ຂ່າວດ່ວນ

ຂ່າວອື່ນໆ

random

ລັດຖະມົນຕີຕ່າງປະເທດ ຢ້ຽມຢາມ ສ.ເກົາຫຼີຢ່າງເປັນທາງການ



    ໂດຍຕອບສະໜອງຕາມ ຄຳເຊີນຂອງທ່ານ ນາງ ຄັງ ຄຽງ ວາ (Kang Kyung Wha) ລັດຖະມົນຕີກະຊວງການຕ່າງ ປະເທດ ແຫ່ງ ສາທາລະນະ ລັດ ເກົາຫຼີ; ທ່ານ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດເຮົາ ພ້ອມດ້ວຍຄະນະ ໄດ້ເດີນທາງ ຢ້ຽມຢາມ ສ.ເກົາຫຼີ ຢ່າງເປັນ ທາງການ ໃນລະຫວ່າງວັນທີ 29-30 ສິງຫານີ້ ຊຶ່ງເປັນການ ຢ້ຽມຢາມຄັ້ງທຳອິດ ນັບແຕ່ດຳ ລົງຕຳແໜ່ງເປັນລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ, ເພື່ອເສີມຂະຫຍາຍ ແລະ ຮັດແໜ້ນສາຍພົວພັນມິດ ຕະພາບ ແລະ ການຮ່ວມມືອັນ ດີງາມລະຫວ່າງສອງປະເທດ ທີ່ມີມາແຕ່ດົນນານໃຫ້ນັບມື້ ນັບແໜ້ນແຟ້ນຍິ່ງຂຶ້ນເລື້ອຍໆ.

ໃນວັນທີ 29 ສິງຫານີ້, ທ່ານ ສະເຫຼີມໄຊ ກົມມະສິດ ແລະ ຄະນະ ໄດ້ພົບປະສອງ ຝ່າຍກັບ ທ່ານ ນາງ ຄັງ ຄຽງ ວາ ລັດຖະມົນຕີ ກະຊວງການຕ່າງປະເທດ ແຫ່ງ ສ.ເກົາຫຼີ ແລະ ຄະນະ, ທີ່ກະ ຊວງການຕ່າງປະເທດ ສ.ເກົາ ຫຼີ. ການພົບປະ ໄດ້ດຳເນີນໄປ ດ້ວຍບັນຍາກາດແຫ່ງໄມຕີຈິດ ມິດຕະພາບ ແລະ ກົງໄປກົງ ມາ. ທັງສອງຝ່າຍໄດ້ຕີລາຄາ ສູງຕໍ່ໝາກຜົນອັນດີໃນການ ພົວພັນມິດຕະພາບ ແລະ ການ ຮ່ວມມືທີ່ດີງາມນຳກັນ ທັງໃນ ຂອບສອງຝ່າຍ ແລະ ຫຼາຍ ຝ່າຍໃນໄລຍະຜ່ານມາ ອັນ ໄດ້ເຮັດໃຫ້ການຮ່ວມມືໃນຫຼາຍ ດ້ານທີ່ມີໝາກຜົນຕົວຈິງ ນັບ ຕັ້ງແຕ່ສ້າງຕັ້ງສາຍພົວພັນການ ທູດນຳກັນໃນປີ 1995 ເປັນ ຕົ້ນມາ, ຊຶ່ງເຫັນໄດ້ຈາກການ ແລກປ່ຽນການຢ້ຽມຢາມຊຶ່ງ ກັນ ແລະ ກັນຂອງຄະນະຜູ້ ແທນລະດັບສູງຂອງສອງປະ ເທດຢ່າງເປັນປົກກະຕິເຊັ່ນ: ການຢ້ຽມຢາມ ສ.ເກົາຫຼີ ຢ່າງ ເປັນທາງການຂອງອະດີດປະ ທານປະເທດ ແຫ່ງ ສປປ ລາວ ໃນປີ 2013 ແລະ ການມາ ຢ້ຽມຢາມ ສປປ ລາວ ຂອງອະ ດີດປະທານາທິບໍດີ ແຫ່ງ ສ.ເກົາຫຼີ ໃນປີ 2016, ທັງໄດ້ ກາຍເປັນບາດກ້າວສຳຄັນໃນ ປະຫວັດສາດຂອງການຮ່ວມມື ລະຫວ່າງສອງປະເທດ, ໄດ້ ເຮັດໃຫ້ການຄ້າ, ທຸລະກິດ, ການລົງທຶນ, ການສຶກສາ ແລະ ການທ່ອງທ່ຽວ ລະຫວ່າງສອງ ປະເທດໄດ້ມີຄວາມຄືບໜ້າ ໃໝ່.

