ຂ່າວດ່ວນ

ຂ່າວອື່ນໆ

random

ລັດຖະບານຫາລືຫລາຍວຽກສໍາຄັນປະຈໍາເດືອນມິຖຸນາ






ກອງປະຊຸມລັດຖະບານສະໄໝສາມັນປະຈໍາເດືອນມິຖຸນາ
2017 ໄດ້ມີຂຶ້ນໃນວັນທີ 22 ມິຖຸນານີ້ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງທ່ານນາຍົກລັດຖະມົນຕີ ທອງລຸນ ສີສຸລິດ. ກອງປະຊຸມໄດ້ພິຈາລະນາ ແລະ ປຶກສາຫາລືຫລາຍບັນຫາສໍາຄັນຄື: ລາຍງານການຈັດຕັ້ງປະຕິບັດແຜນຈັດເກັບລາຍຮັບ-ລາຍຈ່າຍປະຈໍາງວດ 2 ຂອງປີ 2017, ຜົນການກວດການໍາເຂົ້າພາຫະນະບໍ່ຖືກຕ້ອງ ແລະ ການປັບປຸງບັນດາລັດວິສາຫະກິດ, ລາຍງານກ່ຽວກັບການກະກຽມໃຫ້ແກ່ການຜະລິດລະດູຝົນ ແລະ ມາດຕະການຄຸ້ມຄອງການລັກລອບນໍາເຂົ້າຊີ້ນຈາກຕ່າງປະເທດ, ລາຍງານການແກ້ໄຂບັນຫາໄມ້ ເປັນຕົ້ນ: ສະພາບການປະມູນ, ການຄຸ້ມຄອງ, ການສົ່ງອອກ, ການດັດສົມໂຮງງານ ແລະ ອື່ນໆ, ຄົ້ນຄວ້າຮ່າງມະຕິຂອງຄະນະບໍລິຫານງານສູນກາງພັກວ່າດ້ວຍການເພີ່ມທະວີວຽກງານຄຸ້ມຄອງ ແລະ ພັດທະນາທີ່ດິນໃນໄລຍະໃໝ່, ຫາລືແຜນການສ້າງ ແລະ ປັບປຸງກົດໝາຍທີ່ຈະນໍາເຂົ້າພິຈາລະນາໃນກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ເຊັ່ນ: ຮ່າງກົດໝາຍວ່າດ້ວຍຜັງເມືອງສະບັບປັບປຸງ, ຮ່າງກົດໝາຍວ່າດ້ວຍການກັນ ແລະ ຄວບຄຸມພະຍາດຕິດຕໍ່ ແລະ ຮ່າງກົດໝາຍວ່າດ້ວຍອຸຕຸນິຍົມ ແລະ ອຸທົກກະສາດ.
(ຫນັງສືພິມລາວພັດທະນາ)

ລັດຖະບານຫາລືຫລາຍວຽກສໍາຄັນປະຈໍາເດືອນມິຖຸນາ Reviewed by makarow on 2:28:00 AM Rating: 5

Contact Form

Name

Email *

Message *

Powered by Blogger.