ຂ່າວດ່ວນ

ຂ່າວອື່ນໆ

random

ກຸ່ມປູກຜັກ ນ້ຳຍອນ ກັງວົນຕະຫຼາດຈຳໜ່າຍໃນອະນາຄົດ


    ກຸ່ມຜູ້ປູກພືດຜັກ ບ້ານນ້ຳ ຍອນ ເມືອງອານຸວົງ ແຂວງໄຊ ສົມບູນ ມີຄວາມກັງວົນໃຈບໍ່ ໜ້ອຍ, ຫາກໂຄງການຂຸດຄົ້ນ ຄຳ - ທອງ ຂອງບໍລິສັດພູເບ້ຍ ມາຍນິງ (ໂຮງງານພູຄຳ) ອັດ ກິດຈະການລົງເມື່ອໃດ ພືດຜັກ ຂອງປະຊາຊົນຈະນຳເອົາໄປຈຳ ໜ່າຍຢູ່ໃສ?, ຂະນະທີ່ບໍລິສັດ ພູເບ້ຍມາຍນິງກຳລັງເລັ່ງຫາຕະ ຫຼາດຈຳໜ່າຍຊ່ວຍປະຊາຊົນ ເພື່ອບໍ່ຢາກໃຫ້ປະຊາຊົນຕ້ອງ ອັບປະໂຫຍດ ຫາກໂຄງການ ອັດກິດຈະການລົງ. ທ່ານ ສີພັນດອນ ລໍຈົງເຕັງ ນາຍບ້ານນ້ຳຍອນ ເປີດເຜີຍ ເມື່ອບໍ່ດົນມານີ້ວ່າ: ນັບແຕ່ມີ ການຂຸດຄົ້ນແຮ່ຄຳ - ທອງ ຂອງບໍລິິສັດພູເບ້ຍມາຍນິງ ໄດ້ ປະກອບສ່ວນພັດທະນາຊຸມ ຊົນຫຼາຍດ້ານເປັນຕົ້ນແມ່ນ ການສົ່ງເສີມການລ້ຽງສັດ ໃຫຍ່, ການປູກພືດຜັກປອດ ສານພິດສະໜອງໃຫ້ໂຄງການ ຊຶ່ງບໍລິສັດ ໄດ້ຊ່ວຍຫຼາຍຢ່າງ ນັບແຕ່ການປຸກລະດົມໃຫ້ປະ ຊາຊົນເຮັດການຜະລິດ ໂດຍ ສະເພາະປູກພືດຜັກ ແລະ ລ້ຽງ ສັດລວມທັງຈັດຝຶກອົບຮົມວິທີ ການລ້ຽງ-ການປູກ ຊຶ່ງທຳອິດ ການປຸກລະດົມໃຫ້ປະຊາຊົນ ປູກພືດກໍພົບຄວາມຫຍຸ້ງຍາກ ເນື່ອງຈາກປະຊາຊົນສ່ວນ ຫຼາຍຍັງເຄີຍຊິນກັບການປູກ- ການລ້ຽງແບບທຳມະຊາດ, ແຕ່ເມື່ອເຫັນບາງຄອບຄົວເຂົ້າ ຮ່ວມໂຄງການເຫັນວ່າ ມີລາຍ ຮັບດີ, ປະຊາຊົນກໍຄ່ອຍໆທະ ຍອຍເຂົ້າຮ່ວມໂຄງການ.

