ຂ່າວດ່ວນ

ຂ່າວອື່ນໆ

random

ນາຍົກເນັ້ນຕ້ອງປະຕິຮູບຂະແໜງ ການເງິນໃຫ້ເຂັ້ມແຂງ-


ໃນວັນທີ 7 ສິງຫານີ້, ທ່ານ ທອງລຸນ ສີສຸລິດ ນາຍົກລັດຖະ ມົນຕີໄດ້ໃຫ້ກຽດໂອ້ລົມຊີ້ນຳ ວຽກງານກະຊວງການເງິນ ໂດຍມີທ່ານ ສົມດີ ດວງດີ ຮອງ ນາຍົກລັດຖະມົນຕີ ລັດຖະມົນ ຕີກະຊວງການເງິນ, ມີຄະນະ ນຳ ພ້ອມດ້ວຍຫົວໜ້າກົມເຂົ້າ ຮ່ວມຮັບຟັງ. ໂອກາດນີ້, ທ່ານ ສົມດີ ດວງດີ ໄດ້ລາຍງານໂດຍສັງ ເຂບຕໍ່ທ່ານນາຍົກລັດຖະມົນ ຕີຊາບວ່າ: ຜ່ານການຈັດຕັ້ງປະ ຕິບັດວຽກງານການຈັດເກັບ ລາຍຮັບເຂົ້າງົບປະມານນັບ ແຕ່ວັນທີ 1 ມັງກອນ 2017 ຫາ ວັນທີ 31 ກໍລະກົດ 2017 ສາມາດສັງລວມໂຕເລກເບື້ອງ ຕົ້ນກ່ຽວກັບການຈັດເກັບລາຍ ຮັບເຂົ້າງົບປະມານໄດ້ທັງໝົດ 12.472 ຕື້ກ່ວາກີບ ເທົ່າກັບ 52,09% ຂອງແຜນການປີ ໃນ ນັ້ນ ລາຍຮັບຈາກການຊ່ວຍ ເຫຼືອ 1.380 ຕື້ກ່ວາກີບ ເທົ່າ ກັບ 55,7% ຂອງແຜນການປີ, ລາຍຮັບພາຍໃນ 11.920 ຕື້ ກ່ວາກີບ ເທົ່າກັບ 51,7% ຂອງ ແຜນການປີ, ສູນກາງປະຕິບັດ ລາຍຮັບໄດ້ 51,4% ຂອງແຜນ ການປີ, ທ້ອງຖິ່ນປະຕິບັດລາຍ ຮັບໄດ້ 52,7% ຂອງແຜນການ ປີ ຖ້າແຍກຕາມປະເພດລາຍ ຮັບຂະແໜງສ່ວຍສາອາກອນ ປະຕິບັດໄດ້ 47,54% ຂອງແຜນ ການປີ, ຂະແໜງພາສີປະຕິບັດ ໄດ້ 56,46% ຂອງແຜນການ ປີ, ລາຍຮັບຈາກການຄຸ້ມຄອງ ພັດທະນາວິສາຫະກິດ ແລະ ການປະກັນໄພປະຕິບັດໄດ້ 71,3% ຂອງແຜນການປີ, ກົມ ຄຸ້ມຄອງຊັບສິນຂອງລັດ ປະຕິ ບັດໄດ້ 44% ຂອງແຜນການປີ ແລະ ລາຍຮັບອື່ນໆຈຳນວນໜຶ່ງ. ດ້ານລາຍຈ່າຍໃນ 7 ເດືອນ ປີ 2017 (ວັນທີ 1 ມັງກອນ 2017 ຫາ ວັນທີ 31 ກໍລະກົດ 2017) ສາມາດປະຕິບັດລາຍ ຈ່າຍໄດ້ທັງໝົດ 16.294,58 ຕື້ກ່ວາກີບ ເທົ່າກັບ 50,28% ຂອງແຜນການປີ ໃນນີ້ ສູນກາງ ປະຕິບັດລາຍຈ່າຍທັງໝົດ 11.380 ຕື້ກ່ວາກີບ ເທົ່າກັບ 48,83% ຂອງແຜນການປີ, ທ້ອງຖິ່ນປະຕິບັດລາຍຈ່າຍ 4.914 ຕື້ກ່ວາກີບ ເທົ່າກັບ 54% ຂອງແຜນການປີ ສັງ ລວມແລ້ວ ການຈັດຕັ້ງປະຕິບັດລາຍຈ່າຍ ເປັນບຸລິມະສິດທີ່ຈຳເປັນສາ ມາດຈັດຕັ້ງປະຕິບັດຕາມຄາດ ໝາຍຢ່າງເປັນປົກກະຕິເປັນ ຕົ້ນ: ການເບີກຈ່າຍເງິນເດືອນ, ເງິນອຸດໜູນທັງສູນກາງ ແລະ ທ້ອງຖິ່ນໄດ້ສຳເລັດໂດຍພື້ນ ຖານຮອດເດືອນກໍລະກົດ 2017, ສ່ວນໜີ້ສິນຕ່າງປະ ເທດສາມາດຈ່າຍຕາມກຳນົດ ຄົບຖ້ວນຕາມສັນຍາ, ເງິນບໍລິ ຫານຊື້ໃໝ່, ຈ່າຍລົງທຶນພາຍ ໃນ, ສຳລັບແຫຼ່ງດຸ່ນດ່ຽງໃນ 7 ເດືອນປີ 2017 ສາມາດປະຕິ ບັດໄດ້ 3.822 ຕື້ກວ່າກີບ.

