ຂ່າວດ່ວນ

ຂ່າວອື່ນໆ

random

ທ່ານ ສຈ ປອ ຈະເລີນ ເຍຍປາວເຮີ ລັດຖະມົນຕີປະຈຳສຳນັກງານນາຍົກ ເຄື່ອນໄຫວເຮັດວຽກຢູ່ແຂວງເຊກອງ



    ໃນວັນທີ 30 ມິຖຸນາ 2017 ຜ່ານມານີ້ ທ່ານ ສຈ ປອ ຈະເລີນ ເຍຍປາວເຮີ ກຳມະການສູນກາງພັກ, ລັດຖະມົນຕີປະຈຳສຳນັກງານນາຍົກລັດຖະມົນຕີ, ຫົວໜ້າຄະນະທີມງານຕິດຕິດຕາມ,ກວດກາ ແລະ ຊຸກຍູ້ການຈັດຕັ້ງປະຕິບັດ ບັນດານິຕິກຳລຸ່ມກົດຫມາຍ ແລະ ຄຳເຫັນຊີ້ນຳຂອງນາຍົກລັດຖະມົນຕີ ພ້ອມຄະນະ ໄດ້ລົງຕິດຕາມ, ຊຸກຍູ້ວຽກງານດັ່ງກ່າວຢູ່ແຂວງເຊກອງ ໂດຍມີບັນດາຄະນະປະຈຳພັກແຂວງ, ກຳມະການພັກແຂວງ, ມີບັນດາຫົວໜ້າ-ຮອງຫົວໜ້າພະແນກການອ້ອມຂ້າງແຂວງເຂົ້າຮ່ວມ.

