ຂ່າວດ່ວນ

ຂ່າວອື່ນໆ

random

ນາຍົກ ເນັ້ນໃຫ້ ຈຳປາສັກ ແກ້ໄຂປະກົດການ ຫຍໍ້ທໍ້ຢ່າງຈິງຈັງ



    ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມຄະນະໄດ້ເຄື່ອນໄຫວເຮັດວຽກ ແລະ ໂອ້ລົມ ພະນັກງານຫຼັກແຫຼ່ງຢູ່ແຂວງຈຳປາສັກ ໃນວັນທີ 19 ສິງຫາຜ່ານມານີ້ ທີ່ສະໂມສອນຫ້ອງວ່າການ ປົກຄອງແຂວງ ພ້ອມທັງເນັ້ນໃຫ້ການນຳແຂວງ ໃຫ້ສືບຕໍ່ເອົາໃຈໃສ່ແກ້ໄຂບັນຫາປະກົດການຫຍໍ້ທໍ້ ຢ່າງຈິງຈັງ ໂດຍສະເພາະແມ່ນບັນຫາຢາເສບຕິດ, ການພະນັນ, ບັນຫາການງົມງວາຍ..., ເອົາໃຈ ໃສ່ການຄຸ້ມຄອງນຳໃຊ້ຊັບພະຍາກອນ ໃຫ້ມີປະສິດທິພາບ.
ທ່ານ ບຸນຖອງ ດີວິໄຊ ເຈົ້າແຂວງຈຳປາສັກ ໄດ້ລາຍ ງານສະພາບການຈັດຕັ້ງປະຕິ ບັດແຜນພັດທະນາເສດຖະ ກິດ-ສັງຄົມພາຍໃນແຂວງໃຫ້ ແກ່ທ່ານນາຍົກລັດຖະມົນຕີ ໄດ້ຮັບຊາບ ຊຶ່ງທົ່ວແຂວງສືບ ຕໍ່ມີສະຖຽນລະພາບທາງດ້ານ ການເມືອງ, ສັງຄົມມີຄວາມ ເປັນລະບຽບຮຽບຮ້ອຍ, ຊີວິດ ການເປັນຢູ່ຂອງປະຊາຊົນໄດ້ ຮັບການປັບປຸງ ແລະ ຍົກລະ ດັບດີຂຶ້ນເປັນກ້າວໆ, ພະນັກ ງານ-ລັດຖະກອນ ແລະ ປະ ຊາຊົນບັນດາເຜົ່າ ຕັ້ງໜ້າປະ ກອບສ່ວນເຂົ້າໃນການພັດທະ ນາເສດຖະກິດ-ສັງຄົມຂອງ ແຂວງຢ່າງຕັ້ງໜ້າ ອັນທີ່ເກີດ ໃໝ່ ແລະ ເປັນໜ້າຕາຂອງ ແຂວງ ແມ່ນການຮັກສາຄວາມ ສະອາດ, ສວຍງາມຂອງເມືອງ ປາກເຊ ທີ່ມີນັກລົງທຶນຕ່າງປະ ເທດເຂົ້າມາສຳປະທານ, ດ້ານ ເສດຖະກິດ ກໍສືບຕໍ່ຂະຫຍາຍ ຕົວດ້ວຍຈັງຫວະຕໍ່ເນື່ອງ ແລະ ໝັ້ນທ່ຽງ, ການຜະລິດພືດຜັກ ເປັນສິນຄ້າ ມູນຄ່າການສົ່ງ ອອກ 146 ລ້ານກວ່າໂດລາ ສະຫະລັດ, ທຽບໃສ່ໄລຍະດຽວ ກັນເພີ່ມຂຶ້ນ 15%, ທຽບໃສ່ ແຜນການປີ ປະຕິບັດໄດ້ 70%, ໄດ້ເອົາໃຈໃສ່ຈັດຕັ້ງປະ ຕິບັດຄຳສັ່ງເລກທີ 15/ນຍ, ລົງ ວັນທີ 13 ພຶດສະພາ 2016 ວ່າດ້ວຍການເພີ່ມທະວີຄວາມ ເຂັ້ມງວດ ໃນການຄຸ້ມຄອງ ແລະ ກວດກາການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດ ໄມ້ ໂດຍໄດ້ແຕ່ງຕັ້ງໃຫ້ທ່ານ ຮອງເຈົ້າແຂວງເປັນຫົວໜ້າຄະ ນະດັ່ງກ່າວ ເພື່ອສົມທົບເຮັດ ວຽກຮ່ວມກັບຄະນະສະເພາະ ກິດທີ່ມາຈາກສູນກາງ, ສຳລັບ ຜົນກະທົບຈາກໄພພິບັດທາງ ທຳມະຊາດ ໄລຍະແຕ່ວັນທີ 24-29 ກໍລະກົດ 2017 ໄດ້ມີ ພາຍຸຊົງກາພັດຜ່ານ ແລະ ມີ ຝົນຕົກແຮງ ສົ່ງຜົນກະທົບຕໍ່ ເນື້ອທີ່ທຳການຜະລິດ, ພື້ນ ຖານໂຄງລ່າງ, ໂຮງຮຽນ, ວັດ ແລະ ເຮືອນຂອງປະຊາຊົນ ໄດ້ຮັບການເສຍຫາຍ ເປັນຈຳ ນວນຫຼວງຫຼາຍ ສຳລັບການ ແກ້ໄຂສຸກເສີນເບື້ອງຕົ້ນແຂວງ ໄດ້ແຕ່ງຕັ້ງຄະນະກຳມະການ ຕ້ານໄພພິບັດຂັ້ນແຂວງລະ ດົມທຶນຮອນນຳສັງຄົມ ເພື່ອ ຊ່ວຍແບ່ງເບົາບັນເທົາທຸກຜູ້ທີ່ ໄດ້ຮັບຜົນກະທົບດັ່ງກ່າວ.
