ຂ່າວດ່ວນ

ຂ່າວອື່ນໆ

random

ຊາດອາຫລັບຍື່ນຂໍ້ສະເໜີ 13 ຂໍ້ຕໍ່ກາຕາຣ ເພື່ອແລກກັບການຍົກເລີກມາດຕະການຄວ່ຳບາດ

 

ກຸ່ມປະເທດຊາດອາຫລັບ ໄດ້ແກ່ ຊາອຸດິອາລະເບຍ, ສະຫະລັດອາຫລັບອີມິເຣດ, ບາເຣນ ແລະອີຢິບ ໄດ້ປະກາດຕັດຄວາມສຳພັນທາງການທູດແລະຄວ່ຳບາດກາຕາຣ ຕັ້ງແຕ່ວັນທີ 4 ມີຖຸນາ 2017 ໄດ້ຍື່ນຂໍ້ສະເໜີ 13 ຂໍ້ຕໍ່ກາຕາຣໃນວັນທີ 23 ມີຖຸນາ  ເພື່ອແລກກັບການຍົກເລີກມາດຕະການຄວ່ຳບາດ ພ້ອມຂີດເສັ້ນຕາຍໃຫ້ກາຕາຣປະຕິບັດຕາມພາຍໃນ 10 ວັນມີລາຍລະອຽດດັ່ງນີ້:

1. ໃຫ້ກາຕາຣລຸດຄວາມສຳພັນທາງການທູດກັບອີຣ່ານ ດ້ວຍການປິດສະຖານເອກອັກຄະລາຊະທູດອີຣ່ານໃນກາຕາຣ ພ້ອມທັງເນລະເທດສະມາຊິກຂອງກອງກຳລັງປະຕິວັດອິດສະລາມຂອງອີຣ່ານອອກຈາກກາຕາຣ ຢຸດຄວາມຮ່ວມມືແລະຂ່າວກອງທາງທະຫານກັບອີຣ່ານ ສ່ວນການຄ້າຂາຍລະຫວ່າງກາຕາຣກັບອີຣ່ານຈະຕ້ອງປະຕິວັດຕາມຂໍ້ຕົກລົງວ່າດ້ວຍການຄວ່ຳບາດອີຣ່ານ ຂອງນານາຊາດ ແລະຈະຕ້ອງບໍ່ກະທົບຕໍ່ຄວາມໝັ້ນຄົງຂອງຊາອຸດິອາລະເບຍ, ສະຫະລັດອາຫລັບອິມີເຣດ, ອີຢິບ ແລະບາເຣນ

2. ປິດຖານທັບຕຸລະກີໃນກາຕາຣ ຊຶ່ງຢູ່ລະຫວ່າງການກໍ່ສ້າງທັນທີ ແລະຢຸດຕິຄວາມຮ່ວມມືທາງທະຫານກັບຕຸລະກີ

3. ຕັດຄວາມສຳພັນກັບກຸ່ມກໍ່ການຮ້າຍກຸ່ມສຸດໂຕ່ງ ໂດຍສະເພາະກຸ່ມ ພະຣາດອນພາບມຸດສະລິມ, ກຸ່ມຕິດອາວຸດລັດອິດສະລາມ ຫລືໄອເອສ, ກຸ່ມອັລກໍອີດະ, ກຸ່ມກໍ່ການຮ້າຍອັລນຸສຣາ ແລະກຸ່ມຮິສບອລເລາະໃນເລບານອນ ລວມທັງໃຫ້ກາຕາຣປະກາດຢ່າງເປັນທາງການວ່າກຸ່ມເຫລົ່ານີ້ ຄືກຸ່ມກໍ່ການຮ້າຍເຊັ່ນດຽວກັບກຸ່ມກໍ່ການຮ້າຍອື່ນໆ ທີ່ຊາດອາຫລັບຈະປະກາດຕໍ່ໄປໃນອານາຄົດ

4. ຢຸດຕິການໃຫ້ເງິນສະໜັບສະໜຸນບຸກຄົນ ກຸ່ມຫລືອົງກອນ ທີ່ຊາດອາຫລັບເບິ່ງວ່າເປັນກຸ່ມກໍ່ການຮ້າຍ

