ຂ່າວດ່ວນ

ຂ່າວອື່ນໆ

random

ສະຫວັນນະເຂດ ແກ້ໄຂລົດເຖື່ອນໄດ້ 649 ຄັນ ຈາກທັງໝົດ 1 ພັນກວ່າຄັນ


 ການລັກລອບຂົນສົ່ງສິນຄ້າໜີເຈົ້າໜ້າທີ່ຕຳຫຼວດ ແລະ ເຈົ້າໜ້າທີ່ພາສີຢູ່ຕາມດ່ານສາກົນ ຍັງເປັນປະເພນີທີ່ແກ້ບໍ່ຕົກ ເນື່ອງຈາກຜູ້ປະກອບການໄດ້ມີຫຼາຍວິທີເພື່ອເອົາຕົວລອດ ແລະ ຫຼີກລຽງການຈ່າຍພາສີໃຫ້ລັດໜ້ອຍ ຫຼື ຈ່າຍບໍ່ເຕັມເມັດເຕັມໜ່ວຍ ຈຶ່ງເກີດມີການສໍ້ໂກງ ແລະ ລັກລອບການນຳເຂົ້າ ໂດຍສະເພາະແມ່ນພານະຮັບໃຊ້.
ສຳລັບແຂວງສະຫວັນນະເຂດກໍ່ເປັນອີກແຂວງໜຶ່ງຂອງລາວທີ່ມີຊາຍແດນຕິດຈອດກັບບັນດາປະເທດເພື່ອນບ້ານ ຊຶ່ງໄດ້ກາຍເປັນເງື່ອນໄຂອັນດີໃນການໄປ-ມາຫາສູ່ ແລະ ຄ້າຂາຍນຳກັນ. ຄຽງຄູ່ກັນນັ້ນ, ກໍ່ມີປາກົດການຫຍໍ້ທໍ້ຫຼາຍຢ່າງ ໂດຍສະເພາະແມ່ນການລັກລອບນຳເຂົ້າສິນຄ້ານອກດ່ານ ໂດຍບໍ່ໄດ້ເສຍພາສີໃດໆ ເປັນຕົ້ນແມ່ນຍານພາຫານະ ຊຶ່ງຜ່ານມາທາງເຈົ້າໜ້າທີ່ກ່ຽວຂ້ອງສາມາດແກ້ໄຂລົດນຳເຂົ້າບໍ່ຖືກຕ້ອງ (ສະເພາະລົດໃຫຍ່) ໄດ້ທັງໝົດແລ້ວ 649 ຄັນ ຈາກຕົວເລກບັນຊີທັງໝົດ 1,296 ຄັນ, ສາມາດເກັບລາຍຮັບເຂົ້າງົບປະມານໄດ້ 24.143 ຕື້ກີບ ແລະ ຍັງມີຈຳນວນລົດຈັກອີກ 3,835 ຄັນ.

ທ່ານ ຄໍາກອງ ພິມມະໂນສັກ ຮອງຫົວໜ້າພະແນກການເງິນແຂວງໃຫ້ຮູ້ວ່າ: ໃນໄລຍະ 6 ເດືອນຜ່ານມາມີຫົວໜ່ວຍທຸລະກິດຈຳນວນ 464 ລາຍບໍ່ເຂົ້າໄປຍື່ນແຈ້ງລາຍຮັບທຸລະກິດ ແລະ ເສຍອາກອນ (ຈຳນວນທັງໝົດ 759 ຫົວໜ່ວຍ, ໃນນີ້ຂໍ້ມູນເກົ່າມີ 699 ຫົວໜ່ວຍ ແລະ ຂໍ້ມູນໃໝ່ 60 ຫົວໜ່ວຍ) ໃນຈຳນວນນັ້ນ ລວມທັງຫົວໜ່ວຍທຸລະກິດທີ່ນອນຢູ່ໃນຂົງເຂດການຜະລິດ (ໂຮງງານປຸງແຕ່ງໄມ້) ມີການລະເມີດກົດໝາຍອາກອນ, ມີບາງຜູ້ປະກອບການບໍ່ໃຫ້ການຮ່ວມມື, ບໍ່ຖືບັນຊີ ຫຼື ຖືແບບເປັນຮູບການບັງໜ້າ, ບໍ່ນຳໃຊ້ໃບເກັບເງິນຕາມທີ່ກົດໝາຍໄດ້ກຳນົດໄວ້ ຫຼື ນຳໃຊ້ໃບຮັບເງິນທີ່ບໍ່ຖືກຕ້ອງ.
ຂະນະທີ່, ການລັກລອບນຳເຂົ້າສິນຄ້ານອກດ່ານໂດຍບໍ່ໄດ້ເສຍພາສີໃດໆທັງສິ້ນ, ເປັນຕົ້ນຜ່ານມາສາມາດແກ້ໄຂລົດນຳເຂົ້າບໍ່ຖືກຕ້ອງ (ສະເພາະລົດໃຫຍ່) ໄດ້ທັງໝົດ 649 ຄັນ ຕາມບັນຊີທັງໝົດ 1,296 ຄັນ, ສາມາດເກັບລາຍຮັບເຂົ້າງົບປະມານໄດ້ 24.143 ຕື້ກີບ ແລະ ຍັງມີຈຳນວນລົດຈັກອີກ 3,835 ຄັນ.
ທີ່ມາ: ເສດຖະກິດ-ສັງຄົມ
ສະຫວັນນະເຂດ ແກ້ໄຂລົດເຖື່ອນໄດ້ 649 ຄັນ ຈາກທັງໝົດ 1 ພັນກວ່າຄັນ Reviewed by phouvieng phonepaserth on 1:58:00 AM Rating: 5

Contact Form

Name

Email *

Message *

Powered by Blogger.