ຂ່າວດ່ວນ

ຂ່າວອື່ນໆ

random

ລາວ - ຫວຽດນາມ ເພີ່ມທະວີ ການຮ່ວມມື ດ້ານໄອຊີທີ


    ທ່ານ ທັນສະໄໝ ກົມມະ ສິດ ລັດຖະມົນຕີກະຊວງໄປ ສະນີ, ໂທລະຄົມມະນາຄົມ ແລະ ການສື່ສານ (ປທສ) ພ້ອມ ຄະນະໄດ້ເດີນທາງໄປຢ້ຽມ ຢາມ ແລະ ເຮັດວຽກກັບກະຊວງ ຖະແຫຼງຂ່າວ ແລະ ການສື່ສານ ຂອງ ສສ ຫວຽດນາມຢ່າງເປັນ ທາງການ ເພື່ອຮັດແໜ້ນການ ຮ່ວມມື ດ້ານໄປສະນີ, ໂທລະຄົມມະນາ ຄົມ ແລະ ການສື່ສານ ຫຼື ໄອຊີທີ. ການຢ້ຽມຢາມ ແລະ ເຮັດ ວຽກຢູ່ ສສ ຫວຽດນາມຂອງ ການນຳກະຊວງ ປທສ ຄັ້ງນີ້ມີ ຂຶ້ນໃນລະຫວ່າງວັນທີ 20-23 ມີຖຸນາ 2017 ຜ່ານມານີ້ ຊຶ່ງ ເປັນປີແຫ່ງການສະເຫຼີມສະ ຫຼອງສອງວັນປະຫວັດສາດ ລາວ-ຫວຽດນາມກໍຄືວັນສ້າງ ຕັ້ງສາຍພົວພັນການທູດລາວ -ຫວຽດນາມ ຄົບຮອບ 55 ປີ ແລະ ວັນເຊັນສົນທິສັນຍາມິດ ຕະພາບ ແລະ ການຮ່ວມມືຄົບ ຮອບ 40 ປີ, ອັນເປັນນິມິດ ໝາຍໃຫ້ແກ່ການເພີ່ມທະວີ ສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອອັນ ດີງາມໃຫ້ແໜ້ນແຟ້ນຍິ່ງຂຶ້ນ ເວົ້າລວມ, ເວົ້າສະເພາະ ໃນ ຂະແໜງການໄປສະນີ, ໂທລະ ຄົມມະນາຄົມ ແລະ ໄອຊີທີ ຂອງສອງຊາດລາວ-ຫວຽດ ນາມໃຫ້ນັບມື້ນັບແຕກດອກ ອອກຜົນ ໂດຍຜ່ານການປຶກ ສາຫາລື ແລະ ແລກປ່ຽນຂໍ້ມູນ ລະຫວ່າງກັນ ເພື່ອສ້າງເງື່ອນ ໄຂອັນດີ ໃນການພັດທະນາ ແລະ ຊຸກຍູ້ສົ່ງເສີມວຽກງານ ໄອຊີທີ ຂອງສອງປະເທດ.

ໃນການພົບປະສອງຝ່າຍ ລະຫວ່າງທ່ານ ທັນສະໄໝ ກົມ ມະສິດ ລັດຖະມົນຕີກະຊວງ ປທສ ພ້ອມຄະນະ ແລະ ທ່ານ ເຈືອງ ມີງ ຕວນ (Truong Minh Tuan) ລັດຖະມົນຕີກະ ຊວງຖະແຫຼງຂ່າວ ແລະ ການ ສື່ສານ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ໄດ້ຕີ ລາຄາສູງຕໍ່ສາຍພົວພັນມິດຕະ ພາບທີ່ເປັນມູນເຊື້ອ ແລະ ການ ຮ່ວມມືອັນດີງາມທີ່ມີມາແຕ່ ຍາວນານ, ໃນກອງປະຊຸມທັງ ສອງຝ່າຍໄດ້ລາຍງານສະພາບ ການພັດທະນາວຽກງານໄປ ສະນີ, ໂທລະຄົມມະນາຄົມ ແລະ ໄອຊີທີຂອງຕົນ ພ້ອມທັງ ໄດ້ທົບທວນຄືນຄວາມຄືບໜ້າ ວຽກງານຮ່ວມມືສອງຝ່າຍໃນ ໄລຍະທີ່ຜ່ານມາ. ທ່ານ ທັນສະໄໝ ກົມມະ ສິດ ກໍໄດ້ສະແດງຄວາມຂອບ ໃຈຕໍ່ການຊ່ວຍເຫຼືອຂອງຝ່າຍ ຫວຽດນາມ ໂດຍສະເພາະໃນ ການກໍ່ສ້າງບຸກຄະລາກອນ ດ້ານໄອຊີທີ ທັງລະດັບປະລິນ ຍາຕີ ແລະ ປະລິນຍາໂທ, ຊ່ວຍວຽກງານການຄຸ້ມຄອງ ລະຫັດຊື່ອິນເຕີເນັດ .LA, ຊ່ວຍ ຝຶກອົບຮົມ ແລະ ສົ່ງເສີມວິຊາ ການດ້ານຄວາມປອດໄພ, ຊຸກ ຍູ້ວຽກງານຄວາມຖີ່ ແລະ ຕຳ ແໜ່ງວົງໂຄຈອນດາວທຽມລາວ ພ້ອມນັ້ນກໍໄດ້ລາຍງານຄວາມ ຄືບໜ້າໃນການຈັດຕັ້ງປະຕິບັດ ບົດບັນທຶກຊ່ວຍຈຳທີ່ໄດ້ລົງ ນາມໃນປີທີ່ຜ່ານມາ, ເປັນຕົ້ນ ວຽກງານການຮັບຮອງທາງເອ ເລັກໂຕຣນິກແຫ່ງຊາດ (CA), ວຽກງານລະບົບບໍລິຫານລັດ ດ້ວຍເອເລັກໂຕຣນິກ.

