ຂ່າວດ່ວນ

ຂ່າວອື່ນໆ

random

ປະທານສະພາແຫ່ງຊາດພົບປະໂອ້ລົມປະຊາຊົນບ້ານບວມອໍ້ເມືອງຊຽງເງິນ ----------000-----------




ວັນທີ 30 ກໍລະກົດ 2017ນີ້,ທ່ານ ນາງ ປານີ ຢ່າທໍ່ຕູ້ ກົມການເມືອງສູນກາງພັກ-ປະທານສະພາແຫ່ງ ສປປ ລາວ ໄດ້ລົງຢ້ຽມຢາມພົບປະໂອ້ລົມປະຊາຊົນບ້ານບວມອໍ້ ເມືອງຊຽງເງິນ ແຂວງຫຼວງພະບາງ ຢູ່ທີ່ສະໂມສອນຂອງບ້ານດັ່ງກ່າວ,ໂດຍມີທ່ານ ສາຍສະໝອນ ທິດາກອນ ເຈົ້າເມືອງຊຽງເງິນ,ອົງການປົກຄອງບ້ານ ແລະ ປະຊາຊົນໃຫ້ການຕ້ອນຮັບ ແລະ ເຂົ້າຮ່ວມຮັບຟັງ 100 ກວ່າຄົນ,ຍິງ40ກ່ວາຄົນ.
ໂອກາດດັ່ງກ່າວທ່ານປະທານສະພາແຫ່ງຊາດໄດ້ຮັບຟັງສະພາບການກະກຽມເບື້ອງຕົ້ນ ໃນການຈັດສັນຍົກຍ້າຍບ້ານໃໝ່ ຈາກທ່ານ ສາຍສະໝອນ ທິດາກອນ ເຈົ້າເມືອງຊຽງເງິນ ພ້ອມທັງຮັບຟັງສະພາບລວມຂອງບ້ານທີ່ຮັບຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນ ຈາກທ່ານ ບຸນສີ ທັດສະນະວົງ ນາຍບ້ານບວມອໍ້. ຈາກນັ້ນ ທ່ານ ປະທານ ສະພາແຫ່ງຊາດ ກໍໄດ້ມີຄຳຖາມເຈາະຈີ້ມຕື່ມກ່ຽວກັບຄວາມຮັບຮູ້ຂອງປະຊາຊົນຕໍ່ການປະຕິບັດໂຄງການກໍ່ສ້າງທາງລົດໄຟລາວ-ຈີນ,ພ້ອມທັງໄດ້ຊີ້ທິດເຍືອງທາງໃນການປະຕິບັດໂຄງການຢູ່ທ້ອງຖີ່ນເມືອງຊຽງເງິນ,ໂດຍສະເພາະແມ່ນການປະຕິບັດວຽກງານຊົດເຊີຍຜົນກະທົບໃຫ້ແກ່ປະຊາຊົນ ຕ້ອງປະຕິບັດຕາມດຳລັດຂອງນາຍົກລັດຖະມົນຕີວ່າດ້ວຍການແກ້ໄຂຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນ, ບາງຕອນສຳຄັນທ່ານກ່າວວ່າ. ບ້ານບວມອໍ້ເປັນບ້ານຊົນເຜົ່າກຶມມຸ,ມີຈຳນວນ98ຄອບຄົວ 102 ຫຼັງຄາ,ພົນລະເມືອງທັງໝົດ 404 ຄົນ ຍິງ 206 ຄົນ,ຖືກຜົນກະທົບຈາກໂຄງການກໍ່ສ້າວທາງລົດໄຟລາວ-ຈີນ ມີເນື້ອທີ່ດິນທັງໝົດ 3,30ເຮັກຕາ,ໃນນີ້ມີດິນຂອງປະຊາຊົນ 94 ຕອນ ເນື້ອທີ່ 32.199 ຕາແມັດ,ດິນລວມບ້ານເຊັ່ນ:ໂຮງຮຽນ;ສະໂມສອນ ແລະ ດິນສາທາລະນະ ຈຳນວນ 3 ຕອນ ເນື້ອທີ່ 4.119ຕາແມັດ. ຜົນກະທົບດ້ານສີ່ງປຸກສ້າງ ມີເຮືອນ 102 ຫຼັງ ເຊີ່ງເປັນເຮືອນຖາວອນ 55ຫຼັງ;ເຄີ່ງຖາວອນ 33 ຫຼັງ;ປະຖົມປະຖານ 11 ຫຼັງ, ສີ່ງປຸກສ້າງລວມ ຄື:ໂຮງຮຽນປະຖົມສົມບູນ 1 ແຫ່ງ ແລະ ສະໂມສອນບ້ານ 1 ຫຼັງ,ຜົນກະທົບດ້ານເຄື່ອງປູກຂອງຝັງປະເພດໄມ້ໃຫ້ໝາກ 639 ຕົ້ນ;ໄມ້ອຸດສາຫະກຳ 591 ຕົ້ນ;ພືດອຸດສາຫະກຳ 189 ຕົ້ນ;ໄມ້ປະດັບ 25 ຕົ້ນ ແລະ ພືດລົ້ມລຸກປະເພດກ້ວຍ 95 ສຸມ;ໄມ້ປ່ອງ 153 ສຸມ.
ຂ່າວ: ເຫຼັກໄຊ ຄົດໄຊໂຍ
ປະທານສະພາແຫ່ງຊາດພົບປະໂອ້ລົມປະຊາຊົນບ້ານບວມອໍ້ເມືອງຊຽງເງິນ ----------000----------- Reviewed by makarow on 8:03:00 PM Rating: 5

Contact Form

Name

Email *

Message *

Powered by Blogger.