ໃນໂອກາດນີ້ ທ່ານນາ ຍົກລັດຖະມົນຕີ ກໍໄດ້ສະແດງ ຄວາມຊົມເຊີຍ, ຕີລາຄາສູງຕໍ່ ຄວາມເອົາໃຈໃສ່ ແລະ ຜົນ ງານທີ່ອຳນາດການປົກຄອງ ແລະ ປະຊາຊົນພາຍໃນແຂວງ ສາມາດຍາດມາໄດ້ໃນໄລຍະ ຜ່ານມາ. ພ້ອມດຽວກັນນັ້ນ ທ່ານນາຍົກລັດຖະມົນຕີ ກໍຍັງ ໄດ້ແຈ້ງສະພາບການສາກົນ ໃຫ້ຜູ້ເຂົ້າຮ່ວມກອງປະຊຸມໄດ້ ຮັບຊາບວ່າ: ປັດຈຸບັນສະພາບ ການຂອງໂລກ ຍັງໄດ້ມີການ ຜັນແປໄປຢ່າງສັບສົນ ຍາກທີ່ ຈະຄາດຄະເນໄດ້ ເພື່ອເຮັດໃຫ້ ການພັດທະນາເສດຖະກິດ- ສັງຄົມພາຍໃນແຂວງ ສືບຕໍ່ໄດ້ ຮັບການພັດທະນາຢ່າງຮອບ ດ້ານ. ໃນໂອກາດດຽວກັນ ທ່ານນາຍົກລັດຖະມົນຕີ ກໍໄດ້ ຊີ້ນຳບັນຫາ ແລະ ສະເໜີການ ນຳ, ພະນັກງານຫຼັກແຫຼ່ງຂອງ ແຂວງ ເອົາໃຈໃສ່ຕື່ມບາງດ້ານ ເປັນຕົ້ນໃຫ້ສືບຕໍ່ເອົາໃຈໃສ່ແກ້ ໄຂບັນຫາປະກົດການຫຍໍ້ທໍ້ ຢ່າງຈິງຈັງ ໂດຍສະເພາະແມ່ນ ບັນຫາຢາເສບຕິດ, ການພະ ນັນ, ບັນຫາການງົມງວາຍ..., ເອົາໃຈໃສ່ການຄຸ້ມຄອງນຳໃຊ້ ຊັບພະຍາກອນໃຫ້ມີປະສິດທິ ພາບ, ປະສິດທິຜົນສູງ ເພື່ອ ເປັນທ່າແຮງໃຫ້ແກ່ການພັດ ທະນາເສດຖະກິດ-ສັງຄົມຂອງ ແຂວງ, ສືບຕໍ່ຊຸກຍູ້ຊ່ວຍເຫຼືອ ປະຊາຊົນ ເພື່ອຍົກລະດັບແກ້ ໄຂຊີວິດການເປັນຢູ່ຂອງເຂົາ ເຈົ້າໃຫ້ນັບມື້ນັບດີຂຶ້ນ ບໍ່ວ່າເວ ລາໃດ ພັກເຮົາກໍຖືປະຊາຊົນ ເປັນກົກ, ສືບຕໍ່ເອົາໃຈໃສ່ຈັດ ຕັ້ງປະຕິບັດຄຳສັ່ງ ສະບັບເລກ ທີ 15/ນຍ, ການນຳຂັ້ນຕ່າງໆ, ສະມາຊິກພັກ, ພະນັກງານ ຕ້ອງເປັນເຈົ້າການ ແລະ ເປັນ ແບບຢ່າງທີ່ດີໃຫ້ແກ່ມະຫາຊົນ ແລະ ປະຊາຊົນ, ເອົາໃຈໃສ່ ແກ້ໄຂວຽກງານ ນະໂຍບາຍ ແລະ ສະຫວັດດີການສັງຄົມ, ສາທາລະນະສຸກ ເພື່ອສ້າງ ເງື່ອນໄຂ ແລະ ອຳນວຍຄວາມ ສະດວກໃຫ້ແກ່ພະນັກງານປະ ຕິວັດ, ອາວຸໂສບຳນານ ແລະ ທຸກພາກສ່ວນໃນສັງຄົມ
ນາຍົກ ເນັ້ນໃຫ້ ຈຳປາສັກ ແກ້ໄຂປະກົດການ ຫຍໍ້ທໍ້ຢ່າງຈິງຈັງ Reviewed by makarow on 4:29:00 AM Rating: 5

Contact Form

Name

Email *

Message *

Powered by Blogger.