ຂ່າວດ່ວນ

ຂ່າວອື່ນໆ

random

ທົ່ວປະເທດຢຶດໄມ້ຜິດກົດໝາຍກວ່າ 67 ພັນແມັດກ້ອນ ພາຍຫຼັງຄຳສັ່ງເລກທີ 15/ນຍ



ທ່ານ ສຸລິຍົນ ພິລາ​ວົງ ຫົວໜ້າ​ກົມ​ການ​ນຳ​ເຂົ້າ-ສົ່ງ​ອອກ ກະຊວງ​ອຸດສາຫະກຳ ແລະ ການ​ຄ້າ ເປີດເຜີຍ​ວ່າ: ປະຕິບັດ​ຄຳ​ສັ່ງ​ເລກ​ທີ 15/​ນຍ ເຈົ້າ​ໜ້າທີ່​ສາມາດ​ຢຶດ​ໄມ້​ຜິດ​ກົດໝາຍ ຈຳນວນ​ທັງ​ໝົດ 67.224 ແມັດ​ກ້ອນ ໃນ​ທົ່ວ​ປະເທດ ໃນ​ນີ້ ໄດ້​ຈັດ​ປະມູນ​ຂາຍ​ແລ້ວ 46.865 ແມັດ​ກ້ອນ ລວມ​ມູນ​ຄ່າ 71 ຕື້​ກວ່າ​ກີບ ແລະ ຍັງ​ຄ້າງ​ຈຳນວນ 20.359 ແມັດ​ກ້ອນ ເຊິ່ງ​ໃນ​ຈຳນວນ​ດັ່ງກ່າວ ແຂວງ​ຕ່າງໆ​ພວມສືບຕໍ່​ປະມູນ​ຂາຍ.

ນອກຈາກ​ນີ້ຍັງ​ມີ​ໄມ້​ຈຳນວນ​ໜຶ່ງ​ທີ່​ມີ​ການ​ກວດ​ພົບ​ເຫັນ​ເພີ່ມ​ເຕີມ ແລະ ກຳລັງ​ດຳເນີນ​ຂັ້ນ​ຕອນ​ການ​ກວດກາ​ຂອງ​ຄະນະ​ຮັບຜິດຊອບ​ຂັ້ນ​ແຂວງ ຄື: ແຂວງ​ຈຳປາ​ສັກ ຈຳນວນ 11.101 ແມັດ​ກ້ອນ ໃນ​ນັ້ນ ໄດ້​ສຳເລັດ​ການ​ຂຶ້ນ​ບັນຊີ​ແລ້ວ 6.610 ແມັດ​ກ້ອນ ຍັງ​ບໍ່​ໄດ້​ຂຶ້ນ​ບັນຊີ 4.491 ແມັດ​ກ້ອນ ແຂວງ​ຊຽງຂວາງ ມີ​ປະເພດ​ໄມ້​ທ່ອນ 17.571 ແມັດ​ກ້ອນ ແລະ ໄມ້​ແປ​ຮູບ 10.973 ແມັດ​ກ້ອນ ເຊິ່ງ​ໄມ້​ຈຳນວນດັ່ງກ່າວ​ແມ່ນ​ຍັງ​ບໍ່​ທັນ​ໄດ້​ຈຳແນກ​ໄມ້​ຜິດ ແລະ ໄມ້​ຖຶກ ປັດຈຸບັນຍັງ​ຢູ່​ໃນ​ຂັ້ນ​ຕອນ​ການ​ກວດກາ​ຂອງ​ຄະນະ​ຮັບຜິດຊອບ​ຢູ່ ແຕ່​ຖ້າ​ກວດ​ພົບ​ເຫັນ​ໄມ້​ທີ່​ບໍ່​ຖືກຕ້ອງ​ໃນ​ຈຳນວນ​ດັ່ງກ່າວ ແມ່ນ​ຈະ​ຢຶດ​ເປັນ​ຂອງ​ລັດ ແລ້ວສືບຕໍ່​ປະມູນ​ຂາຍ​ໃນ​ຂັ້ນ​ຕໍ່​ໄປ ແຂວງ​ໄຊ​ຍະ​ບູ​ລີ 1.000 ແມັດ​ກ້ອນ ຢູ່​ໃນ​ຂັ້ນ​ຕອນ​ການ​ກະກຽມ​ຈະ​ເປີດປະມູນ​ຂາຍ ແລະ ແຂວງ​ຫຼວງ​ນ້ຳ​ທາ ຈຳນວນ 7 ຄັນ​ລົດ ປັດຈຸບັນ ຄະນະ​ຮັບຜິດຊອບ​ກຳລັງ​ດຳເນີນຂັ້ນ​ຕອນ​ການ​ກວດກາ​ທີ່​ດ່ານ​ສາກົນ​ບໍ່​ເຕນ.

ການ​ເປີດເຜີຍ​ດັ່ງກ່າວ ໄດ້​ມີ​ຂຶ້ນ​ໃນ​ລະຫວ່າງ​ການ​ປະຊຸມ​ປຶກສາ​ຫາລື ຂອງ​ຄະນະ​ຮັບຜິດຊອບ​ການ​ປະມູນ​ຂາຍ​ໄມ້​ທີ່​ຢຶດ​ເປັນ​ຂອງ​ລັດ ຈາກ​ກະຊວງ​ອຸດສາຫະກຳ ແລະ ການ​ຄ້າ ຮ່ວມ​ກັບ​ແຂວງ​ຕ່າງໆ ແລະ ພາກ​ທຸລະ​ກິດ ເຊິ່ງ​ຈັດ​ຂຶ້ນ​ໃນ​ວັນ​ທີ 26 ກໍລະກົດ 2017 ທີ່​ແຂວງ​ຄຳ​ມ່ວນ. (ຫນັງສືພິມວຽງຈັນໃຫ່ມ)
ທົ່ວປະເທດຢຶດໄມ້ຜິດກົດໝາຍກວ່າ 67 ພັນແມັດກ້ອນ ພາຍຫຼັງຄຳສັ່ງເລກທີ 15/ນຍ Reviewed by makarow on 4:57:00 AM Rating: 5

Contact Form

Name

Email *

Message *

Powered by Blogger.