ຂ່າວດ່ວນ

ຂ່າວອື່ນໆ

random

ສາລະວັນໃຫ້ບໍລິສັດອາໂກເທັກສຳປະທານດິນ 150 ເຮັກຕາປູກປາມ


ໃນວັນທີ 7 ກໍລະກົດ 2017 ນີ້ແຂວງສາລະວັນໄດ້ຈັດພິທີເຊັນສັນຍາໃຫ້ບໍລິສັດລາວອາໂກເທັກ ມະຫາຊົນສໍາປະທານເນື້ອທີ່ດິນ 150 ເຮັກຕາໃນໄລຍະ 30 ປີ ເພື່ອປູກປາມນ້ຳມັນຢູ່ເມືອງຕະໂອ້ຍເຊິ່ງມີໄລຍະຂອງການສຳປະທານແມ່ນເລີມແຕ່ປີ 2017-2047 ກຳນົດ 30 ປີ
ທ່ານ ຄຳພອນ ມະນີວັນແສງສຸກ ຮອງຫົວໜ້າພະແນກແຜນການ-ການລົງທຶນແຂວງສາລະວັນກໍ່ໄດ້ຂື້ນຜ່ານຂໍ້ຕົກລົງເລກທີ 157/ຈຂ.ສວ ລົງວັນທີ 9.5. 2017 ວ່າດ້ວຍການອະນຸມັດໃຫ້ບໍລິສັດ ລາວອາໂກຣເທັກ ຈຳກັດສຳປະທານເນື້ອທີ່ເນື້ອທີ່ດິນຈຳນວນ 150 ເຮັກຕາເພື່ອເຮັດສ່ວນກ້າເບ້ຍປູກປາມນ້ຳມັນທີ່ເມືອງຕະໂອ້ຍແຂວງສາລະວັນ, ອິງຕາມກົດໝາຍວ່າດ້ວຍການປົກຄອງທ້ອງຖິ່ນສະບັບເລກທີ 68/ສພຊ ລົງວັນທີ 14 ທັນວ່າປີ 2015, ໜວດ 4 ມາດຕາ 20, ອິງຕາມກົດໝາຍວ່າດ້ວຍການສົ່ງເສີມການລົງທຶນສະບັບເລກທີ 02/ສພຊລົງວັນທີ 8 ກໍລະກົດ 2009, ໂດຍສະເພາະລວມທັງກ້າເບ້ຍ ແລະປູກຕົ້ນປາມ, ຕົ້ນປາມຫຼັງຈາກປູກ 4 ປີກໍ່ສາມາດເກັບກູຜົນຜະລິດໄດ້ ແລ້ວສາມາດນຳເອົາໜາກຂອງມັນປ້ອນເຂົ້າໂຮງງານ, ເພື່ອໄປຜະລິດເປັນນ້ຳມັນພຶດ ແລະນ້ຳມັນກາສ່ວນເປັນການຫຼຸດຜ່ອນການນຳເຂົ້ານຳມັນຈາກຕ່າງປະເທດອີກດ້ວຍ, ຕາມເອກະສານສັນຍານີ້
ດິນໃນ 150 ເຮັກຕານອກຈາກການປູກຕົ້ນປາມແລ້ວທາງບໍລິສັດຍັງຈະເຮັດເປັນສູນສາທິດເພື່ອໃຫ້ປະຊາຊົນຜູ້ທີ່ສົນໃຈໃຫ້ເຂົ້າເຈົ້າໄດ້ຮຽນຮູ້ສຶກສາເບີ່ງວິທີການຕ່າງໆທີ່ປະຊາຊົນມີຄວາມສົນໃຈກໍ່ສາມາດປູກໄດ້ດ້ວຍຕົ້ນເອງເພາະວ່າຕົ້ນປາມປູກຄັ້ງດຽວໃຫ້ຜົນຜະລິດເຖິງ 30 ປີບໍລິສັດລາວອາໂກເທັກມະຫາຊົນຈະລົງທຶນ 1.500.000. ໂດລາຫຼືເທົ່າກັບ 10 ກວ່າຕື້ກີບ, ໂອກາດດຽວກັນນັ້ນກໍ່ໄດ້ມີການເຊັນບົດບັນທຶກ ຝ່າຍແຂວງສາລະວັນ ໃຫ້ກຽດເຊັນບົດບັນທຶກໂດຍ ທ່ານ ວິຊຽນ ນະວີກຸນ ຮອງເຈົ້າແຂວງໆສາ ລະວັນຜູ້ຊີ້ນຳວຽກງານເສດຖະກິດຂັ້ນແຂວງ, ທ່ານ ບຸນເຮັ່ງ ໃຊຍະແສນ ຮອງຫົວໜ້າພະແນກແຜນການ-ການລົງທຶນແຂວງສາລະວັນ, ທ່ານ ກອງແລ ວໍລຣະວົງ ຮອງຫົວໜ້າພະແນກກະສີກຳ ແລະປ່າໄມ້ແຂວງສາລະວັນ ກັບຝ່າຍບໍລິສັດໂດຍ ທ່ານ ອຸດົມ ແກ້ວທະວົງ ປະທານບໍລິສັດລາວອາໂກຣເທັກມະຫາຊົນ, ມີຜູ້ຕ່າງໜ້າຈາກພະແນກການທີ່ກ່ຽວຂ້ອງອອ້ມຂ້າງແຂວງເຂົ້າຮ່ວມເປັນສັກຂີພິຍານ
                          ພາບ-ຂ່າວ ສິດຕາ ເພັດວົງສາ
ສາລະວັນໃຫ້ບໍລິສັດອາໂກເທັກສຳປະທານດິນ 150 ເຮັກຕາປູກປາມ Reviewed by makarow on 4:42:00 PM Rating: 5

Contact Form

Name

Email *

Message *

Powered by Blogger.