ຂ່າວດ່ວນ

ຂ່າວອື່ນໆ

random

ລາວ ແລະ ກຳປູເຈຍ ຕົກລົງຖອນທະຫານອອກຈາກພື້ນທີ່ພິພາດຊາຍແດນ


ນາຍົກລັດຖະມົນຕີລາວ ທ່ານ ທອງລຸນ ສີສຸລິດ ແລະ ນາຍົກລັດຖະມົນຕີກຳປູເຈຍ ທ່ານ ຮຸນເຊນ ໄດ້ຕົກລົງກັນ ຖອນທະຫານຂອງຈາກພື້ນຂັດແຍ່ງຢູ່ເຂດຊາຍແດນ ແຂວງອັດຕະປື ຂອງລາວ ແລະ ແຂວງ ຊຽງແຕຼງ ຂອງກໍາປູເຈຍ ຫລັງຈາກທີ່ມີການປະຊຸມສຸກເສີນຂຶ້ນຢູ່ນະຄອນຫລວງວຽງຈັນ ໃນວັນທີ 12 ສິງຫາ. 2017

ຖະແຫລງການຂອງ ທ່ານ ທອງລຸນ ສີສຸລິດ ນາຍົກລັດມົນຕີ ສປປລາວ: “ຂ້າພະເຈົ້າ ກັບ ນາຍົກລັດມົນຕີຮຸນເຊນ ໄດ້ພົບປະຫາລືກັນ ອີງໃສ່ລະຫວ່າງສອງ ນາຍົກ ເພື່ອປຶກສາຫາລືກັນແກ້ໄຂບັນຫາທີ່ເຄັ່ງຕຶງ ຢູ່ຊາຍແດນ ລະຫວ່າງລາວ ແລະ ກໍາປູເຈຍ ທີ່ຢູ່ລະຫວ່າງ ແຂວງ ອັດຕະປື ກັບ ແຂວງ ຊຽງແຕງເນາະ.”
“ຂ້າພະເຈົ້າ ໄດ້ສະແດງຄວາມຊົມເຊີຍ ແລະ ຍິນດີ ຕ້ອນຮັບຢ່າງອົບອຸ່ນ ຕໍ່ການມາຢ້ຽມຢາມຢ່າງກະທັນຫັນໃນຄັ້ງນີ້ ຂອງນາຍົກລັດຖະມົນ ຮຸນເຊນ ນັ້ນສະແດງເຖີງວ່າ ການພົວພັນມິດຕະພາບ ການຮ່ວມມືຢ່າງໃກ້ຊິດ ລະຫ່ວາງ ສອງລັດບານ ສອງປະຊາຊົນຂອງພວກເຮົາ.”
“ໂດຍສະເພາະການພົວພັນສ່ວນຕົວ ລະຫ່ວາງ ຂ້າພະເຈົ້າກັບ ນາຍົກຮຸນເຊນນັ້ນ ສາມາດປຶກສາຫາລື ແກ້ໄຂບັນຫານຳກັນທຸກບັນຫາທີ່ເກີດຂຶ້ນ.”
“ກ່ອນອື່ນ ຂ້າພະເຈົ້າ ແລະ ສົມເດັດ ນາຍົກຮຸນເຊນ ປຶກສານຳກັນວ່າ ສະພາບຄວາມເຄັ່ງຕຶງທີ່ຈະເກີດຂຶ້ນຢູ່ເຂດນັ້ນ ຕ້ອງໄດ້ແກ້ໄຂນຳກັນຢ່າງເອົາໃຈໃສ່ ບໍ່ໃຫ້ມັນເກີດຂຶ້ນ.”
“ເປັນໜ້າເສຍດາຍ ທີ່ກ່ອນນີ້ ຂ້າພະເຈົ້າຍັງບໍ່ທັນໄດ້ຮັບຈົດໝາຍ ຂອງນາຍົກລັດຖະມົນຕີຮຸນ ເຊັນ ໄດ້ຮັບຈົດໝາຍຊ້າ ກະເລີຍບໍ່ໄດ້ຕອບຈົດໝາຍຂອງນາຍົກຮຸນເຊນ.”
“ແຕ່ເຖີງຢ່າງໃດກໍຕາມ ມື້ນີ້ ພວກເຮົາປຶກສາຫາລື ກັນຢ່າງກົງໄປກົງມາ ດ້ວຍຄວາມເປັນມິດ ເພື່ອເຮັດໃຫ້ສະຖານະການຢູ່ເຂດນັ້ນ ບໍ່ໃຫ້ມີຄວາມເຄັ່ງຕຶງ ແລະ ບໍ່ກ້າວໄປເຖີງການໃຊ້ກຳລັງຕໍ່ກັນໄດ້.”
