ຂ່າວດ່ວນ

ຂ່າວອື່ນໆ

random

6 ເດືອນຕົ້ນປີ ຟຟລ ຜະລິດໄຟຟ້າໄດ້ 157,12 ລ້ານກິໂລວັດໂມງ



6 ເດືອນຕົ້ນປີ ຟຟລ ຜະລິດໄຟຟ້າໄດ້ 157,12 ລ້ານກິໂລວັດໂມງ ລັດ​ວິ​ສາ​ຫະ​ກິດ​ໄຟຟ້າ​ລາວ (​ຟຟລ) ໄດ້​ເອົາໃຈໃສ່​ຢ່າງ​ຕັ້ງໜ້າ ເຂົ້າ​ໃນ​ການ​ຜະລິດ ແລະ ຊື້​ກະແສ​ໄຟຟ້າ ທັງ​ພາຍ​ໃນ-ຕ່າງ​ປະເທດ ເພື່ອ​ຕອບ​ສະໜອງ​ຄວາມຮຽກຮ້ອງ​ຕ້ອງການ​ຊົມໃຊ້​ຂອງສັງຄົມ ເຊິ່ງ 6 ເດືອນ​ຕົ້ນ​ປີ 2017 ​ຟຟລ ໄດ້​ຊື້​ພະລັງງານ​ໄຟຟ້າທັງໝົດ ກວມ​ເອົາ 3.516,33 ລ້ານກິ​ໂລ​ວັດ​ໂມງ ເປັນ​ເງິນ 1.674,12 ຕື້​ກີບ ທຽບໃສ່​ແຜນການ​ປີ ເທົ່າກັບ 107,11% ໃນ​ນັ້ນ ມີ​ພະລັງງານ​ໄຟຟ້າ​ທີ່​ຜະລິດ​ເອງ 157,12 ລ້ານ​ກິ​ໂລ​ວັດ​ໂມງ ເທົ່າ​ກັບ 150,67% ຂະນະ​ທີ່​ວຽກ​ງານ​ຄຸ້ມຄອງ​ສາຍ​ສົ່ງ ​ຟຟລ ໄດ້​ເປັນ​ເຈົ້າການ​ປັບປຸງ​ລະບົບ​ສາຍ​ສົ່ງ​ທີ່​ມີ​ຢູ່ໃນ​ຂອບ​ເຂດ​ທົ່ວ​ປະເທດ ທັງ​ລະບົບ​ສາຍ​ສົ່ງ​ແຮງ​ສູງ 500 KV ຄວາມ​ຍາວ 167 Km 230 KV ຍາວ 2.024,92 Km ໃນ​ນັ້ນເປັນ​ຂອງ ​ຟຟລ 1.618,92 Km ສາຍ​ສົ່ງ​ແຮງ​ສູງ 115 KV ຍາວ 6.422,16 Km ໃຫ້​ໄດ້​ຮັບ​ມາດຕະ​ຖານ ແລະ ຕອບ​ສະໜອງ​ໄດ້ການ​ພັດທະນາ​ເສດຖະກິດ-ສັງຄົມ​ ຕາມ​ແນວທາງ​ນະໂຍບາຍຂອງ​ຂັ້ນ​ເທິງ​ວາງ​ອອກ.

ກອງ​ປະຊຸມ​ສະຫຼຸບ 6 ເດືອນຕົ້ນ​ປີ ແລະ ແຜນ​ສູ້​ຊົນ 6 ເດືອນທ້າຍ​ປີ 2017 ຂອງ ​ຟຟລ ລະຫວ່າງວັນ​ທີ 24-25 ສິງຫາ 2017 ຢູ່​ທີ່​ສຳນັກງານ​ໃຫຍ່ ​ຟຟລ ໂດຍ​ການ​ເປັນ​ປະທານ​ຂອງ​ທ່ານ ບຸນ​ອູ້ມ ສີ​ວັນເພັງ ຜູ້​ອຳນວຍການ​ໃຫຍ່ ​ຟຟລ ໃຫ້​ກຽດ​ເຂົ້າຮ່ວມ​ມີ​ທ່ານ ຄຳ​ມະນີ ອິນ​ທິ​ລາດ ລັດຖະມົນຕີ​ກະຊວງ​ພະລັງງານ ແລະ ບໍ່​ແຮ່ ພ້ອມ​ດ້ວຍ​ບັນດາ​ສະມາ​ຊິກ​ພັກ-ພະນັກງານ​ພາກສ່ວນ​ກ່ຽວຂ້ອງ.

