ຂ່າວດ່ວນ

ຂ່າວອື່ນໆ

random

ກອງປະຊຸມລັດຖະມົນຕີຕ່າງປະເທດອາຊຽນ+3 ແລະ ກອງປະຊຸມທີ່ກ່ຽວຂອງຫາລືຫຼາຍບັນຫາ



    ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງ ປະເທດ ໄດ້ສືບຕໍ່ນຳພາຄະນະ ຜູ້ແທນລາວເຂົ້າຮ່ວມກອງປະ ຊຸມລັດຖະມົນຕີຕ່າງປະເທດ ອາຊຽນ+3 ຄັ້ງທີ 18, ກອງປະ ຊຸມລັດຖະມົນຕີຕ່າງປະເທດ ຂອງກອງປະຊຸມສຸດຍອດອາຊີ ຕາເວັນອອກ (EAS) ຄັ້ງທີ 7 ແລະ ກອງປະຊຸມເວທີພາກພື້ນ ອາຊຽນ (ARF) ຄັ້ງທີ 24, ໃນ ວັນທີ 7 ສິງຫາ 2017, ທີ່ມະນີ ລາ ຟີລິບປິນ ໂດຍພາຍໃຕ້ ການເປັນປະທານຂອງລັດຖະ ມົນຕີຕ່າງປະເທດຟີລິບປິນ. ກອງປະຊຸມລັດຖະມົນຕີ ຕ່າງປະເທດອາຊຽນ+3 ຄັ້ງທີ 18 ໄດ້ສະແດງຄວາມຍິນດີຕໍ່ ການພົວພັນອາຊຽນ+3 ຄົບ ຮອບ 20 ປີ ນັບແຕ່ໄດ້ຮັບການ ສ້າງຕັ້ງໃນປີ 1997, ຊຶ່ງເຫັນວ່າ ມີຜົນສຳເລັດທີ່ສຳຄັນໃນຫຼາຍ ດ້ານ ໂດຍສະເພາະ ແມ່ນດ້ານ ການເງິນ, ຄວາມໝັ້ນຄົງດ້ານ ສະບຽງອາຫານ, ການເຊື່ອມ ໂຍງພາກພື້ນ ແລະ ການໄປມາ ຫາສູ່ລະຫວ່າງປະຊາຊົນກັບ ປະຊາຊົນ.

ກອງປະຊຸມຍັງໄດ້ ປຶກສາຫາລືກ່ຽວກັບທິດທາງ ການຮ່ວມມືລະຫວ່າງອາຊຽນ ແລະ 3 ປະເທດ: ສປ ຈີນ, ສ.ເກົາຫຼີ ແລະ ຍີ່ປຸ່ນ ໃນຕໍ່ໜ້າ ໂດຍໄດ້ຢ້ຳຄືນຄວາມສຳຄັນ ໃນການເສີມຂະຫຍາຍຂອບ ການຮ່ວມມືອາຊຽນ+3 ເພື່ອ ປົກປັກຮັກສາ ແລະ ສົ່ງເສີມ ສັນຕິພາບ, ສະຖຽນລະພາບ ແລະ ການພັດທະນາໃນພາກ ພື້ນ ແລະ ເສີມຂະຫຍາຍບົດ ບາດໃນການເປັນກຳລັງຂັບ ເຄື່ອນສຳລັບການເຊື່ອມໂຍງ ແລະ ການຂະຫຍາຍຕົວທາງ ດ້ານເສດຖະກິດຢູ່ອາຊີຕາ ເວັນອອກ ທັງນີ້ກໍເພື່ອແນໃສ່ ສ້າງພື້ນຖານໃຫ້ແກ່ການກ້າວ ໄປສູ່ການສ້າງປະຊາຄົມອາຊີ ຕາເວັນອອກໃນໄລຍະຍາວ. ພ້ອມນັ້ນ, ກອງປະຊຸມໄດ້ຮັບ ຮອງເອົາແຜນການຮ່ວມມື ອາຊຽນ+3 ແຕ່ປີ 2018-2022 ເພື່ອເປັນພື້ນຖານໃຫ້ແກ່ການ ຮ່ວມມືໃນໄລຍະ 5 ປີຕໍ່ໜ້າ ແລະ ໄດ້ເຫັນດີໃນການກະກຽມ ດ້ານຕ່າງໆໃຫ້ແກ່ການຈັດກອງ ປະຊຸມສຸດຍອດສະເຫຼີມສະ ຫຼອງການພົວພັນອາຊຽນ+3 ຄົບຮອບ 20 ປີ ໃນເດືອນ ພະຈິກ 2017 ທີ່ຟີລິບປິນ.