ປັດຈຸບັນ ສ.ເກົາຫຼີ ໄດ້ ຈັດຢູ່ໃນອັນດັບ 5 ຂອງການ ລົງທຶນຕ່າງປະເທດຢູ່ ສປປ ລາວ, ກວມເອົາ 257 ໂຄງ ການ, ລວມມູນຄ່າການລົງທຶນ ຈຳນວນ 750 ລ້ານໂດລາສະ ຫະລັດ ແລະ ມູນຄ່າການຄ້າ ສອງຝ່າຍ ສາມາດບັນລຸໄດ້ 68 ລ້ານໂດລາສະຫະລັດ ໃນ ປີ 2016. ນອກຈາກນີ້ ການ ຊ່ວຍເຫຼືອເພື່ອການພັດທະນາ (ODA) ຂອງ ສ.ເກົາຫຼີ ໃຫ້ແກ່ ສປປ ລາວ ໄດ້ເພີ່ມຂຶ້ນຢ່າງຕໍ່ ເນື່ອງ; ການຊ່ວຍເຫຼືອ (ODA) ຂອງ ສ.ເກົາຫຼີ ໄດ້ສຸມໃສ່ບັນ ດາຂະແໜງການບຸລິມະສິດ ຂອງລາວຄື: ການພັດທະນາ ຊົນນະບົດ, ການພັດທະນາ ການສຶກສາ, ສາທາລະນະສຸກ ແລະ ການພັດທະນາຊັບພະ ຍາກອນມະນຸດ. ການຊ່ວຍ ເຫຼືອດັ່ງກ່າວ ໄດ້ປະກອບສ່ວນ ອັນສຳຄັນເຂົ້າໃນການຈັດຕັ້ງ ປະຕິບັດແຜນພັດທະນາເສດ ຖະກິດ-ສັງຄົມ 5 ປີຄັ້ງທີ 8 (2016-2020) ຂອງ ສປປ ລາວ ເພື່ອໃຫ້ຫຼຸຸດພົ້ນອອກ ຈາກສະຖານະພາບປະເທດ ດ້ອຍພັດທະນາ ໃນປີ 2020.

ການຮ່ວມມືດ້ານວັດທະ ນະທຳ ແລະ ທ່ອງທ່ຽວລະ ຫວ່າງສອງປະເທດ ກໍໄດ້ຮັບ ການຍົກລະດັບດີຂຶ້ນເປັນກ້າວໆ ໂດຍສະເພາະພາຍຫຼັງທີ່ສອງ ປະເທດ ໄດ້ເປີດສາຍການບິນ ໂດຍກົງນຳກັນ ລະຫວ່າງເຊ ອູນ-ວຽງຈັນ, ວຽງຈັນ-ເຊອູນ ນັບຕັ້ງແຕ່ປີ 2012 ເປັນຕົ້ນ ມາ ຈຳນວນນັກທ່ອງທ່ຽວ ສ.ເກົາຫຼີ ເຂົ້າມາລາວ ໄດ້ເພີ່ມ ຂຶ້ນຢ່າງໄວວາ, ມີເຖິງ 173.000 ເທື່ອຄົນ ໃນປີ 2016 ແລະ 60.000 ກວ່າເທື່ອຄົນໃນ 6 ເດືອນຕົ້ນປີ 2017, ໃນຂະນະ ດຽວກັນ ນັກທ່ອງທ່ຽວລາວຈຳ ນວນຫຼາຍ ກໍໄດ້ເດີນທາງໄປ ທ່ອງທ່ຽວ ສ.ເກົາຫຼີ ເຊັ່ນກັນ. ສອງຝ່າຍໄດ້ເຫັນດີຈະ ສືບຕໍ່ເພີ່ມທະວີການຮ່ວມມື ທາງດ້ານການເມືອງ, ເສດຖະ ກິດ ແລະ ການຄ້າ, ພະລັງງານ ແລະ ຊັບພະຍາກອນທຳມະ ຊາດ, ການເງິນ-ການທະນາ ຄານ, ດ້ານກະສິກຳ, ສາທາ ລະນະສຸກ, ແຮງງານ, ວັດທະ ນະທຳ ແລະ ທ່ອງທ່ຽວ. ນອກ ຈາກນັ້ນ ສອງຝ່າຍຍັງໄດ້ແລກ ປ່ຽນຄຳຄິດຄຳເຫັນຕໍ່ສະພາບ ການທີ່ພົ້ນເດັ່ນໃນພາກພື້ນ ແລະ ສາກົນ ທີ່ມີຄວາມສົນໃຈ ຮ່ວມກັນ. ໃນໂອກາດນີ້ ທ່ານລັດ ຖະມົນຕີ ສະເຫຼີມໄຊ ກົມມະ ສິດ ໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ, ພ້ອມທັງສະແດງຄວາມຊົມ ເຊີຍຕໍ່ທ່ານ ນາງ ຄັງ ຄຽງ ວາ ທີ່ໄດ້ຮັບການແຕ່ງຕັ້ງໃຫ້ດຳ ລົງຕຳແໜ່ງເປັນລັດຖະມົນຕີ ຕ່າງປະເທດ ແຫ່ງ ສ.ເກົາຫຼີ ຄົນໃໝ່ ໃນເດືອນມີຖຸນາປີ 2017 ຜ່ານມາ.

