ຂ່າວດ່ວນ

ຂ່າວອື່ນໆ

random

ເສດຖະກິດ ເມືອງລະມາມ ພັດທະນາດີຂຶ້ນຕໍ່ເນື່ອງ



ດ້ວຍຈັ່ງຫວະການເພີ່ມຂຶ້ນຂອງຂະແໜງກະສິກຳ, ຂະແໜງອຸດສາຫະກຳ ແລະ ການບໍລິການນັບມື້ກວ້າງຂວາງ ຊຶ່ງເຮັດໃຫ້ໃນ 6 ເດືອນຕົ້ນປີນີ້ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມເມືອງລະມາມ ໄດ້ມີຜົນສຳເລັດຫຼາຍດ້ານ, ພື້ນຖານເສດຖະກິດເຕີບໂຕສະເລ່ຍລະດັບ 9% ຕໍ່ປີ ແລະ ລວມຍອດຜະລິດຕະພັນພາຍໃນ ຫຼື GDP ບັນລຸ 260 ຕື້ກວ່າກີບ.
 ຕາມການຕອບສຳພາດຂອງ ທ່ານ ແພງສີ ສີລາວີ ເຈົ້າເມືອງໆລະມາມ ເມື່ອວັນທີ 31 ສິງຫາວ່າ: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງໃນ 6 ເດືອນຕົ້ນປີ 2017 ໂດຍລວມແລ້ວ ເມືອງລະມາມສາມາດຍາດໄດ້ຜົນສຳເລັດຫຼາຍດ້າຍ ແລະ ບັນດາຄາດໝາຍຕົ້ນຕໍແມ່ນບັນລຸຕາມແຜນການ, ຂະແໜງການຜະລິດກະສິກຳເປັນສິນຄ້ານັບມື້ຂະຫຍາຍຕົວຢ່າງກວ້າງຂວາງ, ຂະແໜງອຸດສາຫະກຳ ແລະ ການບໍລິການໄດ້ຮັບການປັບປຸງພັດທະນາດີຂຶ້ນເປັນກ້າວໆ ຊຶ່ງເຮັດໃຫ້ພື້ນຖານເສດຖະກິດຂອງເມືອງມີການຂະຫຍາຍຕົວຢ່າງຕໍ່ເນື່ອງ ແລະ ໜັກແໜ້ນສະເລ່ຍເກືອບ 10% ລວມຍອດຜະລິດຕະພັນພາຍໃນ ຫຼື GDP ບັນລຸ 260 ຕື້ກວ່າກີບທຽບໃສ່ໄລຍະດຽວຂອງປີຜ່ານມາເພີ່ມຂຶ້ນ 5,22%.
 ໃນນັ້ນຂະແໜງກະສິກຳ-ປ່າໄມ້ຂະຫຍາຍຕົວເພີ່ມຂຶ້ນ 3,85% ກວມເອົາ 19,46%; ຂະແໜງອຸດສາຫະກໍາ 6,70% ກວມເອົາ 8,40% ແລະ ຂະແໜງການບໍລິການຂະຫຍາຍຕົວເພີ່ມຂຶ້ນ 5,91% ກວມເອົາ 22,14% ຂອງ GDP ສະເລ່ຍລາຍໄດ້ຕໍ່ຄົນຕໍ່ປີເທົ່າກັບ 13 ລ້ານກວ່າກີບ ຫຼື ປະມານ 1.600 ໂດລາສະຫະລັດ.

