນິກຂອງ​ພັກ​ເດ​ໂມ​ແກຣດ ຊຶ່ງ​ຊຸມ​ຊົນ​ສືບ​ລາ­ຊະ­ການລັບຂອງ ສ ອາ​ເມ​ຣິ​ກາ ເວົ້າ​ວ່າ ເພື່ອ​ເປັນ​ການ​ຊ່ວຍ­ເຫຼືອ​ທ່ານ ໂດນາ​ລ ທຣັມ ຜູ້​ສະ­ໝັກ​ຮັບ​ເລືອກຕັ້ງ​ຈາກ​ພັກ​ຣີ​ພັບ​ບຣີກັນ ໃຫ້​ຊະນະ​ການ​ເລືອກ​ຕັ້ງ​ທີ່​ຫາ​ຜ່ານ​ມານັ້ນ.
ຣັດ​ເຊຍ ປະ­ກາດ​ຕອບ​ໂຕ້​ຕໍ່​ຄຳ​ສັ່ງ​ຂ້ຳບາດຄັ້ງໃໝ່​ຂອງ ອາເມລິກາ Reviewed by makarow on 7:51:00 PM Rating: 5

Contact Form

Name

Email *

Message *

Powered by Blogger.