ກອງປະຊຸມລັດຖະມົນຕີ ຕ່າງປະເທດອາຊີຕາເວັນອອກ (EAS) ຄັ້ງທີ 7 ໄດ້ສະແດງ ຄວາມຍິນດີຕໍ່ຄວາມຄືບໜ້າ ໃນການຈັດຕັ້ງປະຕິບັດບັນດາ ກິດຈະກຳຕ່າງໆ ພາຍໃຕ້ 6 ຂົງເຂດບຸລິມະສິດຂອງ EAS ໃນໄລຍະ 1 ປີ ຜ່ານມາເຊັ່ນ: ການເງິນ, ພະລັງງານ ແລະ ສິ່ງ ແວດລ້ອມ, ການສຶກສາ, ບັນ ຫາສຸຂະພາບ ແລະ ພະຍາດ ລະບາດ, ການຄຸ້ມຄອງໄພພິບັດ ແລະ ການເຊື່ອມຈອດອາຊຽນ. ກອງປະຊຸມໄດ້ເຫັນດີຈະຊຸກຍູ້ ໃຫ້ເຈົ້າໜ້າທີ່ກ່ຽວຂ້ອງເພີ່ມ ທະວີການຮ່ວມມື ແລະ ປະ ສານງານ ເພື່ອຈັດຕັ້ງປະຕິບັດ ບັນດາຂົງເຂດບຸລິມະສິດ ດັ່ງ ກ່າວໃຫ້ມີປະສິດທິຜົນຫຼາຍ ຂຶ້ນ. ພ້ອມນັ້ນ, ບັນດາລັດຖະ ມົນຕີຕ່າງປະເທດ EAS ກໍໄດ້ ຢ້ຳຄືນຄວາມສຳຄັນຂອງ EAS ໃນການເປັນເວທີປຶກສາຫາລື ຂອງຜູ້ນຳ (Leaders-led Forum) ກ່ຽວກັບບັນຫາຍຸດ ທະສາດ, ການເມືອງ ແລະ ເສດຖະກິດ ເພື່ອແນໃສ່ສົ່ງເສີມ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນຮ່ວມມື ເພື່ອຮັບມືກັບ ສິ່ງທ້າທາຍຕ່າງໆຢູ່ໃນພາກ ພື້ນ ແລະ ໃນໂລກ.

ນອກນັ້ນ, ກອງປະຊຸມຍັງແລກປ່ຽນຄວາມ ຄິດເຫັນກ່ຽວກັບບັນຫາພາກ ພື້ນ ແລະ ສາກົນທີ່ພົ້ນເດັ່ນ ເປັນຕົ້ນແມ່ນບັນຫາການກໍ່ ການຮ້າຍ ແລະ ລັດທິຫົວຮຸນ ແຮງຢູ່ຕາເວັນອອກກາງ, ບັນຫາ ອາຊະຍາກຳຂ້າມຊາດ, ການປ່ຽນ ແປງດິນຟ້າອາກາດ, ໄພພິບັດ ທຳມະຊາດ, ໂຣກລະບາດ ແລະ ບັນຫາອື່ນໆທີ່ມີຄວາມສົນໃຈ ແລະ ເປັນຫ່ວງຮ່ວມກັນ. ໃນກອງປະຊຸມເວທີພາກ ພື້ນອາຊຽນ (ARF) ຄັ້ງທີ 24, ຄະນະຜູ້ແທນໄດ້ແລກປ່ຽນ ຄວາມຄິດເຫັນຢ່າງກົງໄປກົງ ມາກ່ຽວກັບສະພາບການໃນ ພາກພື້ນ ແລະ ສາກົນທີ່ພວມ ຜັນແປ, ເຕັມໄປດ້ວຍຄວາມ ສ່ຽງ ແລະ ບໍ່ສາມາດຄາດເດົາ ໄດ້ ໂດຍສະເພາະແມ່ນບັນຫາ ການກໍ່ການຮ້າຍ, ລັດທິຫົວຮຸນ ແຮງການຄ້າມະນຸດ, ບັນຫາຢາ ເສບຕິດ, ການປ່ຽນແປງດິນຟ້າ ອາກາດ, ສະພາບການຢູ່ຕາ ເວັນອອກກາງ ແລະ ສະພາບ ການຄວາມເຄັ່ງຕຶງຢູ່ແຫຼມເກົາ ຫຼີ.

ກອງປະຊຸມໄດ້ຮັບຮອງ ເອົາບັນດາກິດຈະກຳຂອງ ARF ທີ່ຈະຈັດຕັ້ງປະຕິບັດໃນ ສົກປີ 2017-2018, ຖະແຫຼງ ການ ARF ວ່າດ້ວຍການແກ້ ໄຂ ແລະ ສະກັດກັ້ນບັນຫາຢາ ເສບຕິດ ແລະ ຖະແຫຼງການ ARF ວ່າດ້ວຍການຮ່ວມມື ເພື່ອປ້ອງກັນ, ສະກັດກັ້ນ ແລະ ກຳຈັດ ການຫາປາທີ່ຜິດກົດ ໝາຍ, ບໍ່ມີການລາຍງານ ແລະ ບໍ່ມີການຄຸ້ມຄອງ. ພ້ອມນັ້ນ, ກອງປະຊຸມຍັງໄດ້ຢ້ຳຄືນເຖິງ ຄວາມສຳຄັນຂອງຫຼັກການ ໃນການປຶກສາຫາລື ແລະ ຖື ເອົາການຕົກລົງດ້ວຍຄວາມ ເປັນເອກະສັນ ແລະ ຫຼັກການ ການດຳເນີນໄປໃນຈັງຫວະທີ່ ທຸກຝ່າຍມີຄວາມສະບາຍໃຈ ສຳລັບການຮ່ວມມືໃນຂອບເວທີ ພາກພື້ນອາຊຽນໃນອະນາຄົດ.
ກອງປະຊຸມລັດຖະມົນຕີຕ່າງປະເທດອາຊຽນ+3 ແລະ ກອງປະຊຸມທີ່ກ່ຽວຂອງຫາລືຫຼາຍບັນຫາ Reviewed by makarow on 5:23:00 AM Rating: 5

Contact Form

Name

Email *

Message *

Powered by Blogger.