ພ້ອມກັນນັ້ນ ທ່ານ ສະເຫຼີມໄຊ ກົມມະສິດ ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງ ຄວາມຂອບໃຈຢ່າງຈິງໃຈໄປ ຍັງລັດຖະບານ ແລະ ປະຊາ ຊົນ ສ.ເກົາຫຼີ ທີ່ໄດ້ໃຫ້ການສະ ໜັບສະໜູນຊ່ວຍເຫຼືອ ສປປ ລາວ ໃນໄລຍະຜ່ານມາ ແລະ ຫວັງຢ່າງຍິ່ງວ່າ ສາຍພົວພັນ ມິດຕະພາບ ແລະ ການຮ່ວມ ມືຂອງສອງປະເທດ ຈະໄດ້ ຮັບການສືບຕໍ່ຊຸກຍູ້ສົ່ງເສີມໃຫ້ ດີຂຶ້ນຢ່າງບໍ່ຢຸດຢັ້ງ ເພື່ອນຳເອົາ ຜົນປະໂຫຍດມາສູ່ປະຊາຊົນ ສອງປະເທດ. ໃນໂອກາດດຽວກັນ, ທ່ານລັດຖະມົນຕີ ຄັງ ຄຽງ ວາ ກໍໄດ້ສະແດງຄວາມຍິນດີຕ້ອນ ຮັບຕໍ່ການຢ້ຽມຢາມຂອງລັດ ຖະມົນຕີກະຊວງການຕ່າງປະ ເທດລາວ ແລະ ຄະນະໃນຄັ້ງ ນີ້ ແລະ ໄດ້ສະແດງຄວາມ ຂອບໃຈຕໍ່ການເຂົ້າຮ່ວມກອງ ປະຊຸມລັດຖະມົນຕີຕ່າງປະ ເທດຂອງເວທີການຮ່ວມມືອາ ຊີຕາເວັນອອກ ແລະ ອາເມຣິ ກາລາຕິນ ຄັ້ງທີ 8 ແລະ ກອງປະຊຸມລັດຖະມົນຕີຕ່າງ ປະເທດຂອບການຮ່ວມມືແມ່ ນ້ຳຂອງ-ສ.ເກົາຫຼີ ຄັ້ງທີ 7 ທີ່ ບູຊານ, ສ.ເກົາຫຼີ. ພ້ອມນັ້ນ ທ່ານ ນາງ ຄັງ ຄຽງ ວາ ຍັງໄດ້ ສະແດງຄວາມຂອບໃຈຕໍ່ລັດ ຖະບານ ແຫ່ງ ສປປ ລາວ ທີ່ ໃຫ້ການຮ່ວມມື ແລະ ສະໜັບ ສະໜູນ ສ.ເກົາຫຼີ ໃນເວທີພາກ ພື້ນ ແລະ ສາກົນ. ໃນຕອນທ້າຍຂອງການ ພົບປະຄັ້ງນີ້ ທ່ານ ສະເຫຼີມໄຊ ກົມມະສິດ ໄດ້ເຊື້ອເຊີນທ່ານ ລັດຖະມົນຕີຕ່າງປະເທດ ສ.ເກົາຫຼີ ມາຢ້ຽມຢາມ ສປປ ລາວ ໃນໂອກາດທີ່ທ່ານສະ ດວກ.
ລັດຖະມົນຕີຕ່າງປະເທດ ຢ້ຽມຢາມ ສ.ເກົາຫຼີຢ່າງເປັນທາງການ Reviewed by makarow on 5:39:00 AM Rating: 5

Contact Form

Name

Email *

Message *

Powered by Blogger.