ໃນ 6 ເດືອນ​ຕົ້ນ​ປີ ​ຟຟລ ສາມາດ​ຈຳໜ່າຍ​ພະລັງງານ​ທັງ​ໝົດ (ພາຍ​ໃນ-ຕ່າງປະເທດ) ໄດ້ 3.076,01 ລ້ານ​ກິ​ໂລ​ວັດ​ໂມງ ເປັນ​ເງິນ 2.014,02 ຕື້​ກີບ ເທົ່າກັບ 97,61% ຂອງ​ແຜນການ​ປີພະລັງງານ​ຕົກເຮ່ຍ​ພາກ​ຈຳໜ່າຍ ລວມ​ລູກ​ຄ້າ​ຂອງ​ລະບົບສົ່ງ 6 ເດືອນ​ຕົ້ນ​ປີ ປະຕິບັດ​ໄດ້ 9,53% ທຽບໃສ່​ປີ 2016 ເພີ່ມຂຶ້ນ 0,32% ວຽກ​ງານຂະຫຍາຍ​ຕາ​ຂ່າຍ​ໄຟຟ້າ​ຢູ່​ຕົວ​ເມືອງ ແລະ ຊົນນະບົດ ປັດຈຸບັນ ທົ່ວ​ປະເທດ​ມີ​ຈຳນວນ​ຄອບຄົວ​ຜູ້​ຊົມໃຊ້ໄຟຟ້າທັງ​ໝົດ 1.090,571 ຄອບຄົວ ຈາກ 1.158,025 ຄອບຄົວ ເທົ່າ​ກັບ 94,18% ທຽບໃສ່​ແຜນການທີ່​ລັດຖະບານ​ວາງ​ໄວ້​ປີ 2020 ຈຳນວນ​ຄົວ​ເຮືອນ​ມີ​ໄຟຟ້າຊົມໃຊ້​ຕ້ອງ​ບັນລຸ​ໃຫ້​ໄດ້ 95% ຄາດ​ວ່າ​ຈະ​ບັນລຸ​ຕາມ​ແຜນການວາງ​ໄວ້ ສຳລັບ​ແຜນການ 6 ເດືອນ​ທ້າຍ​ປີ ​ຟຟລ ຈະ​ສຸມ​ໃສ່​ຄົ້ນຄວ້າ​ແກ້​ໄຂ​ບັນຫາ​ສະພາບ​ໄຟເຫຼືອ​ບໍ່​ພໍ ແລະ ປັບປຸງ​ລະບົບ​ໄຟຟ້າ​ໃຫ້​ມີ​ສະຖຽນ​ລະ​ພາບ​ສູງ​ຂຶ້ນ ແກ້​ໄຂ​ບັນຫາ​ຫຼຸດຜ່ອນ​ພະລັງງານ​ຕົກເຮ່ຍ ສືບຕໍ່​ຄຸ້ມ​ຄອງ​ໂຄງການພັດທະນາ​ເຂື່ອນ ສາຍ​ສົ່ງ ແລະ ສະຖານີ ຄຽງ​ຄູ່​ກັບ​ການ​ແກ້​ໄຂບັນຫາ​ສະພາບ​ຄົນ​ເຫຼືອ​ບໍ່​ພໍ ແລະ ວຽກ​ງານ​ສ້າງ​ແຜນ​ພັດທະນາ​ບຸຄະລາ​ກອນ ແລະ ພະນັກງານສືບ​ທອດ​ຢ່າງ​ເປັນ​ລະບົບ-ຕໍ່​ເນື່ອງ ເປັນຕົ້ນ.
6 ເດືອນຕົ້ນປີ ຟຟລ ຜະລິດໄຟຟ້າໄດ້ 157,12 ລ້ານກິໂລວັດໂມງ Reviewed by makarow on 7:31:00 PM Rating: 5

Contact Form

Name

Email *

Message *

Powered by Blogger.