ຂ່າວດ່ວນ

ຂ່າວອື່ນໆ

random

ລັດຖະມົນຕີຕ່າງປະເທດລາວຢ້ຽມຢາມ ອາແຊັກໄບຊານ



    ໂດຍຕອບສະໜອງຕາມ ຄຳເຊີນຂອງທ່ານ ເອນມາ ເມັມ ມາເດຍຣົບ (Elmar Mammadyarov) ລັດຖະມົນຕີກະ ຊວງການຕ່າງປະເທດ ແຫ່ງ ສາທາລະນະລັດ ອາແຊັກໄບ ຊານ, ທ່ານ ສະເຫຼີມໄຊ ກົມ ມະສິດ ລັດຖະມົນຕີກະຊວງ ການຕ່າງປະເທດເຮົາ ແລະ ຄະ ນະໄດ້ເດີນທາງໄປຢ້ຽມຢາມ ສາທາລະນະລັດ ອາແຊັກໄບ ຊານ ຢ່າງເປັນທາງການ ໃນວັນທີ 18-20 ມີຖຸນາ 2017, ຊຶ່ງເປັນ ການຢ້ຽມຢາມຄັ້ງທຳອິດທີ່ ເປັນຄັ້ງປະຫວັດສາດຂອງ ຄະນະຜູ້ແທນລະດັບສູງ ລະ ຫວ່າງສອງຝ່າຍນັບແຕ່ສ້າງ ຕັ້ງສາຍ ພົວພັນການທູດນຳກັນ ເປັນຕົ້ນມາ.

ໃນວັນທີ 19 ມີຖຸນາ 2017 ໄດ້ມີການພົບປະສອງຝ່າຍ ຢ່າງເປັນທາງການ ລະຫວ່າງ ທ່ານ ສະເຫຼີມໄຊ ກົມມະສິດ ກັບ ທ່ານ ເອນມາ ເມັມມາເດຍ ຣົບ ໂດຍທີ່ທັງສອງຝ່າຍໄດ້ຕີ ລາຄາສູງຕໍ່ສາຍພົວພັນມິດຕະ ພາບ ແລະ ການຮ່ວມມືທີ່ເປັນ ມູນເຊື້ອອັນດີງາມຂອງສອງ ປະເທດ ນັບຕັ້ງແຕ່ໄດ້ສ້າງຕັ້ງ ສາຍພົວພັນການທູດນຳກັນ ໃນວັນທີ 22 ພຶດສະພາ 1995 ຈົນເຖິງປັດຈຸບັນ, ພ້ອມທັງໃຫ້ ການຕີລາຄາວ່າການຢ້ຽມ ຢາມຂອງຄະນະຜູ້ແທນຂັ້ນສູງ ຂອງ ສປປ ລາວ ຢູ່ ອາແຊັກ ໄບຊານ ຄັ້ງນີ້ ເປັນນິມິດໝາຍ ອັນດີໃນການຊຸກຍູ້ເພີ່ມທະວີ ການພົວພັນຮ່ວມມືສອງຝ່າຍ ໃຫ້ຫຼາຍຂຶ້ນບົນພື້ນຖານຄວາມ ເຊື່ອໝັ້ນ, ຄວາມເຂົ້າອົກເຂົ້າ ໃຈ, ຕ່າງຝ່າຍຕ່າງໄດ້ຮັບຜົນ ປະໂຫຍດຫຼາຍຂຶ້ນພ້ອມທັງ ໃຫ້ການສະໜັບສະໜູນຊ່ວຍ ເຫຼືອເຊິ່ງກັນ ແລະ ກັນ ທັງໃນ ຂອບສອງຝ່າຍ ແລະ ຫຼາຍຝ່າຍ ໃນເວທີພາກພື້ນ ແລະ ສາກົນ ພ້ອມກັນນັ້ນ, ສອງຝ່າຍໄດ້ ເຫັນດີຈະສືບຕໍ່ຊຸກຍູ້ການແລກ ປ່ຽນການຢ້ຽມຢາມເຊິ່ງກັນ ແລະ ກັນໃນທຸກລະດັບ ເພື່ອ ປຶກສາຫາລື ຖອດຖອນບົດຮຽນ ແລະ ຊຸກຍູ້ການຮ່ວມມືສອງ ຝ່າຍທີ່ມີມາແລ້ວນັ້ນໃຫ້ມີປະ ສິດທິຜົນສູງຂຶ້ນ ໂດຍສະເພາະ ເພີ່ມທະວີການຮ່ວມມືໃນຂົງ ເຂດເສດຖະກິດ - ການຄ້າ, ການ ລົງທຶນ, ພະລັງງານ, ບໍ່ແຮ່, ກະ ສິກຳ, ອຸດສາຫະກຳປຸງແຕ່ງ, ການສຶກສາ, ການທ່ອງທ່ຽວ ແລະ ດ້ານອື່ນໆ ທີ່ສອງຝ່າຍມີ ທ່າແຮງ ແລະ ມີຄວາມສົນໃຈ ຮ່ວມກັນ.

