ຂ່າວດ່ວນ

ຂ່າວອື່ນໆ

random

ສຳນັກງານນາຍົກລັດຖະມົນຕີ ມີຄຳສັ່ງໃຫ້ກະຊວງການເງິນກວດກາ ລົດເຖື່ອນທົ່ວປະເທດ



ເມື່ອຕົ້ນປີນີ້ ສໍານັກງານ ນາຍົກລັດຖະມົນຕີ ສປປລາວ ໄດ້ມີຄໍາສັ່ງໃຫ້ ກະຊວງການເງິນ ຕໍາຫລວດ ແລະແຂວງ ກວດກາ ແກ້ໄຂບັນຫາ ການນໍາລົດຍົນ ເຂົ້າມາ ແບບບໍ່ຖືກຕ້ອງ ຕາມກົດໝາຍ ໃນແຂວງຕ່າງໆ ທົ່ວປະເທດ ຊຶ່ງມີປະມານ 5600 ປາຍຄັນ. ເຈົ້າຂອງລົດ ເຫລົ່ານັ້ນ ຊື້ລົດມາດ້ວຍວິທີ ປອມແປງເອກສານ ບໍ່ເສຍພາສີອາກອນ ໃຫ້ແກ່ລັດ.

ຜ່ານມາເຈົ້າໜ້າທີ່ ມີບັນຫາຍຸ່ງຍາກຫຼາຍ ໃນການກວດກາ ເພາະເຈົ້າໜ້າທີ່ ບໍ່ຮູ້ວ່າລົດຖືກລັກເຂົ້າມາຈາກໃສ ລັກມາແນວໃດ ບໍ່ຮູ້ວ່າ ແມ່ນໃຜຫຼືບໍລິສັດໃດ ເປັນຜູ້ນໍາເຂົ້າມາ ແລະປອມແປງເອກະສານ. ສິ່ງທີ່ຍຸ່ງຍາກກວ່ານັ້ນ ແມ່ນການກວດກາ ສືບສວນ ສອບສວນ ເຈົ້າໜ້າທີ່ ທີ່ພົວພັນ ກັບການປອມແປງ ເອກສານ ຄ້າລົດເຖື່ອນ.

ປັດຈຸບັນ ມີລົດຈໍານວນຫຼາຍ ທີ່ຍັງບໍ່ທັນຖືກກວດກາ ໂດຍສະເພາະລົດໃນນະຄອນຫຼວງວຽງຈັນ ແຂວງວຽງຈັນ ແຂວງຫຼວງພຣະບາງ ແລະໃນເຂດ ເສດຖະກິດພິເສດ ໃນທົ່ວປະເທດ. ລົດຍົນຈໍານວນທີ່ຖືກກວດກາ ແລ້ວນັ້ນສ່ວນຫລາຍ ເປັນລົດເຖື່ອນ ຖືກລັກເຂົ້າມາຈາກ ໄທແລະຈີນ. ແຕ່ອີກຈໍານວນນຶ່ງ ໂດຍສະເພາະ ລົດຫຼູຫຼາແມ່ນມາ ຈາກເມືອງ Dubai ປະເທດ United Arab Emirate.

ຄໍາສັ່ງຂອງສໍານັກງານ ນາຍົກລັດມົນຕີ ລະບຸວ່າ ເຈົ້າໜ້າທີ່ ກະຊວງການເງິນ ຕໍາຫລວດແລະແຂວງຕ່າງໆ ຈະກວດກາລົດເຖື່ອນທັງໝົດ ໃນປະເທດ. ຖ້າກວດພົບລົດຄັນໃດຖືກລັກມາ ຈາກປະເທດເພື່ອນບ້ານ ແລະ ບໍ່ມີເອກສານ, ເຈົ້າໜ້າທີ່ ກໍຈະສົ່ງລົດຄັນນັ້ນ ຄືນໄປ ປະເທດທີ່ມາ. ຖ້າລົດຄັນໃດ ມີເອກສານປອມ, ທາງການຈະຍຶດເອົາ ເປັນຂອງລັດແຕ່ຖ້າເຈົ້າຂອງ ຍັງຢາກໄດ້ລົດຄັນນັ້ນຢູ່ ກໍຕ້ອງເສຍພາສີອາກອນ ເຮັດເອກະສານ ຢ່າງຖືກຕ້ອງ ແລະ ເສຍຄ່າປັບໃໝ.

ສຳນັກງານນາຍົກລັດຖະມົນຕີ ມີຄຳສັ່ງໃຫ້ກະຊວງການເງິນກວດກາ ລົດເຖື່ອນທົ່ວປະເທດ Reviewed by makarow on 3:49:00 AM Rating: 5

Contact Form

Name

Email *

Message *

Powered by Blogger.