ຂ່າວດ່ວນ

ຂ່າວອື່ນໆ

random

ຕົວເລກຜົນເສຍຫາຍຈາກພາຍຸຊົງກາ 50 ກວ່າຕື້ກີບ


   ຕົວເລກຄວາມເສຍຫາຍ ຈາກ ພາຍຸ ຊົງກາ ພັດຜ່ານເຂົ້າປະເທດລາວ ໃນໄລຍະ ທ້າຍເດືອນກໍລະກົດ ຫາຕົ້ນເດືອນ ສິງຫາ 2017 ມີປະຊາຊົນ ໄດ້ຮັບຜົນກະທົບ ຈຳນວນ 53 ເມືອງ, 860 ບ້ານ 49,000 ຄອບຄົວ.
   ອີງຕາມບົດລາຍງານຂອງທ່ານ ຄຳແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະ ຫວັດດີການສັງຄົມ ຕໍ່ກອງປະຊຸມ ລັດຖະບານ ສະໄໝສາມັນ ປະຈຳເດືອນສິງຫາ ໃຫ້ຮູ້ວ່າ: ໃນໄລຍະທ້າຍເດືອນ ກໍລະກົດ ຫາຕົ້ນເດືອນ ສິງຫາ 2017ນີ້, ໄດ້ມີລົມພາຍຸງ ຊົງກາ ພັດຜ່ານປະເທດລາວ ສົມທົບກັບຄວາມກົດດັນອາກາດ ຕໍ່າທີ່ປົກຄຸມທົ່ວປະເທດ ເຮັດໃຫ້ເກີດມີຝົນຕົກໜັກຕິດຕໍ່ກັນຫຼາຍມື້ເປັນຜົນເຮັດໃຫ້ເກີດນໍ້າໄຫລຊຸແຮງ, ນໍ້າຖ້ວມ ແລະ ດິນເຈື່ອນ ໂດຍສະເພາະແມ່ນ 14 ແຂວງ ຄື: ຜົ້ງສາລີ, ຫົວພັນ, ຫຼວງນໍ້າທາ, ຊຽງຂວາງ, ອຸດົມໄຊ, ໄຊຍະບູລີ, ວຽງຈັນ, ບໍລິຄຳໄຊ, ຄໍາມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະ ອັດຕະປື ໂດຍຂໍ້ມູນເບື້ອງຕົ້ນ ມີປະຊາຊົນໄດ້ຮັບຜົນກະ ທົບ ຈຳນວນ 53 ເມືອງ, 860 ບ້ານ ມີ 49,000 ຄອບຄົວ ລວມ 254,971 ຄົນ ຍິງ 104,740 ຄົນ, ມີຜູ້ເສຍຊີວິດ 10 ຄົນ, ໃນນີ້ຢູ່ແຂວງໄຊຍະບູລີ 2 ຄົນ, ແຂວງອຸດົມໄຊ 1 ຄົນ, ແຂວງວຽງຈັນ 1 ຄົນ ແລະ ແຂວງຜົ້ງສາລີ 6 ຄົນ ສັງລວມຄວາມເສຍຫາຍ ປະມານ 55.5 ຕື້ກີບ.
  ຜົນກະທົບສ່ວນໃຫຍ່ແມ່ນ ຕໍ່ກັບພື້ນຖານໂຄງລ່າງ ດ້ານກະສິກຳ , ການຄົມມະນາຄົມຂົນສົ່ງ, ໂຮງຮຽນ, ວັດ, ສຸກສາລາ, ລະບົບນໍ້າປະປາ, ໄຟຟ້າ, ທີ່ຢູ່ອາໄສ ແລະ ອື່ນໆ.

   ໃນນັ້ນ ເນື້ອທີ່ນາເສຍຫາຍ 37,831 ເຮັກຕາ, ນາເສຍຫາຍຟື້ນຟູບໍ່ໄດ້ 42 ເຮັກຕາ, ສວນມັນ ຕົ້ນ, ສາລີ ແລະ ໝາກເຜັດ 1,261 ເຮັກຕາ, ເລົ້າເຂົ້າເສຍຫາຍ 2 ເລົ້າ, ເຂົ້າເປືອກເສຍຫາຍ 7,350 ກີໂລ, ສັດລ້ຽງປະເພດງົວ – ຄວາຍ, ໝູ, ແບ້ ແລະ ສັດປີກ 23,507 ໂຕ, ໜອງປາ 958 ໜອງ ແລະ ຊົນລະປະທານ 26 ແຫ່ງ. ເຮືອນປະຊາຊົນເສຍຫາຍໝົດຫຼັງມີ 149 ຫຼັງ, ເສຍຫາຍບາງສ່ວນ 19 ຫຼັງ, ມີວັດ 7 ແຫ່ງເປັນຫ້ອງການບ້ານ 1 ແຫ່ງ, ຂົວເສຍຫາຍ 30 ຈຸດ ເສັ້ນທາງຂາດ 1 ຈຸດ, ທາງເພ 24 ເສັ້ນ (ຍາວ 73.4 ກິໂລແມັດ), ຕາຝັ່ງເຈື່ອນ 5 ຈຸດ ແລະ ທໍ່ສົ່ງນໍ້າປະປາ 3 ແຫ່ງ ໂຮງຮຽນເປ່ເພເສຍຫາຍ 12 ຫຼັງ, ສຸກ ສາລາເປ່ເພ 3 ແຫ່ງ ແລະ ນໍ້າບາດານ 20 ແຫ່ງ.
ຕົວເລກຜົນເສຍຫາຍຈາກພາຍຸຊົງກາ 50 ກວ່າຕື້ກີບ Reviewed by makarow on 5:28:00 AM Rating: 5

Contact Form

Name

Email *

Message *

Powered by Blogger.