ຂ່າວດ່ວນ

ຂ່າວອື່ນໆ

random

ກຽມກວດຊັບສິນ ຂອງພະນັກງານ-ເຈົ້າໜ້າທີ່ຂອງພາສີ ທີ່ຮັ່ງມີຜິດປົກກະຕິ



ຫວ່າງ​ບໍ່​ດົນ​ມາ​ນີ້ ປະຊາຊົນ ແລະ ພະນັກງານ ອາວຸໂສບຳນານ ຈຳນວນ​ໜຶ່ງ ​ໄດ້​ໂທ​ເຂົ້າສາຍ​ດ່ວນ 1519 ສະ​ເໜີໃຫ້ ກະຊວງ​ການ​ເງິນ ລົງກວດກາຕິດຕາມຢ່າງໃກ້ຊິດ ຕໍ່ກັບການປະຕິບັດໜ້າທີ່ວຽກງານ ຂອງພະນັກງານ ເຈົ້າໜ້າທີ່ພາ​ສີ-ອາ​ກອນ ຢູ່ບັນດາດ່ານພາສີ (ນະຄອນ}ວງ, ແຂວງ, ເມືອງ, ບ້ານ) ໃນຂອບເຂດທົ່ວປະເທດ ເພາະເຫັນວ່າ ພະນັກງານດັ່ງກ່າວ ມີລັກສະນະຮັ່ງມີ ຜິດປົກກະຕິ ​ແລະ ອື່ນໆ.
ຕໍ່​ກັບ​ບັນຫາ​ດັ່ງກ່າວ, ກະຊວງ​ການ​ເງິນ ໄດ້​ອອກ​ມາ​ຊີ້​ແຈງ ​ແລະ ​ໃຫ້​ຄວາມ​ກະຈ່າງ​ແຈ້ງວ່າ: ໃນໄລຍະຜ່ານມາ, ຂະ​ແໜງ​ການກວດ​ກາ ຂອງ​ກະ​ຊວງ​ການ​ເງິນ ໄດ້ເອົາໃຈໃສ່ ໃນການລົງຕິດຕາມກວດກາ ຢ່າງໃກ້ຊິດ ກັບບັນດາຂະແໜງການ ທີ່ມີຄວາມສ່ຽງ ເພື່ອຊອກຫາຂໍ້ມູນ ແລະ ສາເຫດທີ່ເປັນຫາງສຽງ ຢູ່ບັນດາດ່ານພາສີ, ກອງກວດກາພາສີ ແລະ ຂະແໜງສ່ວຍສາອາກອນ ໃນຂອບເຂດທົ່ວປະເທດ ສຳ​ລັບ​ປະ​ກົດ​ການ​ຫຍໍ້​ທໍ້ ທີ່​ປະ​ຊາ​ຊົນ​ ໄດ້​ສະ​ເໜີ​ມານັ້​ນ, ກະ​ຊວງ​ການ​ເງິນ ໄດ້ມີມາດຕະການ ແລະ ລະບຽບການໃນການແກ້ໄຂ ໂດຍໄດ້ກະກຽມລົງເຜີຍແຜ່​ ບັນດາລະບຽບກົດໝາຍ ແລະ ນິຕິກຳທີ່ຕິດພັນກັບ ການເຄື່ອນໄຫວວຽກງານຕົວຈິງ ພ້ອ​ມນີ້ ຍັງໄດ້ອອກຂໍ້ຕົກລົງ ກ່ຽວ​ກັບ 10 ຂໍ້ຫ້າມ ແລະ ວິໄນ ຂອງພະນັກງານ-ລັດຖະກອນ ຂະແໜງການເງິນ ​ພ້ອມ​ທັງ ກະກຽມ​ລົງ​ເຄື່ອນ​ໄຫວ ​ເພື່ອ​ສອບ​ຖາມ ​ແລະ ໃຫ້​ພະນັກງານ​ກ່ຽວຂ້ອງ ແຈ້ງຊັບສິນ, ລາຍຮັບຂອງພະນັກງານ ຮອບ 2 ຂອງຂະແໜງການເງິນ​ ແລະ ມີມາດຕະການຕໍ່ຜູ້ລະເມີດ. ຖ້າພະນັກງານ ຫຼື ບຸກຄົນໃດໜຶ່ງ​ພາຍ​ໃນຫາກບໍ່ລາຍງານ, ປິດບັງເຊື່ອງອໍາ, ບໍ່ມອບເອກະສານ ແຈ້ງຊັບສິນ-ລາຍຮັບ ຂອງຕົນ ແລະ ມີການກະທໍາຜິດອື່ນໆ ຈະສຶກສາອົບຮົມ, ຕັກເຕືອນ, ປະຕິບັດວິ​ໄນ ແລະ ຖືກດໍາເນີນຄະດີ ຕາມທີ່ກຳນົດໄວ້ ໃນໝວດທີ 6 ຂອງດຳລັດວ່າດ້ວຍ ການແຈ້ງຊັບສິນ ສະບັບເລກທີ 159/ລບ, ລົງວັນທີ 04 ມິ​ຖຸ​ນາ 2013. (ຈາກຂ່າວສານປະເທດລາວ)
ກຽມກວດຊັບສິນ ຂອງພະນັກງານ-ເຈົ້າໜ້າທີ່ຂອງພາສີ ທີ່ຮັ່ງມີຜິດປົກກະຕິ Reviewed by makarow on 6:55:00 PM Rating: 5

Contact Form

Name

Email *

Message *

Powered by Blogger.