ຂ່າວດ່ວນ

ຂ່າວອື່ນໆ

random

ພາກທຸລະກິດ ຕ້ອງຕິດຕັ້ງເຄື່ອງບັນທຶກການຂາຍສິນຄ້າ-ບໍລິການຢ່າງເຂັ້ມງວດ

ພາກທຸລະກິດ ຕ້ອງຕິດຕັ້ງເຄື່ອງບັນທຶກການຂາຍສິນຄ້າ-ບໍລິການຢ່າງເຂັ້ມງວດ ລັດຖະບານໄດ້​ເອົາໃຈໃສ່​ເປັນພິເສດ​ ໃນ​ການຈັດຕັ້ງ​ປະຕິບັດຂໍ້​ຕົກລົງວ່າ​ດ້ວຍ​ການ​ຄຸ້ມ​ຄອງ ແລະ ນຳ​ໃຊ້ ເຄື່ອງ​ບັນທຶກ​ການຂາຍ-ບໍລິການ ປັດຈຸບັນ ພາກສ່ວນ​ກ່ຽວຂ້ອງ ໂດຍ​ສະເພາະແມ່ນ​ກົມ​ສ່ວຍ​ສາ​ອາກອນ ກະຊວງ​ການ​ເງິນ ໄດ້​ເລັ່ງ​ຈັດ​ຕັ້ງ​ປະຕິ​ບັດ​ໂຄງການ​ດັ່ງກ່າວ ດ້ວຍຄວາມ​ຮັບຜິດຊອບ​ສູງ ສາມາດເຮັດ​ໃຫ້​ມາ​ຮອດ​ທ້າຍ​ເດືອນ​ສິງຫາ 2017 ສາມາດ​ຕິດ​ຕັ້ງ​ເຄື່ອງບັນທຶກ​ການ​ຂາຍ​ສິນຄ້າ-ບໍ​ລິການ ໃຫ້​ແກ່​ຫົວໜ່ວຍ​ທຸລະ​ກິດສຳເລັດ ຈຳນວນ 191 ຫົວໜ່ວຍ ຈາກ​ເປົ້າ​ໝາຍ​ການ​ຕິດ​ຕັ້ງ ແລະ ເຊື່ອມ​ຕໍ່​ຂໍ້​ມູນ​ທັງ​ໝົດ 1.200 ຫົວໜ່ວຍ ໃນ 5 ເມືອງ​ຂອງ​ນະຄອນຫຼວງ​ວຽງ​ຈັນ.

