ຂ່າວດ່ວນ

ຂ່າວອື່ນໆ

random

ປະທານ ສພຊ ລົງຕິດຕາມໂຄງການ ລົດໄຟລາວ-ຈີນ ທີ່ແຂວງວຽງຈັນ



    (ສພຊ) ທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ຊາດ (ສພຊ) ພ້ອມດ້ວຍບັນດາ ທ່ານຮອງປະທານກຳມາທິ ການ ຮອງລັດຖະມົນຕີກະຊວງ ຕ່າງໆ ແລະ ພະນັກງານກ່ຽວ ຂ້ອງໄດ້ລົງຕິດຕາມກວດກາ ຜົນກະທົບຕົວຈິງຈາກໂຄງ ການກໍ່ສ້າງທາງລົດໄຟ ລາວ - ຈີນ ຢູ່ເມືອງວັງວຽງແຂວງວຽງ ຈັນ ໂດຍການເຮັດວຽກກັບ ອຳນາດການປົກຄອງແຂວງ, ເມືອງ, ບ້ານ ແລະ ພົບປະກັບ ປະຊາຊົນຜູ້ທີ່ຖືກຜົນກະທົບຈາກໂຄງ ການ ກໍ່ສ້າງທາງລົດໄຟດັ່ງກ່າວ ເມື່ອບໍ່ດົນຜ່ານມານີ້.

ທ່ານ ສຸມຸນທາ ສົມຈັນ ນະວົງ ຫົວໜ້າພະແນກ ຍທຂ ແຂວງວຽງຈັນ ທັງເປັນຫົວໜ້າ ກອງເລຂາຄະນະປະສານງານ ໄກ່ເກ່ຍສິ່ງກີດຂວາງ ແລະ ປ້ອງກັນຄວາມສະຫງົບໂຄງ ການກໍ່ສ້າງທາງລົດໄຟລາວ- ຈີນ ຂັ້ນແຂວງວຽງຈັນ ໄດ້ລາຍ ງານໃຫ້ຮູ້ວ່າ: ໂຄງການກໍ່ສ້າງ ທາງລົດໄຟລາວ-ຈີນ ຈະຜ່ານ ແຂວງວຽງຈັນ ມີຄວາມຍາວ 143 ກມ, ຜ່ານ 4 ເມືອງ, 63 ບ້ານຄື: ເມືອງກາສີ 9 ບ້ານ, ເມືອງວັງວຽງ 20 ບ້ານ, ເມືອງຫີນເຫີບ 11 ບ້ານ, ເມືອງ ໂພນໂຮງ 23 ບ້ານ. ປັດຈຸບັນຄະນະໄກ່ເກ່ຍສາ ມາດມອບພື້ນທີ່ເປັນປ່າ,ນາ, ຄັງ, ລ້ຽງສັດ, ສວນໃຫ້ໂຄງ ການໄດ້ແລ້ວ 52,2 ກມ ແລະ ເປັນເຂດອຸມົງທີ່ໂຄງການກໍ່ ສ້າງໄດ້ 33 ກວ່າກມ(ລວມ 85,2 ກມ) ເທົ່າກັບ 59,58% ຂອງໄລຍະທາງທັງໝົດ ຍັງ ປະມານ 58 ກມທີ່ບໍ່ທັນ ໄດ້ ມອບ ຊຶ່ງເປັນເຂດຊຸມຊົນທີ່ ຢູ່ອາໄສຂອງປະຊາຊົນ, ດິນ ບຸກຄົນທີ່ຍັງບໍ່ອະນຸຍາດໃຫ້ ແລະ ເປັນປ່າ, ນາ, ຄັງລ້ຽງສັດ, ສວນໄມ້ອຸດສາຫະກຳຈຳ ນວນໜຶ່ງ. ສຳລັບການຊົດ ເຊີຍໄດ້ອີງໃສ່ດຳລັດສະບັບ ເລກທີ 84/ລບ, ລົງວັນທີ 5/4/2016 ແລະ ອີງໃສ່ຂໍ້ມູນ ການຊົດເຊີຍຂອງໂຄງການ ຕ່າງໆທີ່ໄດ້ປະຕິບັດຜ່ານມາ ບວກກັບລາຄາການແລກປ່ຽນ ກຳມະສິດທີ່ດິນຢູ່ແຕ່ລະເມືອງ ແຕ່ລະເຂດ ແລະ ການຈັດສັນ ປະເພດທີ່ດິນ ເປັນບ່ອນອີງໃນ ການກຳນົດ.