ສ່ວນແຜນການຄາດຄະ ເນການຈັດຕັ້ງປະຕິບັດແຜນ ງົບປະມານແຫ່ງລັດໝົດປີ 2017 ຈະສູ້ຊົນຈັດເກັບລາຍ ຮັບໃຫ້ໄດ້ 23.489 ຕື້ກີບ, ເທົ່າ 98,1% ຂອງແຜນການປີນີ້, ລາຍຮັບຈາກການຊ່ວຍເຫຼືອ 2.566 ຕື້ກີບ, ເທົ່າກັບ 103,56% ຂອງແຜນການປີ, ລາຍຮັບພາຍໃນມາຈາກການ ເກັບພາສີ, ອາກອນ, ຄຸ້ມຄອງ ພັດທະນາວິສາຫະກິດ ແລະ ການປະກັນໄພ, ຄຸ້ມຄອງຊັບ ສິນ ແລະ ອື່ນໆ 20.923 ຕື້ ກີບ, ເທົ່າກັບ 97,5% ຂອງ ແຜນການປີ. ໂອກາດດັ່ງກ່າວ, ທ່ານນາ ຍົກລັດຖະມົນຕີໄດ້ສະແດງ ຄວາມຊົມເຊີຍຜົນງານການ ຈັດຕັ້ງປະຕິບັດວຽກງານຂອງ ກະຊວງການເງິນໃນໄລຍະ ຜ່ານມາ ໂດຍສະເພາະການ ຈັດຕັ້ງປະຕິບັດວຽກງານການ ຈັດເກັບລາຍຮັບເຂົ້າງົບປະ ມານໃນ 7 ເດືອນປີ 2017 (ວັນທີ 1 ມັງກອນ 2017 ຫາ ວັນທີ 31 ກໍລະກົດ 2017) ແລະ ໃນຕໍ່ໜ້າຂະແໜງການ ເງິນຕ້ອງເອົາໃຈໃສ່ຢ່າງຈິງຈັງ ໃນການຈັດຕັ້ງປະຕິບັດແຜນ ງົບປະມານແຫ່ງລັດປີ 2017 ໂດຍຂຸ້ນຂ້ຽວຈັດຕັ້ງປະຕິບັດ ເພື່ອໃຫ້ຮອດປີ 2020 ເຮັດໃຫ້ ແຜນພັດທະນາເສດຖະກິດ - ສັງຄົມ 5 ປີສາມາດຈັດຕັ້ງປະ ຕິບັດໃຫ້ໄດ້ຢ່າງມີຜົນສຳເລັດ ຕາມມະຕິກອງປະຊຸມໃຫຍ່ຄັ້ງ ທີ X ຂອງພັກວາງໄວ້ ແລະ ປະເທດຊາດຫຼຸຸດພົ້ນອອກຈາກ ປະເທດດ້ອຍພັດທະນາ, ພ້ອມ ກັນນີ້ໃຫ້ຊອກຄົ້ນທ່າແຮງໃນ ແຕ່ລະຂະແໜງການ ແລະ ໃຫ້ ທຸກພາກສ່ວນທີ່ກ່ຽວຂ້ອງເອົາ ໃຈໃສ່ຕິດຕາມເສດຖະກິດມະ ຫາພາກຢ່າງເປັນປົກກະຕິ, ມີ ມາດຕະການຮັດກຸມໃນການ ຈັດຕັ້ງປະຕິບັດວຽກງານຂະ ແໜງການເງິນ.

ທ່ານນາຍົກລັດຖະມົນຕີ ຍັງເນັ້ນຕື່ມອີກວ່າ: ແຕ່ນີ້ຮອດ ທ້າຍປີ 2017 ກະຊວງການເງິນ ຕ້ອງໄດ້ປະຕິຮູບຂະແໜງການ ເງິນ ເພາະບັນຫາຂະແໜງການ ເງິນຄືປັດໄຈຕັດສິນວຽກງານ ຕ່າງໆ ແລະ ໃຫ້ເອົາໃຈໃສ່ຈັດ ຕັ້ງປະຕິບັດການຈັດເກັບລາຍ ຮັບເຂົ້າງົບປະມານຢ່າງມີແບບ ແຜນ, ພ້ອມທັງສ້າງກົນໄກ ຕ່າງໆໃນການບໍລິຫານການ ເງິນຢ່າງເຂັ້ມແຂງ ທັງນີ້, ກໍ ເພື່ອບໍ່ໃຫ້ງົບປະມານຮົ່ວໄຫຼ ເຮັດໃຫ້ແຜນງົບປະມານສາ ມາດຈັດຕັ້ງປະຕິບັດໄດ້ຕາມ ຄາດໝາຍ.
ນາຍົກເນັ້ນຕ້ອງປະຕິຮູບຂະແໜງ ການເງິນໃຫ້ເຂັ້ມແຂງ- Reviewed by steve jobs on 11:39:00 PM Rating: 5

Contact Form

Name

Email *

Message *

Powered by Blogger.