ຂ່າວດ່ວນ

ຂ່າວອື່ນໆ

random

ນາຍົກລັດຖະມົນຕີຕ້ອນຮັບຄະນະປະຕິບັດງານພິເສດລັດຖະບານຫວຽດນາມ


    ໃນຕອນແລງຂອງວັນທີ 26 ມີຖຸນານີ້, ທີ່ສຳນັກງານນາຍົກລັດຖະມົນຕີ ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງທ່ານ ພົນໂທ ເລ ຈຽມ ຮອງລັດຖະມົນຕີກະຊວງປ້ອງກັນປະເທດ ຫົວໜ້າຄະນະປະຕິບັດງານພິເສດ ລັດຖະບານຫວຽດນາມ ພ້ອມດ້ວຍຄະນະໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 25-27 ມີຖຸນານີ້. ໃນໂອກາດນີ້, ທ່ານນາ ຍົກລັດຖະມົນຕີໄດ້ສະແດງ ຄວາມຊົມເຊີຍ ແລະ ຕີລາຄາ ສູງຕໍ່ການມາເຮັດວຽກຢູ່ ສປປ ລາວ ໃນຄັ້ງນີ້ຂອງຄະນະປະ ຕິບັດງານພິເສດລັດຖະບານ ຫວຽດນາມອັນເປັນການສືບ ຕໍ່ເສີມຂະຫຍາຍສາຍພົວພັນການຮ່ວມມືຮອບດ້ານ ແລະ ຄວາມສາມັກຄີພິເສດລະ ຫວ່າງສອງພັກ, ສອງລັດກໍຄືສອງຄະນະປະຕິບັດງານພິ ເສດລາວ-ຫວຽດນາມທີ່ມີມູນເຊື້ອການຮ່ວມມືມາຍາວ ນານ ທັງຍັງຢູ່ໃນທ່າມກາງບັນ ຍາກາດທີ່ສອງປະເທດພວກເຮົາໄດ້ຮ່ວມກັນສະເຫຼີມສະ ຫຼອງ 2 ວັນປະຫວັດສາດລາວ -ຫວຽດນາມ ໃນປີ 2017 ຊຶ່ງ ນັບຕັ້ງແຕ່ຄະນະປະຕິບັດງານ ພິເສດ ຄະນະທຳອິດທີ່ທ່ານ ທອງລຸນ ສີສຸລິດ ເປັນປະ ທານ ໃນປີ 1994 ທີ່ໄດ້ມີການ ເກັບກູ້ເອົາອັດຖິຂອງທະຫານ ຫວຽດນາມ ໃນ ສປປ ລາວ ທີ່ ເສຍຊີວິດ ແລະ ສູນຫາຍໃນ ປາງສົງຄາມເປັນຈຳນວນຫຼາຍ ພັນຄົນ ແລະ ໃນປີທີ່ຜ່ານມາກໍ ສາມາດເກັບກູ້ອັດຖິທະຫານ ຫວຽດນາມໄດ້ເຖິງ 270 ສະ ຫາຍ.

ພ້ອມນີ້ ທ່ານນາຍົກລັດ ຖະມົນຕີຍັງໄດ້ສະແດງຄວາມ ຫວັງວ່າ: ສອງຄະນະປະຕິບັດ ງານພິເສດ ລາວ-ຫວຽດນາມ ຈະໄດ້ພ້ອມກັນປຶກສາຫາລື ແລະ ຮ່ວມມືກັນຢ່າງສະໜິດ ແໜ້ນ ຊຶ່ງຝ່າຍລາວຈະໃຫ້ການ ຮ່ວມມືເປັນຢ່າງດີ ເພື່ອເຮັດໃຫ້ການເກັບກູ້ອັດຖິທະຫານ ຫວຽດນາມສຳເລັດຈົນເຖິງສະ ຫາຍສຸດທ້າຍ ຈຶ່ງຖືວ່າເປັນ ໝາກຜົນ ແລະ ຜົນງານອັນ ໃຫຍ່ຫຼວງຂອງຄະນະປະຕິບັດ ງານພິເສດ ລາວ-ຫວຽດນາມ. ເຖິງວ່າວຽກງານດັ່ງກ່າວນັບມື້ ນັບຈະມີຄວາມຫຍຸ້ງຍາກ ແຕ່ ກໍໃຫ້ຖືວ່າເປັນວຽກງານທີ່ມີ ກຽດສູງສົ່ງ ແລະ ເປັນຄວາມ ພາກພູມໃຈຂອງສອງຄະນະ ປະຕິບັດງານພິເສດພວກເຮົາ, ມັນໄດ້ສະແດງໃຫ້ພວກເຮົາ ເຫັນເຖິງນ້ຳໃຈມິດຕະພາບອັນ ຍິ່ງໃຫຍ່, ຄວາມສາມັກຄີພິເສດ ແລະ ນ້ຳໃຈຮ່ວມສູ້ຮົບອັນພິ ລະອາດຫານຂອງສອງກອງທັບ ລາວ-ຫວຽດນາມ ເພື່ອເປັນ ການສຶກສາອົບຮົມໃຫ້ແກ່ປະ ຊາຊົນ ແລະ ລູກຫຼານຂອງສອງ ປະເທດໄດ້ຈົດຈຳມູນເຊື້ອດັ່ງ ກ່າວທີ່ບໍ່ມີຢູ່ໃນປະເທດອື່ນໆ ຄືກັບສອງປະເທດ ລາວ-ຫວຽດ ນາມໃຫ້ດຳລົງຢູ່ຄູ່ປະຊາຊົນສອງຊາດພວກເຮົາຕະຫຼອດໄປ.(ຂ່າວຫນັງສືພິມປະຊາຊົນ)
ນາຍົກລັດຖະມົນຕີຕ້ອນຮັບຄະນະປະຕິບັດງານພິເສດລັດຖະບານຫວຽດນາມ Reviewed by makarow on 9:08:00 PM Rating: 5

Contact Form

Name

Email *

Message *

Powered by Blogger.