ຂ່າວດ່ວນ

ຂ່າວອື່ນໆ

random

ປະທານສະພາຣາຊະອານາຈັກກຳປູເຈຍຢ້ຽມຢາມ ສປປ ລາວ ຢ່າງເປັນທາງການ


ໂດຍຕອບສະໜອງຕາມຄຳເຊີນຂອງພະນະທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວ. ສົມເດັດອັກຄະມະຫາໂປ ເຢຍຈັກກຣີ ເຮັງຊຳຣິນ ປະທານສະພາແຫ່ງຊາດ ແຫ່ງ ຣາຊະອານາຈັກກຳປູເຈຍ ພ້ອມດ້ວຍຄະນະຜູ້ແທນຂັ້ນສູງຢ້ຽມຢາມ ສປປ ລາວຢ່າງເປັນທາງການໃນລະຫວ່າງວັນທີ 21- 23 ມີຖຸນານີ້. ພິທີຕ້ອນຮັບຢ່າງເປັນທາງການໄດ້ຈັດຂຶ້ນໃນຕອນເຊົ້າວັນທີ 21 ມີຖຸນານີ້, ທີ່ຫໍປະຊຸມແຫ່ງຊາດໂດຍມີພະນະທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດພ້ອມຄະນະໃຫ້ກຽດຕ້ອນຮັບ.

ຈາກນັ້ນກໍໄດ້ມີການພົບປະສອງຝ່າຍ ຊຶ່ງຕ່າງຝ່າຍໄດ້ແຈ້ງສະພາບ ການພັດທະນາເສດຖະກິດ - ສັງຄົມຂອງແຕ່ລະປະເທດລວມທັງການພົວພັນຮ່ວມມືສອງຝ່າຍໃນໄລຍະຜ່ານມາ ໃຫ້ກັນຊາບ ໂດຍພະນະທ່ານ ປະທານສະພາແຫ່ງຊາດເຮົາ ກໍໄດ້ກ່າວສະແດງຄວາມຊົມຊື່ນ ເປັນຢ່າງຍິ່ງຕໍ່ຜົນສຳເລັດອັນ ໃຫຍ່ຫຼວງ ແລະ ຮອບດ້ານໃນ ການພັດທະນາເສດຖະກິດ - ສັງຄົມໃນໄລຍະຜ່ານມາຂອງ ຣາຊະອານາຈັກກຳປູເຈຍເຫັນ ວ່າມີການ ພັດທະນາຢ່າງໄວວາ ແລະ ເຊື່ອໝັ້ນວ່າ: ພາຍໃຕ້ ການຊີ້ນຳໆພາຂອງສົມເດັດ ຮຸນແຊນ, ສົມເດັດ ເຮັງຊຳຣິນ, ສົມເດັດ ສົມໄຊ ປະເທດກຳ ປູເຈຍຈະສືບຕໍ່ມີການພັດທະ ນາ ແລະ ໄດ້ຮັບຜົນສຳເລັດອັນ ໃຫຍ່ ຫຼວງກ່ວາເກົ່າ ເພື່ອຄວາມ ວັດທະນາ ແລະ ຄວາມສົມບູນ ພູນສຸກຂອງປະຊາຊົນກຳປູເຈຍ. ສຳລັບ ສປປ ລາວ ໜຶ່ງປີ ຜ່ານມາໄດ້ຈັດຕັ້ງປະຕິບັດມະ ຕິ X ຂອງພັກ.

