ຂ່າວດ່ວນ

ຂ່າວອື່ນໆ

random

ຄະນະຊີ້ນຳໂຄງການກໍ່ສ້າງທາງລົດໄຟລາວ-ຈີນເຄື່ອນໄຫວເຮັດວຽກຢູ່ຫລວງພະບາງ



ໃນຕອນເຊົ້າຂອງມື້ວັນ 28 ສິງຫາ 2017 ນີ້ ,ທ່ານ ບຸນຈັນ ສິນທະວົງ ກຳມະການສູນກາງພັກ-ລັດຖະມົນຕີກະຊວງໂຍທາທິການ ແລະ ຂົນສົ່ງ-ຫົວໜ້າຄະນະຊີ້ນຳໂຄງການກໍ່ສ້າງທາງລົດໄຟລາວ-ຈີນ,ພ້ອມດ້ວຍຄະນະກຳມະການຄຸ້ມຄອງໂຄງການທາງລົດໄຟລາວ-ຈີນຂັ້ນສູນກາງ ແລະ ຂັ້ນແຂວງຫຼວງພະບາງ,ໄດ້ລົງເຄື່ອນໄຫວວຽກງານຢູ່ເມືອງຊຽງເງິນ,ໂດຍໄດ້ລົງເບີ່ງພື້ນທີ່ຈຸດສ້າງບ້ານຈັດສັນໃໝ່ ໃຫ້ບ້ານບວມອໍ້ ທີ່ຖືກຜົນກະທົບຈາກໂຄງການ,ພ້ອມທັງໄດ້ພົບປະໂອ້ລົມອົງການປົກຄອງບ້ານ ແລະ ປະຊາຊົນບ້ານບວມອໍ້. ຈາກນັ້ນ ຕອນບ່າຍຂອງວັນດຽວກັນ ທ່ານ ລັດຖະມົນຕີກະຊວງໂຍທາທິການ ແລະ ຂົນສົ່ງ,ໄດ້ເປັນປະທານກອງປະຊຸມປຶກສາຫາລື ຢູ່ທີ່ສະໂມສອນເມືອງຊຽງເງິນ.ໂອກາດດັ່ງກ່າວ ທ່ານ ເພັງ ຄຳມະວົງ ຮອງເຈົ້າເມືອງຊຽງເງິນ-ຫົວໜ້າຄະນະປະສານງານໂຄງການທາງລົດໄຟລາວ-ຈີນຂັ້ນເມືອງ,ໄດ້ລາຍງານສະພາບການປະຕິບັດໂຄງການທາງລົດໄຟລາວ-ຈີນ ໃນຂອບເຂດເມືອງຊຽງເງິນ,ເປັນຕົ້ນແມ່ນວຽກການເກັບກຳຜົນກະທົບສີ່ງກິດຂວາງທາງລົດໄຟລາວ-ຈີນ ເຊັ່ນ: ຜົນກະທົບທາງດ້ານທີ່ດິນມີ 16 ບ້ານ 308ຄອບຄົວ,ເນື້ອທີ່ 92,55 ເຮັກຕາ ຈຳນວນ 325 ຕອນ,ຜົນກະທົບດ້ານເຄື່ອງປູກປະເພດໄມ້ອຸດສາຫະກຳ,ພືດອຸດສາຫະກຳ,ໄມ້ໃຫ້ໝາກແລະໄມ້ປ່ອງ ທັງໝົດ 1660.628 ຕົ້ນ; ຜົນກະທົບທາງດ້ານສິ່ງປຸກສ້າງເຊັ່ນ: ເຮືອນຢູ່ຂອງປະຊາຊົນ 112 ຫຼັງ ໃນນີ້ມີເຮືອນ 2 ຊັ້ນ 24 ຫຼັງ,ເຮືອນຊັ້ນດຽວ 80 ຫຼັງ ແລະເຮືອນຕູບ 28 ຫຼັງ;ຜົນກະທົບໂຮງຮຽນ 4 ຫຼັງ,ສະໂມສອນບ້ານ 1 ຫຼັງ;ຫ້ອງນ້ຳນອກເຮືອນ 2 