ທັງສອງຝ່າຍເຫັນດີຈະ ເພີ່ມທະວີການພົວພັນຮ່ວມມື ໃຫ້ແໜ້ນແຟ້ນຍິ່ງຂຶ້ນ, ຈະສືບ ຕໍ່ແລກປ່ຽນການຢ້ຽມຢາມຊຶ່ງ ກັນ ແລະ ກັນ ໃນທຸກລະດັບ ເພື່ອປຶກສາຫາລື, ຖອດຖອນ ບົດຮຽນ ແລະ ຊຸກຍູ້ການຮ່ວມ ມືສອງຝ່າຍທີ່ມີມາແລ້ວນັ້ນ ໃຫ້ມີປະສິດທິຜົນສູງສຸດ, ສືບ ຕໍ່ໃຫ້ການຊ່ວຍເຫຼືອກໍ່ສ້າງບຸກ ຄະລາກອນ, ຮ່ວມມືວຽກງານ ຄວາມປອດໄພຂອງອິນເຕີເນັດ, ແລກປ່ຽນຄວາມຮູ້ດ້ານວຽກ ງານດັດສົມໂທລະຄົມມະນາ ຄົມ, ວຽກງານຄື້ນຄວາມຖີ່ ແລະ ການຮ່ວມມືໃນການກະກຽມ, ການຮັບຮອງທາງເອເລັກໂຕຣ ນິກແຫ່ງຊາດ. ໃນຂະນະດຽວ ກັນ, ຝ່າຍຫວຽດນາມກໍໄດ້ສະ ແດງຄວາມຍິນດີທີ່ຈະສືບຕໍ່ ຊຸກຍູ້ໃຫ້ມີການຮ່ວມມືກັນໃນ ດ້ານໄອຊີທີ ໃຫ້ຫຼາຍຂຶ້ນ ແລະ ຈະສືບຕໍ່ໃຫ້ທຶນການສຶກສາແກ່ ພະນັກງານກະຊວງ ປທສ ໃນ ການຍົກລະດັບການສຶກສາປະ ລິນຍາໂທທີ່ສະຖາບັນ PTIT ຫວຽດນາມ. ທັງສອງຝ່າຍໄດ້ມີການ ລົງນາມ ໃນບົດບັນທຶກ 2 ສະ ບັບຄື: ບົດບັນທຶກການຮ່ວມມື ເພື່ອຜັນຂະຫຍາຍ ແລະ ຊຸກຍູ້ ບັນດາສັນຍາຮ່ວມມືກັນໃຫ້ໄດ້ ຮັບການຈັດຕັ້ງປະຕິບັດຢ່າງ ເປັນຮູບປະທຳ ແລະ ບົດບັນ ທຶກຊ່ວຍຈຳໃນການຮ່ວມມື ວຽກງານຄວາມປອດໄພທາງ ໄຊເບີ.

ພ້ອມກັນນີ້ ທ່ານ ເຈືອງ ມິງ ຕວນ ກໍໄດ້ມອບຫຼຽນກຽດ ຕິຍົດໃຫ້ທ່ານ ທັນສະໄໝ ກົມ ມະສິດ ໃນການປະກອບສ່ວນ ແລະ ຮ່ວມມືພັດທະນາວຽກ ງານໄອຊີທີ ຂອງ ສສ ຫວຽດ ນາມກໍຄືການພັດທະນາຂົງເຂດ ໄອຊີທີຂອງສອງປະເທດ ພ້ອມ ດຽວກັນ, ກະຊວງໄປສະນີ, ໂທ ລະຄົມມະນາຄົມ ແລະ ການ ສື່ສານໄດ້ເປັນຕົວແທນລັດຖະ ບານລາວ ມອບຫຼຽນໄຊແຮງ ງານຊັ້ນ II ໃຫ້ທ່ານ Doan Quang Hoan ຫົວໜ້າກົມ ຄື້ນຄວາມຖີ່ວິທະຍຸສື່ສານ ສສ ຫວຽດນາມ ທີ່ປະກອບສ່ວນໄດ້ ຊ່ວຍປະສານງານ ແລະ ຂໍສິດ ນຳໃຊ້ຕຳແໜ່ງວົງໂຄຈອນດາວ ທຽມ ນຳສະຫະພາບໂທລະຄົມ ມະນາຄົມສາກົນໃຫ້ແກ່ ສປປ ລາວ, ຊຶ່ງປັດຈຸບັນ ດາວທຽມ ລາວນີ້ແມ່ນໄດ້ໃຫ້ບໍລິການສື່ ສານ, ການກະຈາຍພາບ ແລະ ສຽງ ຊຶ່ງຄວບຄຸມທົ່ວປະເທດ ລາວ. (ຫນັງສືພິມປະຊາຊົນ)
ລາວ - ຫວຽດນາມ ເພີ່ມທະວີ ການຮ່ວມມື ດ້ານໄອຊີທີ Reviewed by makarow on 9:11:00 PM Rating: 5

Contact Form

Name

Email *

Message *

Powered by Blogger.