ຂ່າວດ່ວນ

ຂ່າວອື່ນໆ

random

ກອງປະຊຸມຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນໄທ-ລາວ ຈັ່ງຫວັດເລີຍ-ແຂວງ.#ໄຊຍະບູລີ ຄັ້ງທີ 9



  ກອງປະຊຸມດັ່ງກ່າວໄດ້ຈັດຂຶ້ນໃນຕອນເຊົ້າຂອງວັນທີ 23 ສິງຫາ 2017 ທີ່ຫ້ອງປະຊຸມ ໂຮງແຮມເລີຍພາເລດ,ຈັງຫວັດ ເລີຍ, ຣາສະອານາຈັກໄທ; ເຂົ້າຮ່ວມ, ຝ່າຍລາວ ມີທ່ານ ຍັນຍົງສີປະເສີດ ຮອງເຈົ້າແຂວງ ໄຊຍະບູລີ,ພ້ອມດ້ວຍຄະນະ, ຝ່າຍໄທ, ມີທ່ານ ພອນໄຊ ຖົມກະຈ່າງ  ຮອງຜູ້ວ່າລາດສະການ ຈັງຫວັດ ເລີຍ, ພ້ອມດ້ອຍຄະນະ ເຂົ້າຮ່ວມຢ່າງພ້ອມພຽງ.
 ໃນວາລະດຳເນີນກອງປະຊຸມ ທັງສອງຝ່າຍແມ່ນໄດ້ ປຶກສາຫາລືການຈັດຕັ້ງປະຕິບັດການທົບທວນຄືນບົດບັນທຶກກອງປະຊຸມຄັ້ງທີ 8 ທີ່ ແຂວງ ໄຊຍະບູລີ ສປປລາວ ຈົນເຖິງປະຈຸບັນ ເຫັນວ່າ ການຮ່ວມມື  ໄທ-ລາວ,ລາວ-ໄທ ລະຫວ່າງ ຈັ່ງຫວັດເລີຍ-ແຂວງ ໄຊຍະບູລີ ແມ່ນມີຄວາມສະຫງົບຮຽບຮ້ອຍດີຂຶ້ນ, ການໄປ-ມາຫາສູ່ກັນ, ການແລກປ່ຽນ, ຊື້-ຂາຍ, ການທ່ອງທ່ຽວ, ການຮ່ວມມືດ້ານສາທາລະນະສຸກ ແລະ ການ ແລກປ່ຽນວັດທະນະທຳ ຂອງປະຊາຊົນທັງສອງຝ່າຍມີການພັກທະນາເປັນກ້າວໆ, ເມື່ອມີຂໍ້ຂັດແຍ່ງເກີດຂຶ້ນ ທັງສອງຝ່າຍກໍ່ໄດ້ຮ່ວມມືກັນແກ້ໄຂຢ່າງທັນການ,  ການພົວພັນຮ່ວມມືດັ່ງກ່າວ ແມ່ນໄດ້ຮັບການເສີມຂະຫຍາຍ ແລະ ດໍາເນີນມາເປັນປົກກະຕິ; ທັງສອງຝ່າຍໄດ້ມີການແລກປ່ຽນ ຢຽ້ມຢາມຂອງຄະນະຜູ້ແທນລະດັບສູງ; ຕະຫຼອດເຖິງລະດັບທ້ອງຖິ່ນ; ການຮ່ວມມື  ຂອງ ສອງ ແຂວງ  ກໍ່ຄືການປະຕິບັດໜ້າທີ່ຂອງຄະນະກໍາມະການ ຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ເປັນຕົ້ນແມ່ນໄດ້ສຶກສາອົບຮົມພົນລະເມືອງຂອງຕົນ; ເຄົາລົບອະທິປະໄຕຂອງກັນ ແລະ ກັນ; ເຄົາລົບຕໍ່ລະບຽບກົດໝາຍການເຂົ້າ-ອອກເມືອງໄດ້ເປັນຢ່າງດີ, ອັນເຮັດໃຫ້ຊາຍແດນ ຂອງແຂວງໄຊຍະບູລີ-ຈັງເລີຍ ມີຄວາມສະຫງົບໂດຍພື້ນຖານ; ປະຊາຊົນທັງສອງແຂວງໄປ-ມາຄ້າຂາຍໄດ້ສະດວກ, ພ້ອມກັນນັ້ນທັງສອງແຂວງຍັງໄດ້ມີການປະສານແລກປ່ຽນຂອງຄະນະຜູ້ແທນ ໃນງານບຸນປະເພນີຕ່າງໆ; ມີການປະສານງານ ເພື່ອອໍາໂນຍຄວາມສະດວກ ໃຫ້ແກ່ການທ່ອງທ່ຽວ; ການຂົນສົ່ງໂດຍສານ; ການອົບຮົມສີມືແຮງງານ ແລະ ສ້າງເງື່ອນໄຂໃຫ້ອະນຸກໍາມະການປະສານງານຂອງເມືອງ-ອໍາເພີ ໄດ້ພົບປະຫາລືກັນໄດ້ຫຼາຍຂຶ້ນ. ຜ່ານການເຮັດໜ້າທີ່ດັ່ງກ່າວໄດ້ປະກອບສ່ວນອັນສໍາຄັນໃນການເສີມສ້າງສາຍພົວພັນທີ່ດີ, ເຈົ້າໜ້າທີ່ ແລະ ປະຊາຊົນທັງສອງຝ່າຍໄດ້ມີການຮ່ວມມືກັນໃນຫຼາຍດ້ານ, ກິດຈະການທາງການຄ້າຊາຍແດນກໍ່ຄືການລົງທຶນ ແລະ ການທ່ອງທ່ຽວໄດ້ມີການຂະຫຍາຍຕົວ ແລະ ພັດທະນາຢ່າງບໍ່ຢຸດຢັ້ງ.
ກອງປະຊຸມທັງສອງຝ່າຍຍັງໄດ້ຜ່ານຮ່າງບົດບັນທຶກກອງປະຊຸມຄະນະກຳມະການຮ່ວມມື ຮັກສາຄວາມສະຫງົບຮຽບຮ້ອຍຕາມຊາມແດນລາວ-ໄທ, ແຂວງ ໄຊຍະບູລີ-ຈັ່ງ ຫວັດ ເລີຍ ຄັ້ງທີ 9  ແລະ ໄດ້ ປະກອບຄໍາຄິດຄໍາເຫັນໃສ່ຮ່າງບົດບັນທຶກດັ່ງກ່າວ, ເພື່ອເຮັດໃຫ້ເນື້ອໃນຂອງບົດບັນທຶກ ມີເນື້ອຄວາມສົມບູນ ແລະ ຄົບຖ້ວນ ຂອງທັງສອງຝ່າຍ.
ກອງປະຊຸມຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນໄທ-ລາວ ຈັ່ງຫວັດເລີຍ-ແຂວງ.#ໄຊຍະບູລີ ຄັ້ງທີ 9 Reviewed by makarow on 5:05:00 PM Rating: 5

Contact Form

Name

Email *

Message *

Powered by Blogger.