ຫຼັງ,ຮົ້ວເບຕົງຍາວ 274 ແມັດ,ຮົ້ວຕາໜ່າງເຫຼັກອ້ອມໂຮງຮຽນຍາວ 110 ແມັດ,ເສົາເບຕົງຫຼັກຮົ້ວ 44 ຕົ້ນ,ປະຕູໂຂງ 1 ບ່ອນ ແລະ ນ້ຳສ້າງ 2 ບໍ່,ນອກຈາກນີ້ກໍ່ມີຜົນກະທົບທາງດ້ານຈິດໃຈກໍຄືດ້ານຮີດຄອງປະເພນີຂອງບ້ານຕື່ມອີກ. ໃນໂອກາດປຶກສາຫາລືຄັ້ງນີ້ ທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ,ໄດ້ມີຄຳເຫັນຊີ້ນຳໃຫ້ຄະນະກຳມະການຄຸ້ມຄອງໂຄງການທາງລົດໄຟລາວ-ຈີນທຸກຂັ້ນ ສືບຕໍ່ເອົາໃຈໃສ່ປະສານງານກັນເປັນປົກກະຕິ-ຕໍ່ເນື່ອງ ໃນນີ້ໃຫ້ສືບຕໍ່ເກັບກຳຂໍ້ມູນຜົນກະທົບສີ່ງກີດຂວາງໃຫ້ລະອຽດກວ່າເກົ່າ;ສືບຕໍ່ອອກແບບວາງຜັງບ້ານຈັດສັນໃໝ່ ໂດຍມີສ່ວນຮ່ວມຂອງຂະແໜງການທີ່ກ່ຽວຂ້ອງ;ສືບຕໍ່ຄິດໄລ່ລາຄາຫົວໜ່ວຍຊົດເຊີຍຜົນກະທົບ ເພື່ອນຳສະເໜີຕໍ່ສະພາແຫ່ງຊາດພິຈາລະນາ . ພ້ອມນີ້ທ່ານລັດຖະມົນຕີກະຊວງໂຍທາທິການແລະຂົນສົ່ງ ,ຍັງໄດ້ຮຽກຮ້ອງໃຫ້ທຸກພາກສ່ວນສືບຕໍ່ເປັນເຈົ້າການສຶກສາອົບຮົມນຳພາແນວຄິດປະຊາຊົນຜູ້ຖືກຜົນກະທົບ ມີແນວຄິດອຸ່ນອ່ຽນທຸ່ນທ່ຽງ,ມີຄວາມຮັບຮູ້-ເຂົ້າໃຈແຈ້ງຕໍ່ຄວາມໝາຍຄວາມສຳຄັນ ຂອງໂຄງການກໍ່ສ້າງທາງລົດໄຟລາວ-ຈີນດັ່ງກ່າວ ແລະກ່າວຢືນຢັນວ່າ:ການຍົກຍ້າຍປະຊາຊົນໄປຢູ່ຍ້ານໃໝ່ຕ້ອງສ້າງບ້ານສຳເລັດແລ້ວຈື່ງຍົກຍ້າຍປະຊາຊົນ;ການຈັດສັນບ້ານອອກແບບເຮືອນ-ອາຄານຕ່າງໆຕ້ອງມີຕົວແທນທຸກພາກສ່ວນຂະແໜງການກ່ຽວຂ້ອງເຂົ້າຮ່ວມຕິດຕາມຄຸນນະພາບຢ່າງແທ້ຈິງ.

ຂ່າວ: ເຫຼັກໄຊຄົດໄຊໂຍ (ຂ່າວສານຫຼວງພະບາງ)
ຄະນະຊີ້ນຳໂຄງການກໍ່ສ້າງທາງລົດໄຟລາວ-ຈີນເຄື່ອນໄຫວເຮັດວຽກຢູ່ຫລວງພະບາງ Reviewed by makarow on 8:49:00 PM Rating: 5

Contact Form

Name

Email *

Message *

Powered by Blogger.