ຂ່າວດ່ວນ

ຂ່າວອື່ນໆ

random

ຕັດສິນປະຫານຊີວິດ ຜູ້ຄ້າຢາເສບຕິດ



     ຄະນະສານອາຍາ ສານປະຊາຊົນ ແຂວງບໍ່ແກ້ວ ຕັດສິນປະຫານຊີວິດ ຈໍາເລີຍຄະດີ ຢາເສບຕິດ 2 ເລື່ອງ ມີຈໍາເລີຍ 2 ຄົນ ຄື: ທ້າວ ໄມ້ຈັນດີ ອາຍຸ 27 ປີ ຢູ່ບ້ານຊຽງກົກໃໝ່ ເມືອລວອງ ແຂວງຫຼວງນໍ້າທາ ກັກຕົວ ໃນວັນທີ 21 ກັນຍາ 2016 ຂອງກາງຢາບ້າ 100 ມັດ ເທົ່າກັບ 20.000 ເມັດ ແລະ ຄະດີທີ 2 ຈໍາເລີຍຊື່ ທ້າວ  ໃຈໂຟ ອາຍຸ 23 ປີ ຢູ່ບ້ານຫ້ວຍ ແມງ ເມືອງປາກທາ ແຂວງບໍ່ແກ້ວ ຖືກກັກຕົວໃນວັນທີ 9 ກັນຍາ 2016 ພ້ອມຂອງກາງ ເຮໂຣອີນ 6 ແທ່ງ.

     ຄະດີທີ 1: ວັນທີ 19 ກັນຍາ 2016, ທ້າວ ໄມຈັນດີ ໄດ້ຕິດຕໍ່ພົວພັນ ກັບຄົນປະເທດເພື່ອນບ້ານ ກ່ຽວກັບການຂົ່ນສົ່ງຢາເສບຕິດ ປະເພດຢາ ບ້າ ຈໍານວນ 100 ມັດ ເທົ່າກັບ 20.000 ເມັດ ຈາກບ້ານຫຼວງສິງໃຈ ເມືອງຕົ້ນເຜິ້ງ ຫາ ເມືອງຫ້ວຍຊາຍ ແຂວງບໍ່ແກ້ວ ເຊິ່ງໄດ້ຕົກລົງ ລາຄາຂົນສົ່ງ ໃນລາຄາ 50.000 ບາດ. ມາຮອດວັນທີ 21 ກັນຍາ 2016 ຈໍາເລີຍໄດ້ອອກຈາກບ້ານຊຽງກົກ ເມືອງລອງ ແຂວງຫຼວງນ້ຳທາ ມາ ແຂວງບໍ່ແກ້ວ ກໍໄດ້ຖືກເຈົ້າໜ້າທີ່ ປກສ ກັກຕົວໄດ້ພ້ອມຂອງກາງ ໄປດໍາເນີນຄະດີ.

     ຄະດີທີ 2: ໃນວັນທີ 8 ກັນຍາ 2016, ທ້າວ ໃຈໂຟ ໄດ້ຮັບສົ່ງຢາເສບ ຕິດ ປະເພດເຮໂຣອິນ ຈໍານວນ 6 ແທ່ງ ໂດຍໄດ້ຄ່າຈ້າງ 30.000 ບາດ. ມາຮອດວັນທີ 9 ກັນຍາ 2016 ເວລາປະມານ 6:00 ໂມງ ຈໍາເລີຍໄດ້ ມາຮັບເອົາເຮໂຣອິນ 6 ແທ່ງ ຕາມທີ່ໄດ້ນັດໝາຍ. ຈາກນັ້ນ, ຈໍາເລີຍ ໄດ້ຂີ່ລົດຈັກເວບ ເພື່ອຈະໄປສົ່ງຢູ່ຕາມຈຸດນັດໝາຍ ພໍໄປຮອດຈຸດກວດ ກາບ້ານດອນ ເມືອງຫ້ວຍຊາຍ ເຈົ້າໜ້າທີ່ ປກສ ໄດ້ເຂົ້າກວດລົດຈັກ ພົບເຫັນເຮໂຣອິນ ຈໍານວນດັ່ງກ່າວໃນກະເປົ່າຂອງຈໍາເລີຍ ຈຶ່ງໄດ້ກັກ ຕົວໄປດໍາເນີນຄະດີຕາມກົດໝາຍ.

     ຜ່ານການຄົ້ນຄວ້າພິຈາລະນາບັນດາຫຼັກຖານເອກະສານຕ່າງໆ ທີ່ປະ ກອບນໍາສໍານວນຄະດີ ແລະ ບວກກັບຄໍາໃຫ້ການຂອງຈໍາເລີຍ ທັງ 2 ເຫັນວ່າ: ມີການກະທໍາຜິດຄົບ 4 ອົງປະກອບຂອງການກະທໍາຜິດ ດ້ວຍ ເຫດນີ້, ຈຶ່ງໄດ້ຕັດສິນລົງໂທດປະຫານຊີວິດ ຈໍາເລີຍທັງ 2 ໃນສະຖານ ຂົນສົ່ງຢາເສບຕິດ ຕາມມາດຕາ 146 ຂໍ້ 2 ວັກ 3 ຂອງກົດໝາຍອາຍາ.
ຂ່າວ: ຫນັງສືພິມຄວາມສະຫງົບ
ຕັດສິນປະຫານຊີວິດ ຜູ້ຄ້າຢາເສບຕິດ Reviewed by makarow on 1:36:00 AM Rating: 5

Contact Form

Name

Email *

Message *

Powered by Blogger.