ຂ່າວດ່ວນ

ຂ່າວອື່ນໆ

random

ລາວ-ອົດສະຕຣາລີ ຮັດແໜ້ນຮ່ວມມືວຽກປ້ອງກັນຊາດ



ລາວ-ອົດສະຕຣາລີ ຮັດແໜ້ນຮ່ວມມືວຽກປ້ອງກັນຊາດ ວັນ​ທີ 24 ສິງຫາ 2017 ທ່ານ​ນາງ ມາ​ລິສ ເພນ ລັດ​ຖະມົນຕີ​ກະຊວງ​ປ້ອງ​ກັນ​ປະເທດ​ອົດສະ​ຕຣາ​ລີ ພ້ອມ​ດ້ວຍ​ຄະນະ ໄດ້ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່ ​ສປປ ລາວ ເພື່ອ​ຮັດແໜ້ນ​ສາຍ​ພົວພັນ​ຮ່ວມ​ມື​ສອງຝ່າຍ ​ໃຫ້​ນັບ​ມື້​ເຕີບ​ໃຫຍ່​ຂະຫຍາຍຕົວ​ຍິ່ງ​ຂຶ້ນ ພິທີ​ຕ້ອນຮັບ​ຈັດ​ຂຶ້ນທີ່​ກະຊວງ​ປ້ອງ​ກັນ​ປະເທດ ມີທ່ານ ພົນ​ໂທ ຈັນ​ສະໝອນ ຈັນຍາ​ລາດ ລັດຖະມົນຕີ​ກະຊວງປ້ອງ​ກັນ​ປະເທດ ພ້ອມ​ຄະນະ​ໃຫ້ການ​ຕ້ອນຮັບ​ອັນ​ອົບ​ອຸ່ນ.

ພາຍຫຼັງ​ສຳເລັດ​ການ​ເດີນກວດ​ແຖວ​ກຽດຕິຍົດ​ຂອງ​ກຳລັງປ້ອງ​ກັນ​ປະເທດ ທ່ານ​ລັດ​ຖະ​ມົນຕີ​ກະຊວງ​ປ້ອງ​ກັນ​ປະເທດ​ອົດ​ສະຕຣາ​ລີ ໄດ້​ຮ່ວມ​ພົບ​ປະ​ກັບ​ທ່ານ ພົນ​ໂທ ຈັນ​ສະໝອນ ຈັນ​ຍາ​ລາດ ໂດຍ​ສອງ​ຝ່າຍ​ໄດ້​ແຈ້ງ​ໃຫ້​ຊາບກ່ຽວ​ກັບ​ສະພາບ​ພົ້ນ​ເດັ່ນ ການພັດທະນາ​ເສດຖະກິດ-ສັງຄົມ ໃນຊຸມ​ປີຜ່ານມາ ແລະ ປຶກສາ​ຫາລືການ​ຮ່ວມ​ມື​ວຽກ​ງານ​ຕໍ່ໜ້າ ໂດຍສະເພາະ​ແມ່ນ ການ​ຮ່ວມ​ມື​ໃນຂົງເຂດ​ວຽກ​ງານ​ກຳລັງ​ປ້ອງ​ກັນຊາດ​ຂອງ​ສອງ​ປະເທດ ລາວ-ອົດ​ສະ​ຕຣາ​ລີ ເຊິ່ງ​ຜ່ານ​ມາ​ສອງຝ່າຍ​ໄດ້​ມີ​ການ​ຊ່ວຍເຫຼືອ ແລະ ສະໜັບສະໜູນ​ເຊິ່ງ​ກັນ ແລະ ກັນ ໃນ​ເວທີ​ພາກ​ພື້ນ-ສາກົນ​ເປັນ​ປົກກະຕິ ກຳລັງ​ປ້ອງ​ກັນ​ປະເທດ ລາວ-ອົດ​ສະ​ຕຣາ​ລີ ໄດ້​ມີ​ການແລກປ່ຽນ​ຖອດ​ຖອນ​ບົດຮຽນ​ກັນຢ່າງ​ເລິກເຊິ່ງ ອັນ​ເຮັດ​ໃຫ້​ຂົງເຂດວຽກ​ງານ​ປ້ອງ​ກັນ​ຊາດ​ທັງ​ສອງ​ມີຄວາມ​ໜັກ​ແໜ້ນ ແລະ ເຕີບໃຫຍ່​ເຂັ້ມແຂງ​ຕາມ​ລຳດັບ ສອດຄ່ອງ​ກັບ​ແນວທາງ​ນະໂຍບາຍຂອງ​ລັດຖະບານ​ສອງ​ປະເທດ ທີ່ຕ້ອງການ​ເພີ່ມ​ທະວີ​ຂີດ​ຄວາມ​ສາມາດ ກໍ່​ຄືການ​ຍົກ​ລະດັບ​ຄວາມເຂັ້ມແຂງ​ວຽກ​ງານ​ປ້ອງ​ກັນ​ປະເທດ ແລະ ເສີມ​ສ້າງ​ສັນຕິພາບຄວາມ​ສະຫງົບ​ສຸກ ປະກອບສ່ວນສ້າງ​ຄວາມ​ໝັ້ນຄົງ​ພາຍ​ໃນ​ພາກພື້ນ ແລະ ທົ່ວ​ໂລກ.

ຫນັງສືພິມວຽງຈັນໃຫ່ມ:
ລາວ-ອົດສະຕຣາລີ ຮັດແໜ້ນຮ່ວມມືວຽກປ້ອງກັນຊາດ Reviewed by makarow on 7:15:00 PM Rating: 5

Contact Form

Name

Email *

Message *

Powered by Blogger.