ຂ່າວດ່ວນ

ຂ່າວອື່ນໆ

random

6 ເດືອນຕົ້ນປີ ລາຍຮັບດ່ານສາກົນປາກຊັນ - ບຶງການ ໄດ້ເກີນຄາດໝາຍ

ດ່ານສາກົນປາກຊັນ-ບຶງການ ເປັນດ່ານນື້່ງທີ່ມີການບໍລິການສິນຄ້າຜ່ານທີ່ໄດ້ຮັບຄວາມນິຍົມ ຈາກສັງຄົມຢ່າງກວ້າງຂວາງ  ມີເສັ້ນທາງເຊື່ອມຕໍ່ໄປຍັງປະເທດ ສສ ຫວຽດນາມ ແລະ ພາດພື້ນ ຈຶ່ງກາຍເປັນປະຕູເສດຖະກິດ, ບໍລິການທາງຜ່ານຈາກເບື້ອງຕາເວັນອອກສູ່ຕາເວັນຕົກ ແລະ ເຊື່ອມໂຍງພາກພື້ນໄດ້ເປັນຢ່າງດີ ສ້າງເງື່ອນໄຂໃຫ້ແກ່ການຄ້າ, ການລົງທືນ, ການທ່ອງທ່ຽວ ແລະ ການເກັບລາຍຮັບເຂົ້າລັດມີທ່າຂະຫຍາຍຕົວຢ່າງຕໍ່ເນື່ອງ.
           ທ່ານ ໝອນແກ້ວ ດາລາວົງ  ຫົວໜ້າດ່ານພາສີສາກົນປາກຊັນ-ບຶງການ ໄດ້ໃຫ້ສຳພາດ ໃນວັນທີ 21 ມິຖຸນາ 2017 ນີ້ວ່າ: ດ່ານສາກົນປາກຊັນ ປະກອບມີທັງໝົດ 7 ຂະແໜງການ, ແຕ່ລະຂະແໜງການກໍ່ເຮັດໜ້າທີ່ຕາມພາລະບົດບາດຂອງຕົນເອງ ດ້ານຈັດຕັ້ງປະຕິບັດ ໄດ້ເນັ້ນໃສ່ຂອດການບໍລິການໃຫ້ມີຄວາມສະດວກ, ວ່ອງໄວ, ໂປ່ງໃສ ພ້ອມນັ້ນກໍ່ຍັງໄດ້ຂະຫຍາຍເວລາການໃຫ້ບໍລິການຫຼາຍຂື້ນ ເລີ່ມແຕ່ 7 ໂມງເຊົ້າ - 17 ໂມງແລງ ເຊີ່ງສາມາດດຶງດູດເອົານັກທຸລະກິດທັງພາຍໃນແຂວງ, ຕ່າງແຂວງມາໃຊ້ບໍລິການ ເຮັດໃຫ້ການສົ່ງອອກ-ນໍາເຂົ້າສິນຄ້າຜ່ານດ່ານເພີ່ມຂື້ນ, ເກັບລາຍຮັບໄດ້ຫຼາຍຂື້ນ ຜ່ານການຈັດຕັ້ງປະຕິບັດເກັບລາຍຮັບ 5 ເດືອນຜ່ານມາ ດ່ານປາກຊັນປະຕິບັດໄດ້ແລ້ວ 82,159 ຕື້ກີບ, ເທົ່າກັບ 93,52% ຂອງແຜນປີ ( 87,825 ຕື້ກີບ ) ຄາດວ່າອີກປະມານ 10 ວັນ ຕົວເລກລາຍຮັບຈະໄດ້ເພີ່ມ ແລະ ສາມາດບັນລຸໄດ້ 100% ທຽບໃສ່ໄລຍະດຽວຂອງປີຜ່ານມາເພີ່ມຂື້ນ 1 ເທົ່າ, ລາຍຮັບຕົ້ນຕໍແມ່ນມາຈາກ: ການນໍາເຂົ້າພາຫະນະໃໝ່, ການນໍາເຂົ້ານໍ້າມັນເຊື້ອໄຟ, ສິນຄ້າຜ່ານໄປຍັງປະເທດທີ່ 3 ແລະ ການບໍລິການຄ່າທຳນຽມເຂົ້າ-ອອກດ່ານສາກົນ.
        ສຳລັບທິດທາງແຜນການໃນຕໍ່ໜ້າ ທ່ານ ໝອນແກ້ວ ດາລາວົງ ຍັງໄດ້ໃຫ້ຮູ້ຕື່ມອີກວ່າ ຈະສຸມໃສ່ວຽກງານສຶກສາອົບຮົມການເມືອງ-ແນວຄິດໃຫ້ແກ່ສະມາຊິກພັກ-ພະນັກງານ ໃຫ້ມີຄວາມເຊື່ອໝັ້ນຕໍ່ແນວທາງ, ເຮັດໜ້າທີ່ຂອງຕົນດ້ວຍຄວາມຮັບຜິດຊອບສູງ, ປະຕິບັດຕາມຄໍາຂວັນທີ່ວ່າ: ເກັບໃຫ້ຖືກຕ້ອງ ເກັບໃຫ້ໝົດຄົບຖ້ວນ ແລະ ທັນຕາມກໍານົດເວລາ ນອກນັ້ນຈະສູ້ຊົນເກັບລາຍຮັບໃຫ້ຫຼາຍເທົ່າທີ່ຈະຫຼາຍໄດ້, ຄາດວ່າປີ 2017 ລາຍຮັບຂອງດ່ານຈະສາມາດບັນລຸໄດ້ເຖິງ 150% ຂອງແຜນການປີ, ເປັນເງີນ 130 ຕື້ກີບ.  (ຂ່າວສານບໍລິຄຳໄຊ)
6 ເດືອນຕົ້ນປີ ລາຍຮັບດ່ານສາກົນປາກຊັນ - ບຶງການ ໄດ້ເກີນຄາດໝາຍ Reviewed by makarow on 3:55:00 PM Rating: 5

Contact Form

Name

Email *

Message *

Powered by Blogger.