ວິໄສທັດຮອດ ປີ 2030 ຍຸດທະສາດການພັດ ທະນາເສດຖະກິດ-ສັງຄົມ 10 ປີ ແລະ ງົບປະມານແຫ່ງລັດ 5 ປີທີ່ວາງໄວ້ໄດ້ດີອັນໄດ້ເຮັດໃຫ້ ປະເທດຊາດສືບຕໍ່ມີສະຖຽນ ລະພາບທາງດ້ານການເມືອງມີ ຄວາມເປັນລະບຽບຮຽບຮ້ອຍ ທາງສັງຄົມ, ຮັບປະກັນການ ພັດທະນາເສດຖະກິດ-ສັງຄົມ ຕາມທິດສີຂຽວໝັ້ນທ່ຽງ ແລະ ຍືນຍົງສືບຕໍ່ເພີ່ມທະວີການພົວ ພັນຮ່ວມມືສອງຝ່າຍ ແລະ ຫຼາຍ ຝ່າຍກັບບັນດາປະເທດເພື່ອນ ມິດຢູ່ໃນພາກພື້ນ ແລະ ໃນ ໂລກ ເພື່ອຍາດແຍ່ງການສະ ໜັບສະໜູນການຊ່ວຍເຫຼືອໃຫ້ ແກ່ການພັດທະນາປະເທດ ຊາດ ແລະ ສູ້ຊົນເຮັດໃຫ້ປະ ເທດຫຼຸຸດພົ້ນອອກຈາກຄວາມ ດ້ອຍພັດທະນາ ໃນປີ 2020.

 ໃນຕອນແລງຂອງວັນ ດຽວກັນ ພະນະທ່ານປະທານ ສະພາແຫ່ງຊາດ ແຫ່ງ ຣາຊະ ອານາຈັກ ກຳປູເຈຍ ພ້ອມຄະ ນະກໍໄດ້ເຂົ້າຢ້ຽມຂ່ຳນັບພະ ນະທ່ານ ທອງລຸນ ສີສຸລິດ ນາ ຍົກລັດຖະມົນຕີ ທີ່ສຳນັກງານ ນາຍົກລັດຖະມົນຕີ ແລະ ເຂົ້າ ຢ້ຽມຂ່ຳນັບພະນະທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ທີ່ທຳນຽບປະທານ ປະເທດຕາມລຳດັບ ໃນໂອກາດ ເຂົ້າຢ້ຽມຂ່ຳນັບການນຳຂັ້ນສູງ ຂອງລາວເຮົາຄັ້ງນີ້ ບັນດາທ່ານ ການນຳໄດ້ກ່າວສະແດງຄວາມ ຕ້ອນຮັບ ແລະ ຊົມເຊີຍຕໍ່ການ ຢ້ຽມຢາມ ສປປ ລາວ ໃນຄັ້ງນີ້ ຊຶ່ງຈະເປັນການປະກອບສ່ວນ ສຳຄັນເຂົ້າໃນການສືບຕໍ່ເສີມ ຂະຫຍາຍສາຍພົວພັນມິດຕະ ພາບຄວາມສາມັກຄີ ແລະ ການ ຮ່ວມມືຖານບ້ານໃກ້ເຮືອນຄຽງ ທີ່ມີມູນເຊື້ອອັນດີງາມມາແຕ່ບູ ຮານນະການລະຫວ່າງສອງ ປະເທດລາວ-ກຳປູເຈຍ ນັບມື້ ໄດ້ຮັບການເສີມຂະຫຍາຍຍິ່ງ ຂຶ້ນ, ການນຳຂັ້ນສູງ ຍັງກ່າວ ສະແດງຄວາມຂອບໃຈໄປຍັງ ພັກ ປະຊາຊົນ ກຳປູເຈຍ, ສະ ພາແຫ່ງຊາດ, ລັດຖະບານ ແລະ ປະຊາຊົນ ກຳປູເຈຍທີ່ ໄດ້ໃຫ້ການຮ່ວມມື ແລະ ສະ ໜັບສະໜູນ ສປປ ລາວ ກໍຄື ປະຊາຊົນລາວບັນດາເຜົ່າໃນ ການພັດທະນາປະເທດຊາດ ຕະຫຼອດມາ. (ຂ່າວ-ພາບ: ພູວຽງຄຳ) ຫນັງສືພິມປະຊາຊົນ:
ປະທານສະພາຣາຊະອານາຈັກກຳປູເຈຍຢ້ຽມຢາມ ສປປ ລາວ ຢ່າງເປັນທາງການ Reviewed by makarow on 7:46:00 PM Rating: 5

Contact Form

Name

Email *

Message *

Powered by Blogger.