ຂ່າວດ່ວນ

ຂ່າວອື່ນໆ

random

ເຈົ້າຫນ້າທີ່ແຂວງເຊກອງ ລົງກວດກາສິນຄ້າປອມ



       (ເຊກອງ,ວັນທີ 18/07/2017) * ວັນທີ 17 ກໍລະກົດ 2017 ຜ່ານມານີ້ ທ່ານ ນົງວິຊຽນ ສຸວັນນາ ຫົວໜ້າຂະແໜງຊັບສິນທາງປັນຍາມາດຖານ ແລະ ການວັດແທກ, ພະແນກວິທະຍາສາດ ແລະ ເຕັກໂນໂລຊີແຂວງເຊກອງສົມທົບຂະແໜງ ການກ່ຽວຂ້ອງຂັ້ນແຂວງ ແລະ ເມືອງລະມາມ ໄດ້ລົງກວດກາສິນຄ້າລອກລຽນແບບເຄື່ອງໝາຍການຄ້າ ໂດຍສະເພາະແມ່ນແປ້ງນົວກາຈອງ  “ RACHA CHOOROS ” ປອມ.
      ໂດຍຈຸດປະສົງໃນການລົງກວດຄັ້ງນີ້ ກໍເພື່ອເປັນການສະກັດກັ້ນການຜະລິດ ແລະ ການຈຳໜ່າຍສິນຄ້າ ແປ້ງນົວກາຈອງ  “ RACHA CHOOROS ” ປອມ ທີ່ມີຈຳໜ່າຍຕາມທ້ອງຕະຫຼາດໃນເທສະບານແຂວງ-ເມືອງ ຊຶ່ງສິນຄ້າດັ່ງກ່າວໄດ້ສົ່ງຜົນສະທ້ອນຫຼາຍຕໍ່ສັງຄົມ ແລະ ຍັງເປັນການຂັດກັບລະບຽບກົດໝາຍ ໂດຍສະເພາະກົດໝາຍວ່າດ້ວຍຊັບສິນທາງປັນຍາ.
       ພ້ອມນີ້ ກໍເພື່ອສະກັດກັ້ນການລະເມີດລະບຽບກົດໝາຍກ່ຽວກັບການຄຸ້ມຄອງການຄ້າ, ແນໃສ່ສົ່ງເສີມ ແລະ ປົກປ້ອງຫົວໜ່ວຍທຸລະກິດການຄ້າ ທີ່ເຄື່ອນໄຫວຖືກຕ້ອງ ແລະ ສອດຄ່ອງກັບລະບຽບກົດໝາຍ, ທັງເປັນການປະກອບສ່ວນເຂົ້າໃນການຄຸ້ມຄອງສິນຄ້າ ແລະ ປົກປ້ອງສິດຜົນປະໂຫຍດຂອງປະຊາຊົນຜູ້ຊົມໃຊ້.
       ເປົ້າໝາຍ ແລະ ສະຖານທີ່ລົງກວດກາໃນຄັ້ງນີ້ ແມ່ນຮ້ານຂາຍເຄື່ອງຂາຍຍົກ-ຂາຍຍ່ອຍພາຍໃນຕະຫຼາດເທສະບານແຂວງເຊກອງ ຊຶ່ງຜ່ານການກວດກາຕົວຈິງແລ້ວ ແມ່ນບໍພົບ.

( ຂ່າວ-ພາບ : ສັນຍາ ແກ້ວໄຊຍະວົງ )
ຂ່າວ: ແຂວງເຊກອງ
ເຈົ້າຫນ້າທີ່ແຂວງເຊກອງ ລົງກວດກາສິນຄ້າປອມ Reviewed by makarow on 8:34:00 PM Rating: 5

Contact Form

Name

Email *

Message *

Powered by Blogger.