ຂ່າວດ່ວນ

ຂ່າວອື່ນໆ

random

ອາເມລິກາເຜີຍ ເກົາຫລີເຫນືອຄືບຫນ້າການພັດທະນາຂີປະນາວຸດ



ສຳນັກຂ່າວຣອຍເຕີລາຍງານ 23 ມິຖຸນາ 2017 ໂດຍອ້າງຂໍ້ມູນຈາກເຈົ້າຫນ້າທີ່ລະດັບສູງຂອງລັດຖະບານສະຫະລັດອາເມຣິກາຢືນຢັນວ່າ ເກົາຫຼີເໜືອໄດ້ມີການທົດລອງເຄື່ອງຈັກຈະຫຼວດປະສິດທິພາບສູງຄັ້ງໃໝ່ ເຖິງຈະບໍ່ມີການເປີດເຜີຍຂໍ້ມູນເພີ່ມເຕີມທີ່ຫຼາຍພໍ ແຕ່ຝ່າຍສະຫະລັດອາເມຣິກາເຊື່ອວ່າການທົດສອບທີ່ເກີດຂຶ້ນຄືຄວາມພະຍາຍາມຄັ້ງຫຼ້າສຸດຂອງລັດຖະບານເກົາຫຼີເໜືອໃນການພັດທະນາໂຄງການຜະລິດຂີປະນາວຸດຂ້າມທະວີບ (ICBM) ໃຫ້ສາມາດໂຈມຕີໄດ້ໄກເຖິງແຜ່ນດິນໃຫ່ຍສະຫະລັດອາເມຣິກາ.

ເຊິ່ງທ່ານ ໂດໂນ ທຣຳ ປະທານປະເທດສະຫະລັດອາເມຣິກາປະກາດວ່າ ການຢຸດຕິໂຄງການນິວເຄຼຍຂອງເກົາຫຼີເໜືອຄື ໜຶ່ງໃນວາລະສຳຄັນທີ່ສຸດໃນດ້ານນະໂຍບາຍຕ່າງປະເທດຂອງລັດຖະບານສະຫະລັດອາເມຣິກາຊຸດປັດຈຸບັນ, ສ່ວນໃນດ້ານຂອງທ່ານ ເຣັກ ທິວເລີສັນ ລັດຖະມົນຕີກະຊວງການຕ່າງປະເທດສະຫະລັດອາເມຣິກາກ່າວລະຫວ່າງການພົບປະຫາລືກັບເຈົ້າໜ້າທີ່ລະດັບສູງຂອງລັດຖະບານຈີນ ທີ່ນະຄອນຫຼວງວໍຊິງຕັນເມື່ອວັນພຸດທີ່ຜ່ານມາວ່າ ຈີນມີພາລະກິດທາງການທູດໃນການເພີ່ມແຮງກົດດັນທັງທາງດ້ານການເມືອງ ແລະ ເສດຖະກິດຕໍ່ເກົາຫຼີເໜືອ ເພື່ອປ້ອງກັນບໍ່ໃຫ້ເກີດເຫດການຮຸນແຮງຢູ່ແຫຼມເກົາຫຼີ.

ຢ່າງໃດກໍ່ຕາມຜູ້ຊ່ຽວຊານດ້ານຂີປະນາວຸດປະເມີນວ່າ ນອກຈາກນີ້ເກົາຫລີເຫນືອຍັງພັດທະນາຫົວຮົບນິວເຄຣຍຫຍໍ້ສ່ວນເພື່ອບັນຈຸລົງໃນຂີປະນາວຸດຂ້າມທະວີບບໍ່ສຳເລັດ ແລະຄາດວ່າຈະຕ້ອງໃຊ້ເວລາອີກຫລາຍປີໃນການພັດທະນາເທັກໂນໂລຊີດັ່ງກ່າວ ໃຫ້ສາມາດໃຊ້ງານໄດ້ ແຕ່ການທົດສອບເຄື່ອງຈັກຈະຫລວດທີ່ຄາດວ່າຫາກໍ່ທົດລອງໄປມື້ວານນີ້ ອາດສໄ່ງຜົນໃຫ້ຄວາມຂັດແຍ່ງລະຫວ່າງເກົາຫລີເຫນືອ ແລະອາເມລິກາຮຸນແຮງຂື້ນເລື້ອຍໆ

ອາເມລິກາເຜີຍ ເກົາຫລີເຫນືອຄືບຫນ້າການພັດທະນາຂີປະນາວຸດ Reviewed by makarow on 4:31:00 AM Rating: 5

Contact Form

Name

Email *

Message *

Powered by Blogger.