ຂ່າວດ່ວນ

ຂ່າວອື່ນໆ

random

ກະຊວງການເງິນຝາກສັງຄົມ ເປັນຫູເປັນຕາຊ່ວຍຫາກພົບພະນັກງານມີພຶດຕິກຳສໍ້ລາດບັງຫລວງ ໃຫ້ແຈ້ງມາຍັງກົມກວດກາ



ກະຊວງການເງິນຝາກສັງຄົມ ເປັນຫູເປັນຕາຊ່ວຍຫາກພົບພະນັກງານມີພຶດຕິກຳສໍ້ລາດບັງຫລວງ ໃຫ້ແຈ້ງມາຍັງກົມກວດກາ

ກະຊວງການເງິນ ຝາກສັງຄົມ ຊ່ວຍເປັນຫູເປັນຕາ ຫາກພົບເຫັນພະນັກງານຂະແໜງການເງິນມີພຶດຕິກຳສໍ້ລາດບັງຫລວງ ໃຫ້ແຈ້ງມາຍັງກົມກວດກາ ກະຊວງການເງິນເພື່ອຈະໄດ້ລົງເກັບກຳຂໍ້ມູນຕິດຕາມກວດກາ ແລະ ເຂົ້າສູ່ຂະບວນຍຸຕິທຳ.

ປະຊາຊົນ, ນະຄອນຫລວງວຽງຈັນ ແລະ ພະນັກງານອາວຸໂສບຳນານຢູ່ເມືອງໄຊຍະບູລີ, ແຂວງໄຊຍະບູລີສະເໜີຜ່ານສາຍດ່ວນ1519ໃຫ້ກະຊວງການເງິນລົງກວດກາຕິດຕາມຢ່າງໃກ້ຊິດຕໍ່ກັບການປະຕິບັດໜ້າທີ່ວຽກງານຂອງພະນັກງານເຈົ້້າໜ້າທີ່ພາສີ-ອາກອນຢູ່ບັນດາດ່ານພາສີ (ນະຄອນຫລວງ, ແຂວງ, ເມືອງ, ບ້ານ) ໃນຂອບເຂດທົ່ວປະເທດເພາະເຫັນວ່າພະນັກງານດັ່ງກ່າວມີລັກສະນະຮັ່ງມີຜິດປົກກະຕິ, ພ້ອມທັງສະເໜີໃຫ້ມີມາດຕະການ ແລະ ລະບຽບການແກ້ໄຂບັນຫາດັ່ງກ່າວ ເພື່ອຮັບປະກັນຄວາມໂປ່ງໃສໃນການເກັບລາຍຮັບເຂົ້້າງົບປະມານບໍ່ໃຫ້ຕົກເຮ່ຍເສຍຫາຍ?

ຕໍ່ບັນຫາດັ່ງກ່າວ ກະຊວງການເງິນໄດ້ໃຫ້ຄຳຊີ້ແຈງວ່າ

ໃນໄລຍະຜ່ານມາ, ຂະແໜງການກວດກາຂອງກະຊວງການເງິນໄດ້ເອົາໃຈໃສ່ໃນການລົງຕິດຕາມກວດກາຢ່າງໃກ້ຊິດກັບບັນດາຂະແໜງການທີ່ມີຄວາມສ່ຽງ ເພື່ອຊອກຫາຂໍ້ມູນ ແລະສາເຫດທີ່ເປັນຫາງສຽງຢູ່ບັນດາດ່ານພາສີ, ກອງກວດກາພາສີ ແລະ ຂະແໜງສ່ວຍສາອາກອນໃນຂອບເຂດທົ່ວປະເທດ.

ສຳລັບປະກົດການຫຍໍ້ທໍ້ທີ່ປະຊາຊົນໄດ້ສະເໜີມານັ້ນ, ກະຊວງການເງິນໄດ້ມີມາດຕະການ ແລະ ລະບຽບການໃນການແກ້ໄຂ, ໂດຍໄດ້ກະກຽມລົງເຜີຍແຜ່ບັນດາລະບຽບກົດໝາຍ ແລະ ນິຕິກຳທີ່ຕິດພັນກັບການເຄື່ອນໄຫວວຽກຕົວຈິງ.

ກະຊວງການເງິນໄດ້ອອກຂໍ້ຕົກລົງກ່ຽວກັບ10 ຂໍ້ຫ້າມ ແລະ ວິໄນຂອງພະນັກງານ-ລັດຖະກອນ ຂະແໜງການເງິນ. ພ້ອມນັ້ນ, ຍັງໄດ້ກຽມລົງແຈ້ງຊັບສິນ ແລະ ລາຍຮັບຂອງພະນັກງານ ຮອບ II ຂອງຂະແໜງການເງິນ, ພ້ອມທັງມີມາດຕະການຕໍ່ຜູ້ລະເມີດ. ຖ້າພະນັກງານບຸກຄົນໃດຫາກບໍ່ລາຍງານ, ປິດບັງເຊື່ອງອໍາ, ບໍ່ມອບເອກະສານແຈ້ງຊັບສິນ ແລະ ລາຍຮັບຂອງຕົນ ແລະ ມີການກະທໍາຜິດອື່ນໆ ຈະສຶກສາອົບຮົມ, ຕັກເຕືອນ, ປະຕິບັດວິໄນ ແລະ ຖືກດໍາເນີນຄະດີຕາມທີ່ກຳນົດໄວ້ໃນໝວດທີ6 ຂອງດຳລັດວ່າດ້ວຍການແຈ້ງຊັບສິນ ສະບັບເລກທີ 159/ລບ, ລົງວັນທີ 04ມິຖຸນາ2013.

ການມີສ່ວນຮ່ວມຂອງສັງຄົມ, ພົນລະເມືອງລາວຜູ້ທີ່ມີຄວາມປະສົງຊ່ວຍໃນການແກ້ໄຂປະກົດການຫຍໍ້ທໍ້, ການສໍ້ລາດບັງຫລວງທີ່ເຫັນ ແລະ ມີຂໍ້ມູນຊັດເຈນຕໍ່ພະນັກງານຂະແໜງການເງິນທີ່ລະເມີດລະບຽບກົດໝາຍ, ມີພຶດຕິກຳສໍ້ລາດບັງຫລວງ, ມີຫລັກຖານຮັດກຸມຊ່ວຍແຈ້ງມາຍັງກົມກວດກາ, ກະຊວງການເງິນເພື່ອຈະໄດ້ລົງເກັບກຳຂໍ້ມູນຕິດຕາມກວດກາ ແລະ ເຂົ້າສູ່ຂະບວນຍຸຕິທຳ.

ກະຊວງການເງິນຝາກສັງຄົມ ເປັນຫູເປັນຕາຊ່ວຍຫາກພົບພະນັກງານມີພຶດຕິກຳສໍ້ລາດບັງຫລວງ ໃຫ້ແຈ້ງມາຍັງກົມກວດກາ Reviewed by makarow on 12:40:00 AM Rating: 5

Contact Form

Name

Email *

Message *

Powered by Blogger.