ຂ່າວດ່ວນ

ຂ່າວອື່ນໆ

random

ເຈົ້າຫນ້າທີ່ສະເພາະກິດສັ່ງປິດໂຮງງານເຟີນິເຈີ້ 4 ແຫລ່ງ ......................



ໃນວັນທີ 6 ກໍລະກົດ ເຈົ້າໜ້າທີ່ສະເພາະກິດ ປະຕິບັດຄຳສັ່ງ 15/ນຍ ຂອງນະຄອນຫຼວງວຽງຈັນ ສົມທົບກັບຫ້ອງວ່າການປົກຄອງເມືອງນາຍຊາຍທອງ, ຫ້ອງການອຸດສາຫະກຳ ແລະ ການຄ້າເມືອງນາຊາຍທອງ ແລະ ຂະແໜງການກ່ຽວຂ້ອງ ລົງປິດກິດຈະການໂຮງງານເຟີນີເຈີໄມ້ແບບຄອບຄົວທີ່ຜິດກົດໝາຍ ແລະ ລະເມີດຄຳສັ່ງເລກທີ 15/ນຍ ຈຳນວນ 4 ແຫ່ງ.
ປະກອບມີ ໂຮງງານເຟີນີເຈີ ບ້ານ ໜອງສະ, ໂຮງຊອຍໄມ້ບ້ານພັດທະນາ, ໂຮງເຟີນີເຈີແບບຄອບຄົວບ້ານບົວ ແລະ ໂຮງເຟີນີເຈີແບບຄອບຄົວ ບ້ານໂພນມ່ວງ.

ທັງ 4 ໂຮງງານແມ່ນຖືກເຈົ້າໜ້າທີ່ສະເພາະກິດ ລົງກວດກາຕິດຕາມມາໄລຍະໜຶ່ງແລ້ວ ແລະ ມີຄຳສັ່ງໃຫ້ປິດກິດຈະການ ແຕ່ທັງ 4 ກິດຈະການ ຍັງຜ່າຜືນ ຈຶ່ງຖືກເຈົ້າໜ້າທີ່ລົງປິດ ແລະ ອາຍັດ ເຄືອງມື ແລະ ວັດຖຸດິບຈຳນວນໜຶ່ງ.
ທ່ານ ພູວຽງ ເພຍເທບ ຮອງເຈົ້າເມືອງໆນາຊາຍທອງ ໄດ້ກ່າວວ່າ: ເພື່ອປະຕິບັດຕາມຄຳສັ່ງເລກທີ 15/ນຍ ຂອງນາຍົກລັດຖະມົນຕີໃຫ້ຖືກຈັດຕັ້ງປະຕິບັດຢ່າງຈິງຈັງ ເຈົ້າໜ້າທີ່ສະເພາະກິດຂັ້ນສູນກາງ ແລະ ເມືອງນາຊາຍທອງໄດ້ລົງຕິດຕາມ ແລະ ກວດກາຈຳນວນໂຮງງານເຟີນີເຈີຈຳນວນ 35 ໂຮງງານ ເຫັນວ່າ ມີ 6 ໂຮງງານທີ່ບໍ່ຖືກຕ້ອງຕາມລະບຽບການ ເຊິ່ງຄະນະສະເພາະກິດໄດ້ເຮັດບົດບັນທຶກ ແລະ ແຈ້ງໃຫ້ 6 ໂຮງງານທີ່ຜະລິດລະບຽບ ຢຸດເຊົາກິດຈະການເຊິ່ງມີ 2 ໂຮງງານໄດ້ຢຸດ ເຊົາກິດຈະການຖາວອນ ແລະ ຍັງອີກ 4 ກິດຈະການຍັງດຳເນີນການຢູ່ ຈຶ່ງຖືກເຈົ້າໜ້າທີ່ ລົງສັ່ງປິດພ້ອມທັງ ອາຍັດ ເຄືອງຈັກ ແລະ ໄມ້ທີ່ຄ້າງໃນໂຮງງານຈຳນວນໜຶ່ງ.
ແຫລ່ງຂ່າວຈາກ: ເວບໄຊlaoedaily.com.la
ເຈົ້າຫນ້າທີ່ສະເພາະກິດສັ່ງປິດໂຮງງານເຟີນິເຈີ້ 4 ແຫລ່ງ ...................... Reviewed by makarow on 7:42:00 AM Rating: 5

Contact Form

Name

Email *

Message *

Powered by Blogger.