ຂ່າວດ່ວນ

ຂ່າວອື່ນໆ

random

ທ່ານ ຈະເລີນ ເຢຍປາວເຮີ, ລັດຖະມົນຕີປະຈຳສຳນັກງານນາຍົກລັດຖະມົນຕີ ທັງເປັນໂຄສົກລັດຖະບານ ໄດ້ຖະແຫຼງກ່ຽວກັບບາງວຽກງານຈຸດສຸມທີ່ລັດຖະບານຈະສຸມໃສ່ຈັດຕັ້ງປະຕິບັດໃນເດືອນກໍລະກົດ 2017



ທ່ານ ຈະເລີນ ເຢຍປາວເຮີ, ລັດຖະມົນຕີປະຈຳສຳນັກງານນາຍົກລັດຖະມົນຕີ ທັງເປັນໂຄສົກລັດຖະບານ ໄດ້ຖະແຫຼງກ່ຽວກັບບາງວຽກງານຈຸດສຸມທີ່ລັດຖະບານຈະສຸມໃສ່ຈັດຕັ້ງປະຕິບັດໃນເດືອນກໍລະກົດ 2017 ທີ່ຈະມາເຖິງນີ້ ໃນວັນທີ 24 ມິຖຸນາ ຜ່ານມາ ເຊິ່ງເນື້ອໃນໂດຍລວມແມ່ນເນັ້ນໃສ່ມາດຕະການເກັບລາຍຮັບ ແລະ ຄຸ້ມຄອງລາຍຈ່າຍ ໂດຍມີການຖອດຖອນບົດຮຽນຈາກໄລຍະ 6 ເດືອນຜ່ານມາ, ແນໃສ່ຮັບປະກັນການຈັດເກັບລາຍຮັບໃຫ້ບັນລຸຄາດໝາຍ ແລະ ຄຸ້ມຄອງລາຍຈ່າຍໃຫ້ມີປະສິດ ທິພາບ.

ຂະນະທີ່ ດ້ານລາຍຮັບ ໃຫ້ສຸມໃສ່ການຈັດເກັບຈາກຖານລາຍຮັບທີ່ມີຢ່າງເຂັ້ມງວດ ແລະ ແທດຕົວຈິງ, ປ້ອງກັນການລັກລອບ ແລະ ມີມາດຕະການເຄັ່ງຄັດຕໍ່ຜູ້ລະເມີດກົດໝາຍ ແລະ ລະບຽບການຕ່າງໆ. ສ່ວນດ້ານລາຍຈ່າຍ ກໍ່ໃຫ້ຕິດຕາມ, ຊຸກຍູ້ ແລະ ກວດກາການຈັດຕັ້ງປະຕິບັດຄຳສັ່ງເລກທີ 09/ນຍ ວ່າດ້ວຍການປະຢັດລາຍຈ່າຍງົບປະມານລັດໃຫ້ມີປະສິດທິຜົນ, ເຂັ້ມງວດໃນການກວດກາ, ການສະເໜີຂໍພິຈາລະນາລາຍຈ່າຍບໍລິຫານ, ລາຍຈ່າຍດັດສົມ, ລາຍຈ່າຍຊື້ໃໝ່ ແລະ ການເບີກຈ່າຍເງິນ ເດືອນ ໂດຍສືບຕໍ່ເອົາໃຈໃສ່ແກ້ໄຂການເບີກຈ່າຍເງິນເດືອນຢູ່ບາງເມືອງ ແລະ ເຂດຫ່າງໄກທີ່ຍັງຊັກຊ້າ ໃຫ້ຕົກໄປຢ່າງຂາດຕົວ.

ພ້ອມນີ້ສືບຕໍ່ຄົ້ນຄວ້າວິທີການທີ່ເໝາະສົມ ແລະ ເປັນໄປໄດ້ໃນການແກ້ໄຂໜີ້ສິນໂຄງການລົງທຶນຂອງລັດດ້ວຍຫຼາຍຮູບການ ເຊັ່ນ: ການແກ້ໄຂດ້ວຍຮູບການແບບອ່ວຍໜີ້ 3 ແຈ, ກວດກາຄືນ ແລະ ເຈລະຈາຫຼຸດຜ່ອນມູນຄ່າໜີ້ຂອງໂຄງການ ຫຼື ວິທີການອື່ນໆ. ໃຫ້ສືບຕໍ່ຕິດຕາມ, ອຳນວຍຄວາມສະດວກ, ຊຸກຍູ້ ແລະ ແກ້ໄຂບັນຫາທີ່ຕິດພັນກັບໂຄງການລົງທຶນ ແລະ ໂຄງການພັດທະນາຂະໜາດໃຫຍ່ຕ່າງໆເຊັ່ນ: ໂຄງການກໍ່ສ້າງທາງລົດໄຟລາວ-ຈີນ, ໂຄງການເຂື່ອນໄຟຟ້າຕ່າງໆ, ໂຄງການພັດ ທະນາລະບົບສາຍສົ່ງ, ໂຄງການສຳຫຼວດ ແລະ ຂຸດຄົ້ນແຮ່ທາດ ແລະ ອື່ນໆ ໃຫ້ດຳເນີນໄປຕາມແຜນການ.

ພ້ອມດຽວກັນນັ້ນ, ກໍ່ຍັງເນັ້ນໃຫ້ສືບຕໍ່ຈັດຕັ້ງປະຕິບັດ ຄຳສັ່ງເລກທີ 15/ນຍ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາໄມ້ ແລະ ເອົາໃຈໃສ່ຄົ້ນຄວ້າແກ້ໄຂບັນຫາໄມ້ໃຫ້ມີປະສິດທິຜົນ ເປັນຕົ້ນແມ່ນການສືບຕໍ່ປະຕິບັດຢ່າງເຂັ້ມງວດ, ການຮື້ຖອນ ແລະ ຍຸບເລີກໂຮງງານອຸດ ສາຫະກຳໄມ້ທີ່ບໍ່ສອດຄ່ອງກັບກົດໝາຍ ແລະ ລະບຽບການ, ການປະມູນຂາຍໄມ້ທີ່ຍືດໄດ້, ການຊຸກຍູ້ ແລະ ອຳນວຍຄວາມສະດວກໃຫ້ແກ່ການສົ່ງອອກຜະລິດຕະພັນໄມ້, ແກ້ໄຂກໍລະນີລັກລອບຕັດໄມ້ ແລະ ລັກສົ່ງໄມ້ອອກໃຫ້ເຂັ້ມງວດ ແລະ ເດັດຂາດ ແລະ ອື່ນໆ.
ທ່ານ ຈະເລີນ ເຢຍປາວເຮີ, ລັດຖະມົນຕີປະຈຳສຳນັກງານນາຍົກລັດຖະມົນຕີ ທັງເປັນໂຄສົກລັດຖະບານ ໄດ້ຖະແຫຼງກ່ຽວກັບບາງວຽກງານຈຸດສຸມທີ່ລັດຖະບານຈະສຸມໃສ່ຈັດຕັ້ງປະຕິບັດໃນເດືອນກໍລະກົດ 2017 Reviewed by makarow on 2:07:00 AM Rating: 5

Contact Form

Name

Email *

Message *

Powered by Blogger.