ຂ່າວດ່ວນ

ຂ່າວອື່ນໆ

random

ປີ 2017 ອັດຕະປື ມີໂຄງການລົງທຶນຂອງລັດ 112 ໂຄງການມີມູນຄ່າ ລວມ 637,62 ຕື້ກີບ



    ການລົງທຶນຂອງລັດຢູ່ ແຂວງອັດຕະປື ປີ 2017 ມີທັງ ໝົດ 112 ໂຄງການມູນຄ່າລວມ 637,62 ຕື້ກີບ, ທຶນຊ່ວຍເຫຼືອ ເພື່ອການພັດທະນາ 32 ໂຄງ ການ ມູນຄ່າ 2,36 ລ້ານໂດລາ ສະຫະລັດ ຫຼື ປະມານ 19 ຕື້ ກວ່າກີບ, ຂະນະທີ່ລັດຖະມົນຕີ ກະຊວງແຜນການ ແລະ ການລົງ ທຶນ ເນັ້ນທຸກໂຄງການລົງທຶນ ຕ້ອງປະຕິບັດທຸກຂັ້ນຕອນຢ່າງ ເຄັ່ງຄັດ ຕາມລະບຽບກົດໝາຍກຳນົດ ໄວ້. ເມື່ອວັນທີ 23-24 ກໍລະກົດ ຜ່ານມານີ້ ທ່ານ ສຸພັນ ແກ້ວມີ ໄຊ ລັດຖະມົນຕີກະຊວງແຜນ ການ ແລະ ການລົງທຶນ ພ້ອມ ຄະນະໄດ້ລົງເຄື່ອນໄຫວເຮັດ ວຽກ ແລະ ຊຸກຍູ້ການຈັດຕັ້ງ ປະຕິບັດແຜນພັດທະນາເສດ ຖະກິດ-ສັງຄົມຢູ່ແຂວງອັດຕະ ປື ໂດຍມີທ່ານ ນາມ ວິຍະເກດ ເຈົ້າແຂວງອັດຕະປື, ພາກສ່ວນ ທີ່ກ່ຽວຂ້ອງໃຫ້ການຕ້ອນຮັບ.

ທ່ານ ສຸລິຈີນ ພອນແກ້ວ ຫົວໜ້າພະແນກແຜນການ ແລະ ການລົງທຶນແຂວງອັດຕະ ປື ໄດ້ລາຍງານກ່ຽວກັບສະ ພາບການຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ 6 ເດືອນຕົ້ນປີ, ຄາດຄະເນ ໝົດປີ 2017 ແລະ ທິດທາງ ແຜນການປະຈຳປີ 2018 ຂອງ ແຂວງວ່າ: ຕະຫຼອດໄລຍະທີ່ ຜ່ານມາ ແຂວງອັດຕະປື ຍັງ ສືບຕໍ່ມີຄວາມສະຫງົບທາງ ດ້ານການເມືອງ ຊຶ່ງເປັນໂອ ກາດອັນດີໃຫ້ແກ່ການຜະລິດ, ການລົງທຶນ ແລະ ການປັບ ປຸງຊີວິດການເປັນຢູ່ຂອງປະ ຊາຊົນບັນດາເຜົ່າ, ການປະຕິ ບັດແຜນການລົງທຶນຂອງລັດປີ 2017 ທີ່ສະພາຮັບຮອງມີທັງ ໝົດ 112 ໂຄງການ, ມູນຄ່າ ລວມ 637,62 ຕື້ກີບ, ທຶນຊ່ວຍ ເຫຼືອ ເພື່ອການພັດທະນາ 32 ໂຄງການ ມູນຄ່າ 2,36 ລ້ານ ໂດລາສະຫະລັດ ຫຼື ປະມານ 19 ຕື້ກວ່າກີບ, ໃນນີ້ຂົງເຂດ ເສດຖະກິດມີ 10 ໂຄງການ ມູນຄ່າ 1,11 ລ້ານໂດລາສະ ຫະລັດ ຫຼື ປະມານ 9 ຕື້ກວ່າ ກີບ, ຂົງເຂດວັດທະນະທຳ-ສັງ ຄົມມີ 22 ໂຄງການ ມູນຄ່າ 1,25 ລ້ານໂດລາສະຫະລັດ ຫຼື ປະມານ 10 ຕື້ກວ່າກີບ, ທຶນ ເອກະຊົນພາຍໃນ ແລະ ຕ່າງ ປະເທດມີທັງໝົດ 4 ໂຄງການ ມູນຄ່າປະມານ 325 ຕື້ກີບ ພ້ອມນີ້ ທ່ານຍັງໄດ້ລາຍງານ ບັນຫາອື່ນໆ, ເປັນຕົ້ນແມ່ນວຽກ ຈຸດສຸມຕາມຄາດໝາຍຂອງ ແຜນການປີ 2017 ແລະ ທິດ ທາງແຜນພັດທະນາເສດຖະ ກິດ-ສັງຄົມ ປະຈຳປີ 2018. ໂອກາດດຽວກັນ, ທ່ານ ສຸພັນ ແກ້ວມີໄຊ ໄດ້ເນັ້ນໃຫ້ ທຸກຂະແໜງການນັບແຕ່ຂັ້ນ ແຂວງຮອດຂັ້ນເມືອງ ສືບຕໍ່ຈັດ ຕັ້ງປະຕິບັດບັນດາໂຄງການ ລົງທຶນຈາກງົບປະມານລັດໃຫ້ ສອດຄ່ອງຕາມລະບຽບກົດ ໝາຍ, ປະຕິບັດທຸກຂັ້ນຕອນ ຢ່າງເຄັ່ງຄັດຕາມລະບຽບກົດ ໝາຍກຳນົດໄວ້ ພ້ອມດຽວກັນ ນີ້ ທ່ານລັດຖະມົນຕີຍັງໄດ້ຮັບ ຟັງການລາຍງານສະພາບລົງ ທຶນຕ່າງໆຈາກຄະນະນຳຈາກ ເມືອງ ແລະ ຫົວໜ້າພະແນກ ການທີ່ຍັງມີບັນຫາຂ້ອງໃຈ ແລະ ຊຸກຍູ້ບາງຈຸດທີ່ເປັນບັນຫາ ກ່ຽວພັນກັບຂັ້ນແຂວງ. ນອກ ຈາກນີ້ຍັງໄດ້ໄປຢ້ຽມຢາມເຂື່ອນ ນ້ຳກົງ 2, ຢ້ຽມຢາມການປູກ ກ້ວຍ, ປູກມັນຕົ້ນ, ປູກສາລີ ປອດສານພິດຂອງປະຊາຊົນ ຢູ່ເມືອງພູວົງ ແລະ ຢ້ຽມຢາມ ສະໜາມບິນສາກົນອັດຕະປື ຕື່ມອີກ. (ຂ່າວ: ເທວາ)
ປີ 2017 ອັດຕະປື ມີໂຄງການລົງທຶນຂອງລັດ 112 ໂຄງການມີມູນຄ່າ ລວມ 637,62 ຕື້ກີບ Reviewed by makarow on 1:50:00 AM Rating: 5

Contact Form

Name

Email *

Message *

Powered by Blogger.