ຂ່າວດ່ວນ

ຂ່າວອື່ນໆ

random

ນາຍົກລັດຖະມົນຕີຢ້ຽມຢາມ 4 ແຂວງພາກໃຕ້



    ທ່ານ ທອງລຸນ ສີສຸລິດ ກຳມະການກົມການເມືອງສູນກາງພັກ ນາຍົກລັດຖະມົນຕີ ພ້ອມດ້ວຍ ຄະນະໄດ້ເດີນທາງຢ້ຽມຢາມ 4 ແຂວງພາກໃຕ້ຄື: ແຂວງຈຳປາສັກ, ອັດຕະປື, ເຊກອງ ແລະ ແຂວງ ສາລະວັນ ລະຫວ່າງວັນທີ 19-21 ສິງຫາຜ່ານມານີ້ ເພື່ອຮັບຟັງລາຍງານ ສະພາບການຈັດຕັ້ງປະຕິບັດ ແຜນພັດທະນາເສດຖະກິດ - ສັງຄົມ ຂອງແຂວງໃນໄລຍະ 6 ເດືອນຕົ້ນປີ ແລະ ທິດທາງ ແຜນການຈຸດສຸມໃນ 6 ເດືອນ ທ້າຍປີ. ໃນໂອກາດດັ່ງກ່າວທ່ານ ນາຍົກລັດຖະມົນຕີ ໄດ້ໃຫ້ກຽດ ໂອ້ລົມຕໍ່ພະນັກງານການນຳ ຕະຫຼອດຮອດບັນດາພະນັກ ງານຫຼັກແຫຼ່ງຂອງແຂວງທີ່ ໄດ້ເຂົ້າຮ່ວມຮັບຟັງການໂອ້ ລົມໃນຄັ້ງນີ້ ໂດຍທ່ານໄດ້ເນັ້ນ ໜັກຊີ້ນຳກ່ຽວກັບການຈັດຕັ້ງ ປະຕິບັດແຜນພັດທະນາເສດ ຖະກິດ-ສັງຄົມ ໃນ 6 ເດືອນ ທ້າຍປີ ເປັນຕົ້ນແມ່ນການເກັບ ລາຍຮັບງົບປະມານ-ການຄຸ້ມ ຄອງລາຍຈ່າຍ-ອັດການຮົ່ວ ໄຫຼບໍ່ໃຫ້ງົບປະມານຕົກເຮ່ຍ ເສຍຫາຍ ໃຫ້ໄປຕາມແຜນ ການ, ການເບີກຈ່າຍເງິນເດືອນ ໃຫ້ແກ່ພະນັກງານລັດຖະກອນ ກໍໃຫ້ທັນກັບກຳນົດເວລາ ແລະ ເປັນປົກກະຕິ, ຄົ້ນຄວ້ານຳໃຊ້ ທ່າແຮງບົ່ມຊ້ອນຂອງທ້ອງຖິ່ນ ທີ່ມີຢູ່ເພື່ອຊຸກຍູ້ໃຫ້ປະຊາຊົນ ທຳການຜະລິດ ແກ້ໄຂຊີວິດ ການເປັນຢູ່ກໍຄືແກ້ໄຂຄວາມ ທຸກຍາກຂອງປະຊາຊົນ ໃຫ້ ຄ່ອຍໆໝົດໄປ, ເອົາໃຈໃສ່ດຶງ ດູດການລົງທຶນຈາກຕ່າງປະ ເທດ ເພື່ອເຂົ້າມາລົງທຶນໃນ ດ້ານຕ່າງໆ ໃຫ້ຫຼາຍຂຶ້ນ ແລະ ສ້າງສີມືແຮງງານໃຫ້ມີຄຸນນະ ພາບ ແລະ ທຽບເທົ່າກັບສາ ກົນ, ລົງໃກ້ຊິດຕິດແທດກັບ ຮາກຖານພໍ່ແມ່ປະຊາຊົນປະຕິ ບັດຕາມທິດ 3 ສ້າງ. ທ່ານນາຍົກຍັງເນັ້ນຕື່ມ ວ່າ: ໃຫ້ສືບຕໍ່ຮັກສາ ແລະ ເສີມ ຂະຫຍາຍມູນເຊື່ອປະຕິວັດ, ຄວາມເສຍສະຫຼະ ແລະ ຄວາມ ພິລະອາດຫານ, ຄວາມສາມັກ ຄີອັນແໜ້ນແກ່ນ ແລະ ການປະ ກອບສ່ວນຂອງປະຊາຊົນພາຍ ໃນແຂວງ ເຂົ້າໃນພາລະກິດປະ ຕິວັດ ກໍຄືພາລະກິດປົກປັກຮັກ ສາ ແລະ ສ້າງສາພັດທະນາ ປະເທດຊາດ, ເອົາໃຈໃສ່ວຽກ ງານປັບປຸງກໍ່ສ້າງພັກໃຫ້ໜັກ ແໜ້ນເຂັ້ມແຂງຄະນະພັກ-ຄະນະນຳ, ພະນັກງານສະມາ ຊິກພັກ ຕ້ອງເປັນຫຼັກແຫຼ່ງ, ເປັນແບບຢ່າງນຳໜ້າຮອບ ດ້ານບໍ່ວ່າຈະແມ່ນດ້ານຄວາມ ສາມັກຄີເປັນຈິດໜຶ່ງໃຈດຽວ, ການຕັດສິນໃຈກ້າຄິດ, ກ້າເຮັດ ແລະ ກ້າຮັບຜິດຊອບ,ດ້ານ ແບບແຜນວິທີເຮັດວຽກ, ດ້ານການປະຕິບັດຫຼັກການ ລວມສູນປະຊາທິປະໄຕ, ມີ ຄວາມໂປ່ງໃສ ແລະ ອື່ນໆ, ເອົາ ໃຈໃສ່ວຽກງານສ້າງພະນັກ ງານ ຊຶ່ງຍາມໃດລັດຖະບານກໍ ໃຫ້ຄວາມສຳຄັນ ຕໍ່ການພັດທະ ນາຊັບພະຍາກອນມະນຸດບົດ ຮຽນຂອງສາກົນທີ່ປະສົບຜົນ ສຳເລັດ ບໍ່ວ່າປະເທດໃດ ກໍ ລ້ວນແຕ່ຢັ້ງຢືນວ່າຄົນເປັນປັດ ໃຈຕັດສິນຜົນສຳເລັດຂອງ ການພັດທະນາ, ຄົ້ນຄວ້ານຳ ໃຊ້ ແລະ ເສີມຂະຫຍາຍທ່າ ແຮງບົ່ມຊ້ອນຂອງແຂວງ ໃຫ້ມີປະສິດທິຜົນ ເພື່ອການ ພັດທະນາ, ຕ້ອງຮູ້ວ່າທ່າແຮງ ທາງດ້ານກະສິກຳ, ອຸດສາຫະ ກຳ, ທ່ອງທ່ຽວ, ພູມປັນຍາແຕ່ ລະທ້ອງຖິ່ນມີຫຍັງ, ຈະໝູນໃຊ້ ແລະ ເສີມຂະຫຍາຍແນວໃດ, ຕ້ອງມີແຜນລະອຽດ ຈຶ່ງຈະສາ ມາດເຮັດໄດ້ຢ່າງມີປະສິດທິ ຜົນ, ເປັນເຈົ້າການຊຸກຍູ້ ແລະ ຊ່ວຍເຫຼືອ ພາກທຸລະກິດ, ຜູ້ ປະກອບການ ແລະ ຜູ້ເຮັດການ ຜະລິດ ເພື່ອໃຫ້ສາມາດເຄື່ອນ ໄຫວທຸລະກິດ ຢ່າງມີປະສິດທິ ຜົນ, ສ້າງສະພາບແວດລ້ອມ ແລະ ເງື່ອນໄຂ ເພື່ອຍາດແຍ່ງ ເອົາການລົງທຶນ ທັງພາຍໃນ ແລະ ຕ່າງປະເທດ ຊຸກຍູ້ໃຫ້ປະ ຊາຊົນ, ຜູ້ປະກອບການ ແລະ ຜູ້ເຮັດການຜະລິດຈາກພາຍ ໃນ ແລະ ຕ່າງປະເທດເຮັດ ແທ້ທຳຈິງ, ຫັນລົງກໍ່ສ້າງຮາກ ຖານການເມືອງໃຫ້ໜັກແໜ້ນ, ນຳພາປະຊາຊົນ ຮູ້ເຮັດການ ຜະລິດເປັນສິນຄ້າ ແລະ ສ້າງ ເປັນຄອບຄົວຕົວແບບ, ສືບຕໍ່ ສູ້ຊົນປະຕິບັດແຜນພັດທະ ນາເສດຖະກິດ-ສັງຄົມ ປີ2017 ໃຫ້ໄປຕາມແຜນການ ແລະ ຈັດເກັບລາຍຮັບໃຫ້ໄດ້ຕາມ ຄາດໝາຍ (ເກີນແຜນຍິ່ງດີ) ສືບຕໍ່ເອົາໃຈໃສ່ປະຕິບັດຄຳສັ່ງ ເລກທີ 15/ນຍ ຢ່າງເຄັ່ງຄັດ, ເດັດຂາດບໍ່ໃຫ້ມີການລັກ ລອບ ແລະ ຝ່າຝືນ.