       ທ່ານ ເຫຼັກໄຫຼ ສີວິໄລ ກຳມະການປະຈຳພັກແຂວງ, ຮອງເຈົ້າແຂວງ ຫົວໜ້າຊີນຳລວມ ໄດ້ລາຍງານ ກ່ຽວກັບການຈັດຕັ້ງປະຕິບັດ ແລະ ຜັນຂະຫຍາຍບັນດານິຕິກຳລຸ່ມກົດໝາຍຢູ່ແຂວງເຊກອງ ເຊິ່ງທ່ານໄດ້ໃຫ້ຮູ້ວ່າ: ກ່ຽວກັບການຈັດຕັ້ງປະຕິບັດມະຕິ, ດຳລັດ, ຄຳສັ່ງ, ຂໍ້ຕົກລົງ ແລະ ແຈ້ງການຂອງລັດຖະບານຈຳນວນໜຶ່ງນັບແຕ່ທ້າຍເດືອນມິຖຸນາ 2016 ເປັນຕົ້ນມາ ຮອດປະຂຈຸບັນໄດ້ມີບັນດານິຕິກຳລຸ່ມກົດໝາຍຂອງລັດຖະບານທີ່ໄດ້ຜ່ານຂາເຂົ້າ-ຂາອອກຂອງຫ້ອງວ່າການແຂວງລວມທັງໝົດ 43 ສະບັບ ເພື່ອຊຸກຍູ້ໃຫ້ອົງການຈັດຕັ້ງພັກ-ລັດແຂວງເຊກອງ ເປັນບ່ອນອີງໃນການຈັດຕັ້ງປະຕິບັດຜັນຂະຫຍາຍ, ເຊື່ອມຊຶມ ແລະ ຫັນເຂົ້າສູ່ວຽກວານຕົວຈິງຢູ່ໃນທ້ອງຖິ່ນ ໃຫ້ປະກົດຜົນເປັນຈິງເທື່ອລະກ້າວ, ໂດຍມີນິຕິກໍາ ໃນຂົງເຂດການເມືອງ ມີ 4 ສະບັບຄື: ມະຕິເລກທີ 022/ຄບສພ, ລົງວັນທີ 13 ມັງກອນ 2017 ວ່າດ້ວຍການແກ້ໄຂພະຍາດອາດຍາສິດ ສະກັດກັ້ນ ແລະ ຕ້ານການສໍ້ລາດບັງຫຼວງ, ມະຕິກອງປະຊຸມຄະນະລັດຖະບານຮ່ວມກັບເຈົ້າຄອງນະຄອນຫຼວງວຽງຈັນ ແລະ ບັນດາທ່ານເຈົ້າແຂວງຄັ້ງວັນທີ 13-14 ມິຖຸນາ 2017, ຄຳສັ່ງຂອງນາຍົກລັດຖະມົນຕີ ເລກທີ 34/ ນຍ, ລົງວັນທີ 23 ສິງຫາ 2016 ວ່າດ້ວນທິດທາງເປົ້າໝາຍ ແລະ ມາດຕະການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ, ໃນຂົງເຂດເສດຖະກິດ ມີ 25 ສະບັບ ຄື: ຂໍ້ຕົກລົງ 3 ສະບັບ, ຄຳສັ່ງ 11 ສະບັບ, ຄຳແນະນຳ 2 ສະບັບ, ຄຳແນະນຳເພີ່ມເຕີມ 2 ສະບັບ, ຄຳສັ່ງແນະນຳ 4 ສະບັບ, ດຳລັດ 3 ສະບັບ; ໃນຂົງເຂດການປົກຄອງ ແລະ ຍຸຕິທຳ ມີ 8 ສະບັບຄື: ຂໍ້ຕົກລົງ 3 ສະບັບ, ຄຳສັ່ງ 1 ສະບັບ, ບົດແນະນຳ 1 ສະບັບ, ດຳລັດ 2 ສະບັບ, ມະຕິ 1 ສະບັບ ແລະ ໃນຂົງເຂດວັດທະນະທຳ-ສັງຄົມ ມີ 6 ສະບັບຄື: ຂໍ້ຕົກລົງ 3 ສະບັບ, ຄຳສັ່ງ 1 ສະບັບ, ດຳລັດ 1 ສະບັບ, ມະຕິ 1 ສະບັບ;