ທ່ານ ສົມ​ດີ ດວງ​ດີ ຮອງ​ນາຍົກ​ລັດຖະມົນຕີ ລັດຖະມົນຕີ​ກະຊວງ​ການ​ເງິນ ໄດ້​ຮັບ​ຟັງ​ລາຍງານ​ຈາກ​ທ່ານ ພູ​ທະນູ​ເພັດ ໄຊສົມບັດ ຫົວໜ້າ​ກົມ​ສ່ວຍ​ສາ​ອາກອນ ພ້ອມ​ດ້ວຍ​ບັນດາ​ຜູ້​ຕາງໜ້າ​ຈາກ​ພາກສ່ວນ​ກ່ຽວຂ້ອງ ​ທັງສູນ​ກາງ-ທ້ອງຖິ່ນ ກ່ຽວ​ກັບ​ໂຄງການ​ພັດທະນາ​ການ​ຕິດ​ຕັ້ງ ແລະ ເຊື່ອມ​ຕໍ່​ຂໍ້​ມູນ​ເຄື່ອງ​ບັນທຶກ​ການຂາຍ​ສິນຄ້າ ແລະ ບໍລິການ (ໄລຍະ 3) ໃນ​ວັນ​ທີ 30 ສິງຫາ 2017 ຢູ່​ກະຊວງ​ການ​ເງິນ ເຊິ່ງທ່ານ​ຫົວໜ້າ​ກົມລາຍ​ງານ​ໃຫ້​ຮູ້ວ່າ: ການຈັດຕັ້ງ​ປະຕິບັດ​ໂຄງການ ໄລຍະ 3 ແມ່ນ​ໄລຍະ​ການຂະຫຍາຍ​ການ​ຕິດ​ຕັ້ງ​ການ​ເຊື່ອມຕໍ່ ແລະ ການ​ນຳ​ໃຊ້ລະບົບ​ຕິດຕາມ​ອາກອນ​ຢູ່​ຈຸດ​ເກັບ​ເງິນ​ຕົວຈິງ ແລະ ເຂົ້າ​ເຖິງ​ລາຍ​ຮັບ​ຈາກການ​ຂາຍ​ສິນຄ້າ ແລະ ບໍລິການຈາກ​ເຄື່ອງ​ບັນທຶກ​ດັ່ງກ່າວ ​ຢູ່ຕາມ​ຫົວໜ່ວຍ​ທຸລະ​ກິດ​ຂັ້ນ​ສູນກາງ ນະຄອນຫຼວງ ແລະ 5 ເມືອງ ໃນ​ນະຄອນຫຼວງ​ວຽງ​ຈັນ ເຊິ່ງ​ຖື​ວ່າ​ເປັນ​ຈຸດ​ສຸມ​ໃນ​ການ​ຈັດຕັ້ງ​ປະຕິບັດ​ເບື້ອງ​ຕົນ ກ່ອນ​ຈະຂະຫຍາຍ​ໄປ​ທົ່ວ​ປະເທດ ລັບ ຢູ່​ນະຄອນຫຼວງ​ວຽງ​ຈັນ ໄດ້​ຂຶ້ນແຜນການ​ຕິດ​ຕັ້ງທັງ​ໝົດ 1,2 ພັນ​ຫົວໜ່ວຍ ມາ​ຮອດ​ປັດຈຸບັນ ໄດ້​ນຳ​ເຂົ້າ​ອຸປະກອນ​ຕິດ​ຕັ້ງ​ທັງໝົດ 1 ພັນ​ເຄື່ອງ ປະກອບ​ມີ​ເຄື່ອງບັນທຶກ​ການ​ຂາຍ​ສິນຄ້າ ແລະ ບໍລິ​ການ (CRS) 700 ເຄື່ອງ ອຸປະກອນ​ເຊື່ອມ​ຕໍ່ 300 ອັນ ແລະ ເຈ້ຍ​ສຳລັບ​ພິມ ຈຳນວນ 20 ພັນກໍ້ ຜ່ານ​ການ​ປະຕິບັດ​ຕົວ​ຈິງ 1 ເດືອນ​ຜ່ານ​ມາ (21/7-25/8/2017) ສາມາດ​ຕິດ​ຕັ້ງ​ໄດ້​ສຳເລັດ 191 ຫົວໜ່ວຍ ໃນ​ນັ້ນມີເຄື່ອງ CRS ຈຳນວນ 82 ເຄື່ອງ ແລະ ອຸປະກອນ​ເຊື່ອມ​ຕໍ່ 90 ອັນ.

ສຳລັບ​ການ​ຕິດ​ຕັ້ງ​ເຄື່ອງ​ບັນທຶກ​ການ​ຂາຍ​ສິນຄ້າ-ບໍລິການ ມີ​ເປົ້າ​ໝາຍ​ສຳຄັນ ເພື່ອ​ເກັບ​ກຳຂໍ້​ມູນ ແລະ ຮັບ​ຮູ້​ໄດ້​ເຖິງ​ລາຍ​ຮັບຈາກ​ການ​ຂາຍ​ສິນຄ້າ ແລະ ບໍ​ລິການ​ຂອງ​ບັນດາ​ຫົວໜ່ວຍ​ທຸລະກິດ ເປັນ​ແຕ່​ລະ​ວັນອາທິດ ແລະ ເດືອນ ໃນ​ນັ້ນຍັງ​ສາມາດ​ແບ່ງເປັນ​ຫົວໜ່ວຍ​ວິ​ສາ​ຫະ​ກິດ ​ທີ່​ປະຕິ​ບັດ​ພັນທະ​ຕໍ່​ລັດ​ຢູ່​ໃນ​ຮູບ​ແບບອາກອນ​ມູນ​ຄ່າ​ເພີ່ມ ແລະ ແບບມອບ​ເໝົາ​ຕື່ມ​ອີກ.

ຂ່າວ: ຫນັງສືພິມວຽງຈັນໃຫ່ມ
ພາກທຸລະກິດ ຕ້ອງຕິດຕັ້ງເຄື່ອງບັນທຶກການຂາຍສິນຄ້າ-ບໍລິການຢ່າງເຂັ້ມງວດ Reviewed by makarow on 9:07:00 PM Rating: 5

Contact Form

Name

Email *

Message *

Powered by Blogger.