“ຂ້າພະເຈົ້າ ແລະ ສົມເດັດນາຍົກຮຸນເຊັນ ໄດ້ຕົກລົງກັນວ່າ ຝ່າຍລາວຈະຖອນກຳລັງ ທີ່ບໍ່ທັນຖອນໝົດ ພາຍຫລັງສົມເດັດນາຍົກຮຸນເຊນ ທີ່ສັ່ງໃຫ້ຢຸດ ໃນການສ້າງເສັ້ນທາງເຂົ້າໄປເຂດນັ້ນ.”
“ຂ້າພະເຈົ້າໄດ້ສັ່ງໃຫ້ ພາກສ່ວນທີ່ກ່ຽວຂ້ອງໃຫ້ຖອນອອກໝົດ ບໍ່ໃຫ້ເກີນຕອນເຊົ້າຂອງມື້ອື່ນ (13 ສິງຫາ) ອັນທີ່ສອງ ສົມເດັດ ນາຍົກຮຸນເຊນ ກໍໄດ້ສັ່ງໃຫ້ກຳລັງ ທີ່ເອົາໄປສະດົມໄວ້ໃນເຂດນັ້ນ ແລະ ກະຖອນກຳລັງນັ້ນຄືນໄປ ເພື່ອຮັກສາສະຖານະການໃນເຂດນັ້ນ ໃຫ້ກັບເຂົ້າສູ່ຄວາມເປັນປົກກະຕິ ສ້າງຄວາມໝັ້ນໃຈໃຫ້ແກ່ປະຊາຊົນທັງສອງປະເທດຂອງພວກເຮົາ ວ່າ ຈະບໍ່ໃຫ້ເກີດເຫດການທີ່ບໍ່ພຶງປາດຖະໜາເກີດຂຶ້ນ.”
“ພວກເຮົາ ທັງສອງນາຍົກ ໄດ້ປຶກສາ ຫາລື ແລະ ຕົກລົງກັນ ວ່າ ຄະນະກຳມະການຊາຍແດນຂອງທັງສອງປະເທດ ກໍຄື ສອງກະຊວງການຕ່າງປະເທດ ຈະສືບຕໍ່ປຶກສາຫາລື ພົບປະເຈລະຈາ ແກ້ໄຂບັນຫາຊາຍແດນ ທີ່ຍັງບໍ່ທັນໄດ້ຕົກລົງປັກຫລັກນຳກັນ ໃຫ້ສຳເລັດໃຫ້ໄວ ເທົ່າທີ່ຈະໄວໄດ້ ເພື່ອສ້າງຄວາມເຂົ້າໃຈໃຫ້ໄປມໍລະດົກຕົກທອດໃຫ້ແກ່ລູກຫລາຍຂອງພວກເຮົາ.”
“ພວກເຮົາທັງສອງນາຍົກ ໄດ້ປຶກສາຫາລືກັນວ່າ ພວກເຮົາຈະສືບຕໍ່ ເພື່ອສ້າງເງື່ອນໄຂໃຫ້ມີການປຶກສາຫາລືກັນ ເປັນປົກກະຕິ ໃນເມື່ອວ່າ ມີບັນຫາທີ່ເກີດຂຶ້ນ ໃນການແກ້ໄຂບັນຫາຊາຍແດນ ທີ່ທັງສອງປະເທດ ກໍໃຫ້ອີງໃສ່ຜົນສຳເລັດທີ່ຜ່ານມາ ໃຫ້ອີງໃສ່ບັນດາເອກະສານ ທີ່ພວກເຮົາໄດ້ຕົກລົງຮັບຮອງເອົາ ລວມທັງສົນທິສັນຍາ ແລະ ແຜນທີ່ ທີ່ມີ ພວກເຮົາເອົາເປັນພື້ນເອົາເປັນພື້ນຖານປຶກສາຫາລືກັນ.”

ຂ່າວ: ອຸ່ນແກ້ວ
ລາວ ແລະ ກຳປູເຈຍ ຕົກລົງຖອນທະຫານອອກຈາກພື້ນທີ່ພິພາດຊາຍແດນ Reviewed by makarow on 3:34:00 AM Rating: 5

Contact Form

Name

Email *

Message *

Powered by Blogger.