      ບັນດານິຕິກຳລຸ່ມກົດໝາຍດັ່ງກ່າວ ອົງການປົກຄອງແຂວງເຊກອງ ໄດ້ເອົາໃຈໃສ່ຈັດຕັ້ງຜັນຂະຫຍາຍເນື້ອໃນດັ່ງຢ່າງກວ້າງຂວາງຢູ່ຂັ້ນພະແນກ, ຂັ້ນເມືອງ ຕະຫຼອດຮອດຮາກຖານບ້ານ; ສຳລັບວິທີການ ແລະ ຮູບແບບການຈັດຕັ້ງຜັນຂະຫຍາຍ ໄດ້ການມອບໝາຍໃຫ້ຂະແໜງການທີ່ກ່ຽວຂ້ອງເປັນເຈົ້າການໃນການຈັດຕັ້ງຜັນຂະຫຍາຍ, ເຊື່ອມຊຶມ, ເຜີຍແຜ່ໃຫ້ກົມກອງ ແລະ ຂະແໜງການສາຍຕັ້ງຂັ້ນລຸ່ມຂອງຕົນເອງຢ່າງມີຄວາມຮັບຜິດຊອບສູງ; ເຊິ່ງຜ່ານການຈັດຕັ້ງປະຕິບັດບັນດານິຕິກໍາດັ່ງກ່າວແມ່ນມີຜົນດີເຊັ່ນ ໄດ້ເປັນບ່ອນອີງໃນການຈັດຕັ້ງປະຕິບັດວຽກງານຕ່າງໆຢູ່ຂັ້ນທ້ອງຖິ່ນ - ຮາກຖານ ໃຫ້ມີຄວາມຖືກຕ້ອງສອດຄ່ອງກັບສະພາບຄວາມເປັນຈິງ ຂອງການພັດທະນາເສດຖະກິດ-ສັງຄົມ ທັງເປັນມາດຕາການໃນການຈັດຕງປະຕິບັດວຽກງານຕ່າງໆໃຫ້ມີຄວາມເປັນເອກະພາບ ແລະ ໂປ່ງໃສ; ຄຽງຄູ່ກັບດ້ານດີ ກໍ່ຍັງມີຂໍ້ຍາກເຊັ່ນ: ບັນດານິຕິກໍາຕ່າງໆແມ່ນໄດ້ຈັດສົ່ງຕາມພະແນກການ, ອົງການສາຍຕັ້ງ ໂດຍບໍ່ໄດ້ຜ່ານຫ້ອງວ່າການແຂວງ ເຊິ່ງເປັນສາເຫດໃຫ້ມີຄວາມຫຍຸ້ງຍາກໃນການຊີ້ນໍາ-ນໍາພາ ການຈັດຕັ້ງປະຕິບັດບໍ່ທົ່ວເຖິງກັນ, ຊັກຊ້າ ຫຼືບໍ່ໄດ້ຮັບການເຊື່ອມຊຶມ ແລະ ຜັນຂະຫຍາຍເຂົ້າສູ່ວຽກງານຕົວຈິງເທົ່າຄວນ, ພະນັກງານຈຳນວນໜຶ່ງຍັງບໍ່ທັນກໍາແໜ້ນບັນດານິຕິກໍາຕ່າງໆທີ່ຕິດພັນກັບວຽກງານຕົວຈິງ ບົດຮຽນ, ປະສົບການຍັງຈໍາກັດ.
      ໃນໂອກາດນີ້ ທ່ານ ສຈ ປອ ຈະເລີນ ເຍຍປາວເຮີ ກຳມະການສູນກາງພັກ, ລັດຖະມົນຕີປະຈຳສຳນັກງານນາຍົກ ໄດ້ຍ້ອງຍໍຊົມເຊີຍຕໍ່ອຳນາດການປົກຄອງ ກໍຄືບັນດາຂະແໜງການ ທີ່ໄດ້ເອົາໃຈໃສ່ຈັດຕັ້ງປະຕິບັດບັນດານິຕິກຳຕ່າງຢ່າງເອົາຈິງເອົາຈັງ ແລະ ໄດ້ເນັ້ນໃຫ້ອໍານາດການປົກຄອງທຸກຂັ້ນ ໃຫ້ເອົາໃຈໃສ່ສືບຕໍ່ຜັນຂະຫຍາຍນິຕິກຳຕ່າງໆໃຫ້ທົ່ວເຖິງ ແລະໃຫ້ເຂົ້າເຖິງວຽກງານຕົວຈິງໃຫ້ຫຼາຍຂຶ້ນ ແລະ ສືບຕໍ່ຕິດຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດ ບັນດານິຕິກຳດັ່ງກ່າວ ໃຫ້ເປັນປົກະຕິຕໍ່ເນື່ອງ ເພື່ອເກັບກຳຂໍ້ມູນໃຫ້ລະອຽດ ວ່າແຕ່ລະຂະແໜງການປະຕິບັດໄດ້ສໍ່າໃດ? ເພື່ອຈະໄດ້ມີການປະເມີນຄືນຜົນສໍາເລັດ, ຂໍ້ຄົງຄ້າງ ຈາກການປະຕິບັດຕົວຈິງຜ່ານມາ.
ພາບ-ຂ່າວ: ພຸດທະສອນ
ຂ່າວ: ແຂວງເຊກອງ
ທ່ານ ສຈ ປອ ຈະເລີນ ເຍຍປາວເຮີ ລັດຖະມົນຕີປະຈຳສຳນັກງານນາຍົກ ເຄື່ອນໄຫວເຮັດວຽກຢູ່ແຂວງເຊກອງ Reviewed by makarow on 11:22:00 PM Rating: 5

Contact Form

Name

Email *

Message *

Powered by Blogger.