ຂ່າວດ່ວນ

ຂ່າວອື່ນໆ

random

ຈີນ ຄອງແຊ້ມການລົງທຶນຂອງຕ່າງປະເທດໃນລາວ ລວມ 766 ໂຄງການ



    ປັດຈຸບັນ ສປ ຈີນ ຍັງຈັດ ເປັນຄູ່ຮ່ວມການຄ້າໃຫຍ່ອັນ ດັບ 2 ຂອງ ສປປ ລາວ ແລະ ຈັດຢູ່ໃນອັນດັບທີ 1 ຂອງຕ່າງ ປະເທດທີ່ມາລົງທຶນຢູ່ລາວ ລວມມີ 766 ໂຄງການ, ດ້ວຍ ມູນຄ່າການລົງທຶນ 7 ຕື້ກວ່າ ໂດລາສະຫະລັດ. ກອງປະຊຸມພົບປະແລກ ປ່ຽນ ແລະ ສົ່ງເສີມການຮ່ວມມື ດ້ານເສດຖະກິດ-ການຄ້າລະ ຫວ່າງ ສປປ ລາວ - ແຂວງຈິຫຼິນ ສປ ຈີນ ມີຂຶ້ນໃນຕອນເຊົ້າວັນທີ 4 ກໍ ລະກົດນີ້ ທີ່ໂຮງແຮມດອນຈັນ ພລາເລດ ໂດຍການເຂົ້າຮ່ວມ ຂອງທ່ານ ວິຈິດ ຊິນດາວົງ ຮອງປະທານຄະນະກຳມະ ການຮ່ວມມືລາວ-ຈີນ, ທ່ານ ຈິນຢູຄຸຍ ຮອງເຈົ້າແຂວງໆຈິ ຫຼິນ ສປ ຈີນ ພ້ອມດ້ວຍພະນັກ ງານໃນຂະແໜງການທີ່ກ່ຽວ ຂ້ອງເຂົ້າຮ່ວມ.

ທ່ານ ວິຈິດ ຊິນດາວົງ ກ່າວວ່າ: ກອງປະຊຸມຄັ້ງນີ້ເປັນ ການປຶກສາຫາລື, ແລກປ່ຽນ ຄຳຄິດຄຳເຫັນຕ່າງໆ ເຊິ່ງກັນ ແລະ ກັນ ຊຶ່ງຈະຊ່ວຍຊຸກຍູ້ໃຫ້ ສອງຝ່າຍນັບທັງພາກລັດ ແລະ ຫົວໜ່ວຍທຸລະກິດຮູ້ຈັກກັບສະ ພາບ ແລະ ເຂົ້າອົກເຂົ້າໃຈກັນ ຫຼາຍຂຶ້ນ, ສ້າງເງື່ອນໄຂອັນດີ ໃຫ້ແກ່ການຮ່ວມມືທາງດ້ານ ເສດຖະກິດ, ການຄ້າ ແລະ ການ ລົງທຶນລະຫວ່າງ ສປປ ລາວ ກັບ ແຂວງຈິຫຼິິິນ ສປ ຈີນ ໃນຕໍ່ໜ້າ. ທ່ານກ່າວອີກວ່າ: ປັດຈຸ ບັນ ສປ ຈີນ ຍັງຈັດເປັນຄູ່ຮ່ວມ ການຄ້າໃຫຍ່ອັນດັບ 2 ຂອງ ສປປ ລາວ ແລະ ຈັດຢູ່ໃນອັນ ດັບທີ 1 ຂອງຕ່າງປະເທດທີ່ ມາລົງທຶນຢູ່ລາວ, ການທ່ອງ ທ່ຽວຂອງສອງປະເທດກໍໄດ້ມີ ການຂະຫຍາຍຕົວດີສົມຄວນ, ໃນປີ 2016 ທີ່ຜ່ານມາ ນັກ ທ່ອງທ່ຽວຈີນມາທ່ຽວລາວຫຼາຍ ເຖິງ 5 ແສນກວ່າຄົນ ຈັດຢູ່ອັນ ດັບທີ 3 ຂອງນັກທ່ອງທ່ຽວຕ່າງ ປະເທດເຂົ້າມາລາວ ນອກນັ້ນ ການຊ່ວຍເຫຼືອຂອງ ສປ ຈີນ ໃຫ້ແກ່ ສປປ ລາວ ກໍມີຈຳນວນ ເພີ່ມຂຶ້ນໃນແຕ່ລະປີໃນຫຼາຍ ຂະແໜງເຊັ່ນ: ໂຄງການກໍ່ສ້າງ ພື້ນຖານໂຄງລ່າງ, ຊ່ວຍເຫຼືອ ຝຶກອົບຮົມພະນັກງານ ແລະ ກໍ່ສ້າງຊັບພະຍາກອນມະນຸດ ແລະ ອື່ນໆອັນພົ້ນເດັ່ນໃນ ປີ 2017 ສປ ຈີນ ໄດ້ປະກາດ ໃຫ້ການຊ່ວຍເຫຼືອແກ່ ສປປ ລາວ 1,2 ຕື້ຢວນ ເພື່ອນຳໃຊ້ ເຂົ້າໃນໂຄງການທາງລົດໄຟ ລາວ-ຈີນ.

ປັດຈຸບັນມີຫຼາຍໂຄງການ ທີ່ໄດ້ຮັບການຊ່ວຍເຫຼືອຈາກ ສປ ຈີນ ໄດ້ກໍ່ສ້າງສຳເລັດແລ້ວ ແລະ ໄດ້ນຳໃຊ້ຢ່າງມີປະສິດທິ ຜົນເຊັ່ນ: ໂຄງການສຳນັກງານ ຫ້ອງວ່າການສູນກາງພັກ, ໂຄງ ການດາວທຽມດວງທຳອິດຂອງ ລາວ, ພ້ອມນັ້ນກໍມີໂຄງການ ຈຳນວນໜຶ່ງທີ່ພວມຈັດຕັ້ງປະ ຕິບັດເຊັ່ນ: ໂຄງການທາງລົດ ໄຟລາວ-ຈີນໂຄງການປັບປຸງ ໂຮງໝໍມະໂຫສົດ, ໂຄງການ ສ້າງໂຮງຮຽນ ແລະ ອື່ນໆການ ຊ່ວຍເຫຼືອເຫຼົ່ານີ້ໄດ້ປະກອບ ສ່ວນສຳຄັນເຂົ້າໃນການສ້າງ ສາພັດທະນາເສດຖະກິດ-ສັງ ຄົມຂອງ ສປປ ລາວ. (ຂ່າວ: ພູວຽງຄຳ)
ຈີນ ຄອງແຊ້ມການລົງທຶນຂອງຕ່າງປະເທດໃນລາວ ລວມ 766 ໂຄງການ Reviewed by makarow on 8:13:00 PM Rating: 5

Contact Form

Name

Email *

Message *

Powered by Blogger.