 ສ່ວນດ້ານການລົງທຶນ, ທ່ານເຈົ້າເມືອງລະມາມ ລະບຸວ່າ: ພັກ-ລັດຖະບານ ກໍ່ຄືສະພາແຫ່ງຊາດ ແລະ ສະພາປະຊາຊົນແຂວງໄດ້ອະມັດໃຫ້ມີການລົງທຶນຂອງລັດຢູ່ເມືອງທັງໝົດ 59 ໂຄງການ, ລວມມູນຄ່າກວ່າ 119 ຕື້ກີບ (ສະເພາະປີ 2017 ສະພາແຫ່ງຊາດຮັບຮອງ ແລະ ໄດ້ອະນຸມັດ) ມີ 4 ໂຄງການມູນຄ່າ 5,81 ຕື້ກີບ ໂດຍສ່ວນໃຫຍ່ໄດ້ສຸມໃສ່ຈັດຕັ້ງປະຕິບັດຢູ່ໃນ 3 ຂະແໜງການຄື: ຂະແໜງກະສິກຳ, ຂະແໜງການສຶກສາ ແລະ ສາທາລະນະສຸກ. ນອກນັ້ນ ກໍຍັງມີບັນດາໂຄງການລົງທຶນຂອງພາກເອກະຊົນພາຍໃນ-ຕ່າງປະເທດ, ທຶນຊ່ວຍເຫຼືອລ້າ-ກູ້ຢືມ ເພື່ອການພັດທະນາອີກຈຳນວນໜຶ່ງທີ່ໄດ້ຈັດຕັ້ງປະຕິບັດ ແລະ ເຄື່ອນໄຫວໃນຂະແໜງການຕ່າງໆຂອງເມືອງ.

 ຄຽງຄູ່ກັນນັ້ນ ເມືອງຍັງໄດ້ຖືສຳຄັນວຽກງນກໍສ້າງຮາກຖານການເມືອງ, ພັດທະນາຊົນນະບົດ, ລຶບລ້າງຄວາມ ທຸກຍາກ, ການສ້າງບ້ານກຸ່ມບ້ານພັດທະນາຕາມ 4 ເນື້ອໃນ 4 ຄາດໝາຍຕິດພັນກັບວຽກງານ 3 ສ້າງ ຊຶ່ງຜ່ານການຈັດຕັ້ງປະຕິບັດມາຮອດປັດຈຸບັນ ມີບ້ານພົ້ນທຸກ 41 ບ້ານເທົ່າກັບ 95,34%; ຄອບຄົວພົ້ນທຸກ 6 ພັນກວ່າຄອບຄົວເທົ່າກັບ 92,91% ຂອງຄອບຄົວທັງໝົດໃນທົ່ວເມືອງ. ຂະນະທີ່ບ້ານແບບຢ່າງດ້ານການສຶກສາ, ສາທາລະນະສຸກ, ບ້ານປອດຄະດີ, ບ້ານວັດທະນະທຳໃໝ່ ແລະ ບ້ານພັດທະນານັບມື້ເພີ່ມຂຶ້ນເລື້ອຍໆ.

 ສຳລັບຄາດໝາຍ 6 ເດືອນທ້າຍປີ 2017 ທ່ານ ແພງສີ ສີລາວີ ກ່າວຕື່ມອີກວ່າ: ເມືອງລະມາມຈະຖືເອົາການພັດທະນາເສດຖະກິດເປັນໃຈກາງ ໂດຍສຸມໃສ່ຍູ້ແຮງຂະບວນການຜະລິດກະສິກຳ (ປູກຝັງ-ລ້ຽງສັດ) ເປັນສິນຄ້າ ແລະ ການບໍລິການດ້ານຕ່າງໆ. ພ້ອມດຽວກັນນັ້ນ ກໍ່ເອົາໃຈໃສ່ດຶງດູດຍາດແຍ່ງການລົງທຶນຈາກພາກສ່ວນຕ່າງໆເຂົ້າໃນການພັດທະນາພື້ນຖານເສດຖະກິດ, ພັດທະນາພື້ນຖານໂຄງລ່າງ ເພື່ອແນໃສ່ສ້າງເງື່ອນໄຂອຳນວຍຄວາມສະດວກແກ່ການໄປມາຫາສູ່, ການແລກປ່ຽນຊື້-ຂາຍສິນຄ້າຂອງປະຊາຊົນບັນດາເຜົ່າພາຍໃນເມືອງໃຫ້ນັບມື້ສະດວກສະບາຍຫຼາຍຂຶ້ນກວ່າເກົ່າ ແນໃສ່ເຮັດໃຫ້ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການພັດທະນາດີຂື້ນເລື້ອຍໆ.
( ຂ່າວ-ພາບ : ສັນຍາ ແກ້ວໄຊຍະວົງ )
ເສດຖະກິດ ເມືອງລະມາມ ພັດທະນາດີຂຶ້ນຕໍ່ເນື່ອງ Reviewed by makarow on 6:50:00 PM Rating: 5

Contact Form

Name

Email *

Message *

Powered by Blogger.