ຂ່າວດ່ວນ

ຂ່າວອື່ນໆ

random

ກູດອ້ອມ ປິ່ນປົວພະຍາດ ຕານເຕັ້ນ ຫຼື ແຕນວຽນ

ກູດອ້ອມ
Aglaomorpha coronans
(Wall. ex Mett.) Copel.
POLYPODIACEAE


ລັກສະນະພືດສາດ: ເປັນຜັກກູດອີງອາໃສຂະຫນາດໃຫຍ່, ລໍາຕົ້ນເປັນເຫງົ້າຫນາເກາະເລືອຕາມຕົ້ນໄມ້ອື່ນ. ມີ
ເກັດປົກຄຸມຢ່າງຫນາແຫນ້ນທົ່ວເຫງົ້າ, ເກັດຫນາຕິດທົນເພື່ອປ້ອງກັນການສູນເສຍນໍ້າ, ຮູບໃບຫອກ, ສີນ້ໍາຕານ,
ຍາວປະມານ 1.5 ຊມ; ເຫງົ້າຍັງມີຂົນສີນ້ໍາຕານອົມແດງປົກຄຸມຢູ່ຢ່າງຫນາແຫນ້ນ. ໃບດ່ຽວ, ກ້ານໃບສັ້ນໆ
ຫຼື ບໍ່ມີກ້ານ, ແຜ່ນໃບຮູບຮີແກມຮູບຂອບຂະຫນານ, ຍາວປະມານ 1 ມ, ກ້ວາງ 60 ຊມ, ຖານໃບກົມ ຫຼື
ວ້ໍາເປັນຮູບຫົວໃຈ, ຂອບໃບຫຍັກເລີກແບບຂົນນົກເກືອບເຖິງເສັ້ນກ່າງກາງໃບ, ເສັ້ນໃບນູນຂຶ້ນທັງສອງດ້ານ
ຂອງແຜ່ນໃບ, ຜິວໃບຫນາຄ້າຍຫນັງ, ບໍ່ມີຂົນ, ກົກໃບເປັນແຜ່ນຂະຫຍາຍອອກປົກຄຸ້ມບໍລິເວນລໍາຕົ້ນເອົາໄວ້.
ກຸ່ມອັບສະປໍກົມສີນໍ້າຕານ, ລຽງກັນເປັນແຖວດ່ຽວ ຫຼື ຄູ່ໃນແຕ່ລະຂ້າງຂອງເສັ້ນກ່າງໃບຍ່ອຍ.

ປິ່ນປົວພະຍາດ: ຕານເຕັ້ນ ຫຼື ແຕນວຽນ

ສ່ວນທີ່ໃຊ້: ເຫງົ້າ

ວິທີການນໍາໃຊ້:
ນໍາເອົາເຫງົ້າກູດອ້ອມມາລ້າງນ້ໍາໃຫ້ສະອາດແລ້ວຝົນທາບໍລິເວນທີ່ເປັນຕຸ່ມຕານເຕັ້ນ ຫຼື
ແຕນວຽນ.

ການປູກຂະຫຍາຍພັນ:
ກູດອ້ອມສາມາດນໍາມາປູກຕິດໃສ່ຕົ້ນໄມ້ ຫຼື ປູກໃສ່ກະໂຖໂດຍໃຊ້ເປືອກໄມ້ ແລະ
ເສດໃບໄມ້, ກູດອ້ອມສາມາດຂະຫຍາຍພັນດ້ວຍສະປໍ ຫຼື ແຍກເຫງົ້າ.
ກູດອ້ອມ ປິ່ນປົວພະຍາດ ຕານເຕັ້ນ ຫຼື ແຕນວຽນ Reviewed by makarow on 5:51:00 PM Rating: 5

Contact Form

Name

Email *

Message *

Powered by Blogger.