ຂ່າວດ່ວນ

ຂ່າວອື່ນໆ

random

ຣັດ​ເຊຍ ປະ­ຕິ­ບັດ​ການ​ໂຈມ​ຕີ​ທາງ​ອາ­ກາດ 2.500 ກວ່າ​ຄັ້ງ​ຢູ່​ໃນ​ຊີ​ເຣຍ



ຣັດ​ເຊຍ ປະ­ຕິ­ບັດ​ການ​ໂຈມ​ຕີ​ທາງ​ອາ­ກາດ 2.500 ກວ່າ​ຄັ້ງ​ຢູ່​ໃນ​ຊີ​ຣີ ຂ່າວ­ສານ ຊິນ​ຮວາ ອ້າງຕາມ​ຂໍ້​ມູນ​ຈາກ​ກະ­ຊວງ​ປ້ອງ​ກັນ​ປະ­ເທດ​ຣັດ​ເຊຍ ໃຫ້​ຮູ້­ເມື່ອ​ວັນ​ທີ 21 ສິງ­ຫາ​ທີ່​ຜ່ານ​ມາ​ວ່າ ໃນເດືອນ​ສິງ­ຫາ ​ປີ 2017 ບັນ­ດາ​ເຮືອ­ບິນ​ສູ້​ຮົບ​ຂອງຣັດ​ເຊຍ​ ໄດ້​ປະ­ຕິ­ບັດ​ການ​ໂຈມ​ຕີທາງ​ອາ­ກາດ 2.518 ຄັ້ງ​ຢູ່​ໃນ​ຊີ​ຣີ ໂດຍໄດ້​ສັງ­ຫານ​ພວກ​ກໍ່​ການ​ຮ້າຍ ປະ­ມານ 800 ຄົນ.
ຫົວ­ໜ້າ​ກົມ​ການ​ສູ້​ຮົບທີ່​ຂຶ້ນ​ກັບ​ກອງ​ເສ­ນາ​ທິ​ການ​ກອງ­ທັບ​ຣັດ​ເຊຍ ກ່າວ​ຕໍ່​ຜູ້​ສື່​ຂ່າວ​ວ່າ ການ​ໂຈມ​ຕີ​ທາງ​ອາ­ກາດ​ດັ່ງ­ກ່າວ ແມ່ນ​ມຸ່ງ​ໃສ່​ປ້ອມດ່ານ​ໜ້າ­ການ​ບັນ­ຊາ​ການ ຖານ​ທີ່ໝັ້ນເຮືອນ​ສາງ ຖານ​ທີ່​ໝັ້ນ​ດ້ານ​ພາ­ລາ​ທິ​ການ ລວມ​ເຖິງ​ຄ້າຍ​ຂອງພວກກໍ່​ການ​ຮ້າຍ ແລະ  ທຳ­ລາຍ​ລົດ​ຫຸ້ມ​ເກາະ​ໄດ້ 40 ຄັນ ລົດ​ປະ­ກອບ​ປືນ​ກົນ​ທີ່​ມີ​ເລົາ​ຂະ­ໜາດ​ໃຫຍ່​ໄດ້ 106 ຄັນ ພາຍໃນ​ເດືອນ​ສິງ­ຫາ​ນີ້.
ເຈົ້າ​ໜ້າ­ທີ່​ດັ່ງ­ກ່າວ​ໃຫ້​ຮູ້ອີກ​ວ່າ ຈາກ​ການ​ຄຸ້ມ​ກັນ​ຂອງ​ເຮືອ­ບິນ​ຣັດເຊຍ ກອງ­ທັບ​ຝ່າຍ​ລັດ­ຖະ­ບານ​ຊີ​ຣີ ພວມ​ດຳ­ເນີນ​ການໂຈມ​ຕີ​ຈາກ 3 ທິດ​ ມຸ່ງ​ເຂົ້າ​ໄປ​ແຂວງ ດີ ອາ​ລ-ຊູ (ພາກ​ຕາ­ເວັນ​ອອກ​ຊີ​ຣີ) ທີ່​ອົງ­ການ​ລັດ​ອິ​ສລາມ (IS) ຄວບ​ຄຸມ​ຢູ່.
ຣັດ​ເຊຍ ໄດ້​ເຂົ້າ​ຮ່ວມ​ບັ້ນ​ຕໍ່­ຕ້ານ IS ແລະ ພວກ​ກໍ່​ການ​ຮ້າຍ​ອື່ນໆ​ຢູ່​ໃນ​ຊີ​ຣີ ນັບ​ແຕ່​ເດືອນ​ກັນ­ຍາ ​ປີ 2015 ເປັນ­ຕົ້ນ​ມາ ຕາມ​ການ​ສະ­ເໜີ​ຂອງ​ປະ­ທາ­ນາ­ທິ­ບໍ­ດີ​ຊີ​ຣີ ບາ​ຊາ ອາ​ລ-ອັສ​ຊັດ.
ຣັດ​ເຊຍ ປະ­ຕິ­ບັດ​ການ​ໂຈມ​ຕີ​ທາງ​ອາ­ກາດ 2.500 ກວ່າ​ຄັ້ງ​ຢູ່​ໃນ​ຊີ​ເຣຍ Reviewed by makarow on 4:42:00 AM Rating: 5

Contact Form

Name

Email *

Message *

Powered by Blogger.