ຂ່າວດ່ວນ

ຂ່າວອື່ນໆ

random

ກະລຶມປະດັບຫຼຽນກາໃຫ້ອະດີດນາຍທະຫານກອງທັບປະຊາຊົນລາວ



        ເພື່ອປະຕິບັດຕາມແນວທາງນະໂຍບາຍຂອງພັກ-ລັດຖະບານທີ່ມີຕໍ່ນາຍທະຫານກອງທັບປະຊາຊົນລາວຜູ້ທີ່ມີຜົນງານດີເດັ່ນໃຫ້ປະກົດຜົນເປັນຈິງ ໃນວັນທີ 14 ກໍລະກົດ 2017 ຢູ່ທີ່ສະໂມສອນກອງບັນຊາການປອ້ງກັນຄວາມສະຫງົບເມືອງກະລຶມ ແຂວງເຊກອງ ໄດ້ມີພິທີປະດັບຫຼຽນກາກຽດຕິຄຸນກອງທັບປະຊາຊົນລາວໃຫ້ແກ່ອະດີດນາຍທະຫານກອງທັບດັງກ່າວ ໂດຍການເຂົ້າຮ່ວມຂອງ ທ່ານ ບຸນໄຫຼ ບຸດຕະວົງ ກຳມະການພັກແຂວງ,ເລຂາພັກເມືອງ-ເຈົ້າເມືອງໆກະລຶມ ພ້ອມດ້ວຍແຂກຖືກເຊີນຈາກບັນດາຂະແໜງການທີ່ກ່ຽວຂ້ອງອ້ອມຂ້າງເມືອງ ແລະ ອະດີດນາຍທະຫານເຂົ້າຮ່ວມ.
        ທ່ານ ນາງມະນີສອນ ປ່ຽງສະຫວັນ ຄະນະປະຈຳພັກເມືອງ ປະທານແນວລາວສ້າງຊາດເມືອງ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດສະບັບເລກທີ 940/ກປທ,ລົງວັນທີ 13 ມີນາ 2017 ວ່າດ້ວຍມອບໃຫ້ສະຫະພັນນັກຮົບເກົ່າແຫ່ງຊາດຮ່ວມກັບພາກສ່ວນທີ່ກ່ຽວຂ້ອງຈັດພິທີປະດັບຫຼຽນກາກຽດຕິຄຸນກອງທັບປະຊາຊົນລາວໃຫ້ແກ່ອະດີດນາຍທະຫານກອງທັບປະຊາຊົນລາວທີ່ພັກຜ່ອນບຳນານຈຳນວນ 4.794 ສະຫາຍ ເພື່ອຕອບສະໜອງຜົນງານຄຸນງາມຄວາມດີຂອງອະດີດນາຍທະຫານກອງທັບປະຊາຊົນລາວທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນພາລະກິດປະຕິວັດຕໍ່ສູ້ປົດປ່ອຍຊາດປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນ ແລະ ປົກປັກຮັກສາສ້າງສາພັດທະນາປະເທດຊາດເປັນເວລາຍາວນານຢ່າງສະເໝີຕົ້ນສະເໝີປາຍ.
       ຂະນະດຽວກັນ ທ່ານ ບຸນໄຫຼ ບຸດຕະວົງ ກຳມະການພັກແຂວງ, ເລຂາພັກເມືອງ-ເຈົ້າເມືອງໆກະລຶມ ກໍໄດ້ຂຶ້ນມອບຫຼຽນກາກຽດຕິຄຸນກອງທັບປະຊາຊົນລາວ ໃຫ້ອະດິດນາຍທະຫານທີ່ປະຈຳຢູ່ເມືອງກະລຶມມີ 11 ສະຫາຍຄື: ສະຫາຍ ວິຊອງ ປອດສຸລິຍາ,ຮ/ທ ມະນີວົງ ສຸລິດົມ,ພັ/ຕ ຄຳບາຍ ວຽງພະລິງ,ຮ/ອ ວິຊຽນ ສະມະນີ,ຮ/ອ ຈັນຮອນ ແລງສະນັນ, ຮ/ທ  ວິສິດ ປົດຕະໄລ, ຮ/ອ ຄຳພຽກ ມືນຈະເຕີນ, ຮ/ອ ສຸລິດ ຍະໄທ, ພັ/ທ ແສງທອງຕໍອີລາມ, ຮ/ຕ ບຸນໄລ ແລະ ສະຫາຍ ພັ/ຕ ບຸນທັນ ຢັນຕະຢິນ.
       ໂອກາດດັງກ່າວ ທ່ານເຈົ້າເມືອງກະລຶມ ຍັງໄດ້ເນັ້ນໃຫ້ບັນດາອະດີດນາຍທະຫານກອງທັບປະຊາຊົນລາວຈົ່ງສືບຕໍ່ເປັນແຮງຊຸກຍູ້ ແລະ ສຶກສາອົບຮົມການເມືອງແນວຄິດໃຫ້ຄົນລຸ້ນຫຼັງໄດ້ຮັບຮູ້,ເຂົ້າໃຈຕໍ່ແນວທາງນະໂຍບາຍຂອງພັກ ແລະ ເຄົາລົບນັບຖືລະບຽບກົດໝາຍຂອງລັດວາງອອກຢ່າງເຂັ້ມງວດ.

ຂ່າວ: ທ ອັດສະວິນ ແສງສີຈັນ ນັກຂ່າວ ເມືອງກະລຶມ ແຂວງເຊກອງ 0302807470
ກະລຶມປະດັບຫຼຽນກາໃຫ້ອະດີດນາຍທະຫານກອງທັບປະຊາຊົນລາວ Reviewed by makarow on 8:38:00 PM Rating: 5

Contact Form

Name

Email *

Message *

Powered by Blogger.