ນາຍບ້ານໆນ້ຳຍອນກ່າວ ອີກວ່າ: ກ່ອນໜ້ານີ້, ບ້ານນ້ຳ ຍອນມີພຽງແຕ່ 48 ຄອບຄົວ, ແຕ່ມາຮອດປັດຈຸບັນໄດ້ເພີ່ມ ຂຶ້ນເປັນ 336 ຄອບຄົວ, ມີປະ ຊາກອນເກືອບ 2.000 ຄົນ, ໃນນັ້ນມີຜູ້ປູກຜັກ 120 ຄອບ ຄົວ ໂດຍໄດ້ແບ່ງອອກເປັນ 6 ກຸ່ມ, ບາງກຸ່ມປູກໃນເຮືອນຮົ່ມ, ບາງກຸ່ມປູກຕາມດິນຮາບພຽງ ແຕ່ບາງກຸ່ມບາງຄອບຄົວປູກ ຕາມເປີ້ນພູ ແລະ ທຸກໆວັນພະ ຫັດ, ເຂົາເຈົ້າກໍຈະນຳພືດຜັກ ເຫຼົ່ານັ້ນມາຂາຍໃຫ້ບໍລິສັດພູ ເບ້ຍ. ນາຍບ້ານໆນ້ຳຍອນກ່າວ ອີກວ່າ: ນັບແຕ່ປະຊາຊົນຫັນ ມາປູກພືດຜັກ ແລະ ລ້ຽງສັດ ສະໜອງໃຫ້ບໍລິສັດພູເບ້ຍ ແລະ ມີຫຼາຍສິບຄົນກໍເຂົ້າເຮັດ ວຽກຢູ່ໂຄງການຂຸດຄົ້ນຄຳ-ທອງ ຂອງບໍລິສັດເຫັນວ່າຊີວິດ ການເປັນຢູ່ຂອງປະຊາຊົນດີ ຂຶ້ນຫຼາຍ ຫາກທຽບໃສ່ເມື່ອ ກ່ອນ, ຈາກໂອກາດສ້າງລາຍ ຮັບດັ່ງກ່າວຈຶ່ງມີປະຊາຊົນ ຍ້າຍມາຕັ້ງຖິ່ນຖານເພີ່ມຂຶ້ນ ຈາກ 48 ຄອບຄົວ ໃນເມື່ອ ກ່ອນມາເປັນ 336 ຄອບຄົວ ໃນປັດຈຸບັນ ພ້ອມທັງມີຕະ ຫຼາດຈຳໜ່າຍສິນຄ້າຂອງບ້ານ ເຮັດໃຫ້ເກີດມີໜໍ່ແໜງການຊື້- ຂາຍ.

ນາຍບ້ານໆນ້ຳຍອນ ຍັງ ສະແດງຄວາມເປັນຫ່ວງ ຫາກ ເມື່ອໃດໂຄງການຢຸດກິດຈະ ການ, ຜົນຜະລິດຂອງປະຊາ ຊົນທີ່ເຄີຍຜະລິດມານັ້ນ ຈະນຳ ໄປຂາຍຢູ່ໃສ? ເນື່ອງຈາກວ່າ ອາໄສແຕ່ຕະຫຼາດພາຍໃນຊຸມ ຊົນ ແລະ ຕະຫຼາດເມືອງ ຜົນ ຜະລິດອາດລົ້ນ, ດັ່ງນັ້ນ ຈຶ່ງ ຮຽກຮ້ອງໃຫ້ໂຄງການ ແລະ ພາກລັດຊ່ວຍຫາວິທີທາງອອກ ຊ່ວຍປະຊາຊົນ. ທ່ານ ນາງ ມະນີລັດ ອາ ລຸນລັງສີ ຜູ້ຈັດການຝ່າຍປະ ສານງານລັດຖະບານ ບໍລິສັດ ພູເບ້ຍມາຍນິ້ງ ເປີດເຜີຍວ່າ: ການຂຸດຄົ້ນຄຳ-ທອງ ຂອງບໍ ລິສັດພູເບ້ຍມາຍນິ້ງ ໄດ້ດຳ ເນີນແຕ່ປີ 2008 ແລະ ຄາດ ວ່າຈະຢຸດກິດຈະການ ໃນປີ 2021 (ສຳລັບໂຮງງານພູຄຳ) ແຕ່ກອນຈະອັດບໍ່ ບໍລິສັດ ໄດ້ວາງແຜນຊ່ວຍເຫຼືອປະຊາ ຊົນ ໂດຍປັດຈຸບັນ ໄດ້ເລັ່ງ ຊອກຫາຕະຫຼາດຊ່ວຍກະສິ ກອນ ເນື່ອງຈາກວ່າ ເມື່ອບໍລິ ສັດອັດບໍ່ໄປແລ້ວ, ບໍ່ຢາກໃຫ້ ປະຊາຊົນຕ້ອງອັບປະໂຫຍດ ຈາກໂຄງການທີ່ບໍລິສັດໄດ້ສົ່ງ ເສີມປະຊາຊົນຕະຫຼອດໄລຍະ ເວລາທີ່ຜ່ານມາ.(ຂ່າວຫນັງສືພິມປະຊາຊົນ)
ກຸ່ມປູກຜັກ ນ້ຳຍອນ ກັງວົນຕະຫຼາດຈຳໜ່າຍໃນອະນາຄົດ Reviewed by makarow on 7:50:00 PM Rating: 5

Contact Form

Name

Email *

Message *

Powered by Blogger.