ຂ່າວດ່ວນ

ຂ່າວອື່ນໆ

random

ເກົາຫລີເໜືອຍິງຂີປະນາວຸດຕົກລົງໃນທະເລຍີປຸ່ນ



ສຳນັກຂ່າວຢອນຮັບລາຍງານໂດຍອ້າງແຫລ່ງຂ່າວຈາກກອງທັບເກົາຫລີໃຕ້ວ່າ ເກົາຫລີເໜືອໄດ້ຍິງຂີປະນາວຸດອີກຄັ້ງຈາກເມືອງພະຢອງອັນເຫນືອ ຊຶ່ງຕັ້ງຢູ່ທາງຕາເວັນຕົກຂອງປະເທດ ເມື່ອເວລາ 9:40 ໂມງ ຂອງວັນນີ້ຕາມເວລາທ້ອງຖິ່ນ ໂດຍຂີປະນາວຸດໄດ້ຕົກລົງໃນທະເລຍີປຸ່ນ

ຂີປະນາວຸດດັ່ງກ່າວພຸ່ງທະຍານອອກໄປເປັນໄລຍະທາງ 930 ກິໂລແມັດ ເປັນເວລາ 40 ນາທີ ກ່ອນຈະຕົກລົງໃນເຂດເສດຖະກິດຈຳເພາະຂອງຍີປຸ່ນ ເຮັດໃຫ້ທ່ານ ໂຢຊິຮິເດະ ຊິກະ ເລຂາທິການຄະນະລັດຖະມົນຕີຍີປຸ່ນອອກມາຖະແຫລງວ່າການກະທຳຍົ່ວຍຸຊ້ຳຊາກຂອງເກົາຫລີເໜືອແບບນີ້ເປັນສິ່ງທີ່ຍອມຮັບບໍ່ໄດ້ ໂດຍຍີປຸ່ນຂໍປະນາມການຍິງຂີປະນາວຸດຄັ້ງນີ້ ແລະໄດ້ຍື່ນປະທ້ວງໄປຫາເກົາຫລີເໜືອແລ້ວ
ທາງດ້ານປະທານາທິບໍດີ ມຸນ ແຈ ອິນ ຂອງເກົາຫລີໃຕ້ ໄດ້ເອີ້ນປະຊຸມສະພາຄວາມໝັ້ນຄົງແຫ່ງຊາດເປັນການຮີບດ່ວນ ຫລັງການຍິງຂີປະນາວຸດຂອງເກົາຫລີເໜືອ ຊຶ່ງນັບເປັນຄັ້ງທີ່ 11 ແລ້ວໃນປີນີ້ ຢ່າງໃດກໍ່ຕາມຍັງບໍ່ຮູ້ແຈ້ງວ່າເປັນຂີປານາວຸດຊະນິດໃດ



    ເກົາຫລີເໜືອຍິງຂີປະນາວຸດຕົກລົງໃນທະເລຍີປຸ່ນ Reviewed by makarow on 9:00:00 PM Rating: 5

    Contact Form

    Name

    Email *

    Message *

    Powered by Blogger.