ຂ່າວດ່ວນ

ຂ່າວອື່ນໆ

random

ທະນາຄານນະໂຍບາຍ ໜ່ວຍບໍລິການເມືອງກະລຶມ ປ່ອຍເງິນກູ້ ໃຫ້ລູກຄ້າລາຍກຸ່ມ


 (ເມືອງກະລຶມ) ໃນວັນທີ 06 ກໍລະກົດ 2017 ທະນະຄານນະໂຍບາຍໜ່ວຍບໍລິການເມືອງກະລຶມ ສາຂາແຂວງອັດຕະປື ໄດ້ປ່ອຍເງິນກູ້ໃຫ້ລູກຄ້າລາຍກຸ່ມປະຈຳປີ 2017 ຢູ່ທີ່ ຫ້ອງປະຊຸມ ທນບ ດັງກ່າວ, ໂດຍເຂົ້າຮ່ວມຂອງ ທ່ານ ວັນນະເລດ ອ່ອນຄຳໄພ ຫົວໜ້າ ທນບ ໜ່ວຍບໍລິການເມືອງກະລຶມ ພ້ອມດ້ວຍແຂກຖືກເຊີນຈາກຂະແໜງການທີ່ກ່ຽວຂ້ອງ ແລະ ລູກຄ້າກູ້ຍືມເຂົ້າຮ່ວມ.
 ທ່ານ ວັນນະເລດ ອ່ອນຄຳໄພ ຫົວໜ້າ ທນບ ໜ່ວຍບໍລິການເມືອງກະລຶມໃຫ້ຮູ້ວ່າ: ການປ່ອຍເງິນກູ້ໃຫ້ລູກຄ້າລາຍກຸ່ມໃນຄັ້ງນີ້ແມ່ນປະຕິບັດຕາມແຜນການ ຂອງ ທນບ ວາງໄວ້ ເຊີ່ງການປ່ອຍເງິນກູ້ຄັ້ງນີ້ ມີມູນຄ່າທັງໝົດ 433.000.000 ກີບ ໃນອັດຕາດອກເບຍ 3% ຕໍ່ ປີ ໂດຍປະກອບມີລູກຄ້າກູ້ຍືມຈາກ 5 ບ້ານ, 51 ຄອບຄົວ ຄື: ບ້ານ ກັນດອນ 8 ຄອບຄົວ 85 ລ້ານກີບ, ບ້ານປາແລງ 10 ຄອບຄົວ 100 ລ້ານກີບ, ບ້ານວັງປາງໍ 17 ຄອບຄົວ 120 ລ້ານກີບ, ບ້ານໂດນ 8 ຄອບຄົວ 64 ລ້ານກີບ ແລະ ບ້ານຕະນຶງ 8 ຄອບຄົວ ເທົ່າກັບ 64 ລ້ານກີບ,  ການສະໜອງເງິນດັງກ່າວນີ້ແມ່ນແຫຼ່ງທຶນສິນເຊື່ອລະດູຝົນປີ 2017 ສະເພາະກຸ່ມລ້ຽງງົວໄລຍະຍາວ ເພື່ອເລັງໃສ່ການປະກອບສ່ວນແກ້ໄຂຄວາມທຸກຍາກຂອງປະຊາຊົນຢູ່ພາຍໃນເມືອງກະລຶມໃຫ້ຫຼຸດລົງເທື່ອລະກ້າວ.
 ໂອກາດດັງກ່າວ ທ່ານວັນນະເລດ ອ່ອນຄຳໄພ ຍັງໄດ້ເນັ້ນໃຫ້ບັນດາລູກໜີ້ຈົ່ງນຳເອົາເງິນທີ່ຕົນເອງໄດ້ຮັບໃປຈັດຕັ້ງປະຕິບັດເຂົ້າໃນແຜນກິດຂະການຂອງຕົນ ໃຫ້ເກີດດອກອອກຜົນ ແລະ ໃຫ້ໃຊ້ແທນທະນະຄານຄືນລວມທັງຕົ້ນທຶນ ແລະ ດອກເບ້ຍຕາມທີ່ກຳນົດໄວ້ ເພື່ອໃຫ້ລູກໜີມີຕົ້ນທຶນໝູນວຽນໃນການປະກອບອາຊີບຂອງຕົນອີກຕໍ່ໜ້າ.
ຂ່າວ: ອັດສະວິນ
ທະນາຄານນະໂຍບາຍ ໜ່ວຍບໍລິການເມືອງກະລຶມ ປ່ອຍເງິນກູ້ ໃຫ້ລູກຄ້າລາຍກຸ່ມ Reviewed by makarow on 11:58:00 PM Rating: 5

Contact Form

Name

Email *

Message *

Powered by Blogger.