ນອກຈາກນີ້, ສອງ ຝ່າຍຍັງໄດ້ແຈ້ງສະພາບການ ໂດຍຫຍໍ້ທາງດ້ານເສດຖະກິດ - ສັງຄົມ, ສະພາບລວມຂອງຂໍ້ ສະດວກ - ຂໍ້ຫຍຸ້ງຍາກ ຂອງ ແຕ່ລະປະເທດໃຫ້ກັນຊາບ ພ້ອມທັງແລກປ່ຽນຄຳເຫັນ ກ່ຽວກັບບັນຫາພາກພື້ນ ແລະ ສາກົນ ທີ່ສອງຝ່າຍມີຄວາມ ສົນໃຈ ໂດຍເຫັນດີສືບຕໍ່ສະ ໜັບສະໜູນເຊິ່ງກັນ ແລະ ກັນ ໃນເວທີຕ່າງໆ. ໃນໂອກາດດັ່ງກ່າວ, ທ່ານ ສະເຫຼີມໄຊ ກົມມະສິດ ກໍໄດ້ ຕາງໜ້າໃຫ້ລັດຖະບານລາວ ສະແດງຄວາມຂອບໃຈຕໍ່ການ ຊ່ວຍເຫຼືອໃຫ້ທຶນການສຶກສາ ແກ່ນັກສຶກສາລາວຈຳນວນ ຫຼາຍຂອງລັດຖະບານອາແຊັກ ໄບຊານ ໃນສະໄໝອະດີດສະ ຫະພາບໂຊວຽດ ຊຶ່ງອະດິດນັກ ສຶກສາທີ່ຮຽນຈົບຈາກອາແຊັກ ໄບຊານ ໃນເມື່ອກ່ອນບາງ ທ່ານ ກໍໄດ້ກາຍເປັນການນຳ ແລະ ມີຕຳແໜ່ງສູງຢູ່ໃນກົງຈັກ ລັດຖະບານປັດຈຸບັນ. ພ້ອມ ກັນນັ້ນ, ທ່ານລັດຖະມົນຕີກໍ ໄດ້ສະເໜີໃຫ້ລັດຖະບານອາ ແຊັກໄບຊານ ສືບຕໍ່ໃຫ້ການ ຊ່ວຍເຫຼືອໃນການສ້າງຊັບພະ ຍາກອນມະນຸດ ກໍຄືໃຫ້ທຶນ ການສຶກສາ, ຝຶກອົບຮົມ ຫຼື ການ ໄປທັດສະນະສຶກສາໄລຍະສັ້ນ ທີ່ອາແຊັກໄບຊານ ໃຫ້ແກ່ ສປປ ລາວ ແລະ ສະເໜີໃຫ້ທັງສອງ ຝ່າຍປຶກສາຫາລືກັນ ກ່ຽວກັບ ຄວາມເປັນໄປໄດ້ໃນການກໍ່ ສ້າງໂຮງກັ່ນນ້ຳມັນຢູ່ ສປປ ລາວ ຊຶ່ງຈະເປັນການສ້າງຜົນ ປະໂຫຍດຢ່າງຫຼວງຫຼາຍ ໃຫ້ ແກ່ສອງປະເທດ ລາວ - ອາ ແຊັກໄບຊານ, ທັງເປັນການ ປະກອບສ່ວນອັນສຳຄັນ ເຂົ້າ ໃນການຈັດຕັ້ງປະຕິບັດແຜນ ພັດທະນາເສດຖະກິດ - ສັງຄົມ 5 ປີ ຄັ້ງທີ 8 (2016-2020) ຂອງ ສປປ ລາວ ເພື່ອໃຫ້ຫຼຸຸດ ພົ້ນອອກຈາກປະເທດດ້ອຍ ພັດທະນາໃນປີ 2020. ໃນຂະນະດຽວກັນ, ຝ່າຍ ອາແຊັກໄບຊານ ກໍໄດ້ສະແດງ ຄວາມຍິນດີ ຈະສືບຕໍ່ຊຸກຍູ້ໃຫ້ ມີການຮ່ວມມືກັນໃນດ້ານເສດ ຖະກິດໃຫ້ຫຼາຍຂຶ້ນ ແລະ ຈະ ສືບຕໍ່ໃຫ້ທຶນການສຶກສາແກ່ ສປປ ລາວ ພ້ອມທັງໄດ້ສະເໜີ ໃຫ້ມີການສົ່ງເສີມສາຍພົວພັນ ຮ່ວມມືລະຫວ່າງສະພາຂອງ ສອງປະເທດ ໄປຄຽງຄູ່ກັບການ ສ້າງຕັ້ງກຸ່ມມິດຕະພາບ ປະຈຳ ລັດຖະສະພາຂອງກັນ ແລະ ກັນ.