5. ສົ່ງມອບຕົວຜູ້ກໍ່ການຮ້າຍ ຜູ້ຖືກຫາຫລົບໜີຂະດີ ແລະບຸກຄົນທີ່ທາງການຂອງຊາດອາຫລັບຕ້ອງການ ໂດຍຕ້ອງລະງັບການເຮັດທຸລະກຳທາງການເງິນ ແລະມອບຂໍ້ມູນກ່ຽວກັບການເຄື່ອນຍ້າຍແລະການເງິນຂອງບຸກຄົນເຫລົ່ານີ້

6. ປິດສະຖານີໂທລະທັດອັລຈາຊີຣາ ແລະສະນີໂທລະທັດໃນກຸ່ມອັລຈາຊີຣາ



7. ຢຸດຕິແຊກແຊງກິດຈະການພາຍໃນປະເທດທີ່ມີອຳນາດອະທິປະໄຕ ແລະຢຸດຕິການມອບສັນຊາດໃຫ້ແກ່ບຸກຄົນຊຶ່ງຊາດອາຫລັບຕ້ອງການໂຕ ລວມທັງຍຶດຄືນສັນຊາດກາຕາຣ ສຳລັບພົນລະເມືອງທີ່ລະເມີດກົດຫມາຍໃນອ່າວອາຫລັບ

8. ຈ່າຍເງິນຄ່າເສຍຫາຍແລະຄ່າຊົດເຊີຍສຳລັບການເສຍຊີວິດຫລືການເສຍຊັບສິນອັນເກີດຈາກນະໂຍບາຍຂອງກາຕາຣ ໃນຊ່ວງບໍ່ກີ່ປີຜ່ານມາ ຊຶ່ງຈຳນວນເງິນຈະມາຈາກການປຶກສາຫາລື ແລະປະເມີນຮ່ວມກັນລະຫວ່າງປະເທດລັດອ່າວກັບກາຕາຣ

9. ປັບນະໂຍບາຍທາງການທະຫານ ການເມືອງ ສັງຄົມ ແລະເສດຖະກິດຂອງກາຕາຣ ໃຫ້ສອດຄ່ອງກັບນະໂຍບາຍຂອງລັດອ່າວອາຫລັບອື່ນໆ ເຊັ່ນດຽວກັບປະເດັນທາງເສດຖະກິດປັບໃຫ້ສອດຄ້ອງກັບຂໍ້ຕົກລົງປີ 2014 ທີ່ກາຕາຣໄດ້ເຮັດໄວ້ກັບຊາອຸດິອາລະເບຍ

10. ຢຸດຕິການຕິດຕໍ່ກັບຝ່າຍກົງກັນຂ້າມທາງດ້ານການເມືອງຂອງລັດຖະບານຊາດອາຫລັບ ແລະສົ່ງມອບລາຍລະອຽດການຕິດຕໍ່ ແລະການສະໜັບສະໜຸນກຸ່ມເຫລົ່ານີ້ຂອງກາຕາຣ ລວມໄປເຖິງລາຍລະອຽດຂໍ້ມູນສ່ວນບຸກຄົນແລະການສະໜັບສະໜຸນທີ່ກາຕາຣເຄີຍມອບໃຫ້ກຸ່ມເຫລົ່ານີ້

11. ປິດສື່ທັງໝົດທີ່ໄດ້ຮັບເງິນສະຫນັບສະຫນຸນທັງທາງກົງແລະທາງອ້ອມຈາກລັດຖະບານກາຕາຣ ລວມໄປເຖິງສຳນັກຂ່າວ Arabi21, Rassd, Al Araby Al Jadeed, Mekameleen และ Middle East Eye

12. ຕອບຂໍ້ຕົກລົງທັງໝົດພາຍໃນ 10 ວັນ ບໍ່ເຊັ່ນນັ້ນຈະຍົກເລີກຂໍ້ຮຽກຮ້ອງເຫລົ່ານີ້

13. ຍອມຮັບການກວດສອບຈາກປະເທດລັດອ່າວອາຫລັບທຸກໆ 1 ເດືອນໃນປີທຳອິດ ສ່ວນໃນປີທີ 2 ຍອມຮັບການກວດສອບທຸກໄຕມາດ ແລະລະຫວ່າງປີທີ 3-10 ຕ້ອງຍອມຮັບການກວດສອບລາຍປີ

ຊາດອາຫລັບຍື່ນຂໍ້ສະເໜີ 13 ຂໍ້ຕໍ່ກາຕາຣ ເພື່ອແລກກັບການຍົກເລີກມາດຕະການຄວ່ຳບາດ Reviewed by makarow on 3:20:00 AM Rating: 5

Contact Form

Name

Email *

Message *

Powered by Blogger.