ຂ່າວດ່ວນ

ຂ່າວອື່ນໆ

random

ແຂວງບໍ່ແກ້ວ ອະນຸຍາດໃຫ້ນັກທຸລະກິດຈີນ ສຳປະທານສົ້ນຂົວມິດຕະພາບແຫ່ງທີ 4 ແລ້ວ


ພິທີເຊັນບົດບັນທຶກວ່າດ້ວຍການສໍາປະທານໂຄງການພັດທະນາຕົວເມືອງໃໝ່ຫ້ວຍຊາຍ ແລະ ພັດທະນາເຂດການຄ້າ, ການທ່ອງທ່ຽວຢູ່ບໍລິເວນສົ້ນຂົວມິດຕະພາບ 4 ເມືອງຫ້ວຍຊາຍ ແຂວງບໍ່ແກ້ວ ໃນເນື້ອທີ 13 ເຮັກຕາ ມູນຄ່າການລົງທຶນ 100 ລ້ານໂດລາສະຫະລັດ ໃນໄລຍະເວລາ 50 ປີ ຕາງໜ້າອໍານວຍການປົກຄອງແຂວງບໍ່ແກ້ວ ແມ່ນ ທ່ານ ບົວສະຫວາດ ອິນທະວັນ, ຫົວໜ້າພະແນກແຜນການ ແລະ ການລົງທຶນແຂວງ ແລະ ທ່ານ ລານ ຈາເວີຍ ຮອງປະທານກຸ່ມບໍລິສັດພັດທະນາເສດຖະກິດ ສະເພາະບໍ່ເຕັ່ນລາວ ຈໍາກັດ ໂດຍຊ້ອງໜ້າທ່ານ ຄໍາກິ່ງ ເອືອຍມະນີຮັກ ຮອງເຈົ້າແຂວງໆບໍ່ແກ້ວ ແລະ ພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ.

ຈຸດປະສົງ ກໍ່ເພື່ອພັດທະນາເສດຖະກິດຂອງແຂວງແບບຍືນຍົງ ແລະ ນໍາໃຊ້ຊັບພະຍາກອນທໍາມະຊາດທີ່ມີຢູ່ໃຫ້ເກີດຜົນປະໂຫຍດສູງສຸດ ໂດຍສະເພາະແມ່ນການນໍາໃຊ້ຊັບພະຍາກອນ ແລະ ທ່າແຮງຂອງແຂວງເພື່ອພັດທະນາຢູ່ບໍລິເວນສົ້ນຂົວມິດຕະພາບ 4 ຫ້ວຍຊາຍ-ຊຽງຂອງ ເປັນຕົ້ນ: ສ້າງສູນການຄ້າ, ຮ້ານຄ້າປອດພາສີ, ສ້າງສູນຈໍາໜ່າຍສິນຄ້ານໍາເຂົ້າ ແລະ ສົ່ງອອກທົ່ວໄປ, ສ້າງສູນແລກປ່ຽນເງິນຕາ, ສ້າງສວນສາທາລະນະ, ຈຸດທ່ອງທ່ຽວຊົມວິວ, ທ່າເຮືອ, ໂຮງແຮມ ແລະ ຮ້ານອາຫານ, ສ້າງສະຖານີຮັບສົ່ງໂດຍສານສາກົນ ແລະ ສ້າງສາງສິນຄ້າປອດພາສີ. ເຊິ່ງອົງການປົກຄອງແຂວງບໍ່ແກ້ວ ໄດ້ເຊັນບົດບັນທຶກຄວາມເຂົ້າໃຈວ່າດ້ວຍການສຶກສາຄວາມເປັນໄປໄດ້ໂຄງການພັດທະນາດັ່ງກ່າວ ກັບ ກຸ່ມບໍລິສັດພັດທະນາເຂດເສດຖະກິດສະເພາະບໍ່ເຕັ່ນ ລາວຈໍາກັດ.

ຂ່າວ – ພາບ: ມະນິດ
Cr: ຫນັງສືພິມເສດຖະກິດ-ການຄ້າ
ແຂວງບໍ່ແກ້ວ ອະນຸຍາດໃຫ້ນັກທຸລະກິດຈີນ ສຳປະທານສົ້ນຂົວມິດຕະພາບແຫ່ງທີ 4 ແລ້ວ Reviewed by makarow on 4:58:00 PM Rating: 5

Contact Form

Name

Email *

Message *

Powered by Blogger.