 ໃນໂອກາດດັ່ງກ່າວ, ລັດ ຖະມົນຕີຕ່າງປະເທດ ສອງ ຝ່າຍ ໄດ້ເຊັນສັນຍາຍົກເວັ້ນວີ ຊາການທູດ ລະຫວ່າງສອງປະ ເທດນຳກັນ ຊຶ່ງຈະມີຜົນບັງຄັບ ໃຊ້ໄດ້ພາຍຫຼັງສາມສີບວັນ ທີ່ ສອງຝ່າຍໄດ້ແຈ້ງໃຫ້ກັນຊາບ. ໃນໂອກາດຢ້ຽມຢາມ ທາງການ ໃນຄັ້ງນີ້, ທ່ານ ສະເຫຼີມໄຊ ກົມມະສິດ ພ້ອມ ດ້ວຍຄະນະ ໄດ້ເຂົ້າຢ້ຽມຂ່ຳ ນັບບັນດາການນຳຂັ້ນສູງຂອງ ອາແຊັກໄບຊານຄື: ພະນະ ທ່ານ ອິນຮາມ ອາລີເຢບ (Iham Aliyev), ປະທານາທິ ບໍດີ ແຫ່ງ ສ ອາແຊັກໄບຊານ, ພະນະທ່ານ ອັອກໄຕ ອາຊາດົບ (Ogtay Asadov), ປະທານ ສະພາແຫ່ງຊາດ ແລະ ພະນະ ທ່ານ ອາຕຸ ຣາຊີຊາເດ (Artur Rasizade), ນາຍົກລັດຖະມົນ ຕີ ແຫ່ງ ສ. ອາແຊັກໄບຊານ ໃນໂອກາດດັ່ງກ່າວ, ທ່ານ ສະເຫຼີມໄຊ ກົມມະສິດ ໄດ້ສະ ແດງຄວາມຂອບໃຈຕໍ່ບັນດາ ການນຳຂັ້ນສູງຂອງອາແຊັກ ໄບຊານ ທີ່ໄດ້ໃຫ້ກຽດຕ້ອນຮັບ ຢ່າງອົບອຸ່ນ ພ້ອມທັງໄດ້ນຳ ເອົາຄວາມຢື້ຢາມຖາມຂ່າວ ຈາກການນຳຂັ້ນສູງແຫ່ງ ສປປ ລາວ ໄປເຖິງຄູ່ຮ່ວມຕຳແໜ່ງ ອາແຊັກໄບຊານ. ນອກຈາກ ນີ້, ຄະນະຍັງໄດ້ເດີນທາງໄປ ຢ້ຽມຊົມພື້ນຖານການຜະລິດ ຕ່າງໆຢູ່ນະຄອນຫຼວງບາກູ, ເປັນຕົ້ນແມ່ນໂຮງງານກັ່ນນ້ຳ ມັນ ແລະ ອື່ນໆ.
ລັດຖະມົນຕີຕ່າງປະເທດລາວຢ້ຽມຢາມ ອາແຊັກໄບຊານ Reviewed by makarow on 7:47:00 PM Rating: 5

Contact Form

Name

Email *

Message *

Powered by Blogger.