ພ້ອມທັງ ໃຊ້ມາດຕະການເດັດຂາດຕໍ່ຜູ້ ທີ່ລະເມີດ, ເອົາໃຈໃສ່ການຄຸ້ມ ຄອງນຳໃຊ້ງົບປະມານໃຫ້ຖືກ ເປົ້າໝາຍ ແລະ ມີປະສິດທິຜົນ, ປະຢັດມັດທະຍັດຕາມຄຳສັ່ງ 09/ນຍ ວ່າດ້ວຍການປະຢັດ ລາຍຈ່າຍງົບປະມານຂອງລັດ, ເອົາໃຈໃສ່ປະຕິບັດນະໂຍບາຍ ຕໍ່ພະນັກງານອາວຸໂສບຳນານ, ທະຫານ, ຕຳຫຼວດ ແລະ ພະ ນັກງານລັດຖະກອນຜູ້ທີ່ມີຄຸນ ງາມຄວາມດີໃຫ້ແທດເຖິງ ໂດຍສະເພາະແມ່ນການເບີກ ຈ່າຍເງິນເດືອນໃຫ້ໄດ້ທຸກ ເດືອນ ແລະ ທ່ວງທັນເວລາ, ຂໍໃຫ້ພະນັກງານ, ທະຫານ-ຕຳຫຼວດ, ຈົ່ງພ້ອມພາກັນສືບ ຕໍ່ປະຕິບັດໜ້າທີ່ເປັນແຂນ ຂວາຂອງພັກ - ລັດ, ຕັ້ງໜ້າ ປະກອບສ່ວນເຂົ້າໃນການສ້າງ ສາພັດທະນາປະເທດຊາດ ແລະ ເປັນເຈົ້າການສະກັດກັ້ນ ປະກົດການຫຍໍ້ທໍ້ຕ່າງໆໃນ ສັງຄົມ. ນອກຈາກນັ້ນ ກໍຍັງໄດ້ ໄປຢ້ຽມຢາມພື້ນຖານການຜະ ລິດຈຳນວນໜຶ່ງ ຂອງແຂວງ ແລະ ຖືໂອກາດຢ້ຽມຢາມກອງ ພົນທີ່ 5 ທີ່ຕັ້ງຢູ່ແຂວງຈຳປາ ສັກ ເພື່ອຢື້ຢາມຖາມຂ່າວ,ຖາມ ຄວາມທຸກ-ສຸກ ແລະ ຊີວິດ ການເປັນຢູ່ຂອງບັນດານາຍ ແລະ ພົນທະຫານ, ພ້ອມນັ້ນ ກໍຍັງໄດ້ໃຫ້ກຽດໂອ້ລົມຕໍ່ຄະ ນະພັກ - ຄະນະບັນຊາ ຂອງ ກອງພົນທີ 5 ອີກດ້ວຍ.
ນາຍົກລັດຖະມົນຕີຢ້ຽມຢາມ 4 ແຂວງພາກໃຕ້ Reviewed by makarow on 4:33:00 AM Rating: 5

Contact Form

Name

Email *

Message *

Powered by Blogger.