ມາຮອດປັດຈຸບັນ ແຂວງວຽງຈັນ ໄດ້ສຳເລັດການ ກຳນົດລາຄາຊົດເຊີຍ ແລະ ສົ່ງ ໃຫ້ຄະນະຄຸ້ມຄອງທາງລົດໄຟ ລາວ-ຈີນ ສັງລວມເພື່ອກຽມ ຜ່ານການນຳກະຊວງໂຍທາທິ ການ ແລະ ຂົນສົ່ງ. ຈາກນັ້ນ ຜູ້ ຕາງໜ້າໃຫ້ປະຊາຊົນທີ່ຖືກຜົນ ກະທົບ ໄດ້ຂຶ້ນມີຄຳເຫັນສະ ເໜີ ແລະ ຊັກຖາມຂໍ້ຂ້ອງໃຈ ບາງບັນຫາ, ຕໍ່ບັນຫາຕ່າງໆທີ່ ປະຊາຊົນໄດ້ສະເໜີ ທ່ານຮອງ ລັດຖະມົນຕີກະຊວງກ່ຽວຂ້ອງ ໄດ້ຂຶ້ນອະທິບາຍຊີ້ແຈງຢ່າງ ລະອຽດ ແລະ ບັນຫາທີ່ຍັງຄ້າງ ຄາແມ່ນຈະໄດ້ພິຈາລະນາແກ້ ໄຂໂດຍໄວ.

ໂອກາດນີ້ ທ່ານນາງ ປານີ ຢາທໍ່ຕູ້ ໄດ້ໂອ້ລົມໃຫ້ທິດຊີ້ນຳ ຜູ້ຮັບຜິດຊອບໂຄງການ ແລະ ພໍ່ແມ່ປະຊາຊົນ ຊຶ່ງໄດ້ສະແດງ ຄວາມຍ້ອງຍໍຊົມເຊີຍຕໍ່ຄວາມ ເອົາໃຈໃສ່ຂອງອຳນາດການ ປົກຄອງ ແລະ ນ້ຳໃຈເສຍສະ ຫຼະຂອງປະຊາຊົນ ເພື່ອເຮັດ ໃຫ້ໂຄງການດັ່ງກ່າວດຳເນີນ ໄປໄດ້ດ້ວຍດີ. ພ້ອມນັ້ນ ທ່ານ ຍັງໄດ້ເນັ້ນໜັກໃຫ້ພາກສ່ວນ ກ່ຽວຂ້ອງເກັບກຳຂໍ້ມູນຜູ້ທີ່ຖືກ ຜົນກະທົບ ຕ້ອງໃຫ້ລາຍລະ ອຽດຈະແຈ້ງທີ່ສຸດ, ການຊົດ ເຊີຍຕ້ອງເອົາລາຄາເປັນກາງ ແລະ ຕ້ອງໄດ້ນຳເອົາດຳລັດ ຂອງນາຍົກລັດຖະມົນຕີ ສະ ບັບເລກທີ 84 ລົງເຜີຍແຜ່ໃຫ້ ພະນັກງານ-ລັດຖະກອນ ຕະ ຫຼອດຮອດພໍ່ແມ່ປະຊາຊົນໄດ້ ຮັບຮູ້ ແລະ ເຂົ້າໃຈ ເພື່ອນຳໄປ ຈັດຕັ້ງປະຕິບັດ, ຮັບປະກັນຜົນ ປະໂຫຍດອັນຊອບທຳຂອງປະ ຊາຊົນ, ສະເໝີພາບ, ຍຸຕິທຳ ຖືກຕ້ອງໂປ່ງໃສ ແລະ ປະ ສານສົມທົບຢ່າງໃກ້ຊິດລະ ຫວ່າງເຈົ້າຂອງໂຄງການ ແລະ ປະຊາຊົນຜູ້ໄດ້ຮັບຜົນກະທົບ ເພື່ອໃຫ້ວຽກງານການໄກ່ເກ່ຍ ສິ່ງກີດຂວາງ ແລະ ການເວນ ຄືນທີ່ດິນ-ຊັບສິນສຳເລັດທັນ ເວລາ.
(ຂ່າວ: ນາງ ປາກາລັກ ພົມມີໄຊ)
ປະທານ ສພຊ ລົງຕິດຕາມໂຄງການ ລົດໄຟລາວ-ຈີນ ທີ່ແຂວງວຽງຈັນ Reviewed by makarow on 1:49:00 AM Rating: 5

Contact Form

Name

Email *

Message *

Powered by Blogger.