ຂ່າວດ່ວນ

ຂ່າວອື່ນໆ

random

ທ່ານ ບຸນທອງ ຈິດມະນີ ຕ້ອນຮັບຄະນະຜູ້ແທນພັກກອມມູນິດຈີນ



    ສະຫາຍ ບຸນທອງ ຈິດມະນີ ກຳມະການກົມການເມືອງສູນ ກາງພັກ, ຮອງນາຍົກລັດຖະ ມົນຕີ, ປະທານຄະນະກວດກາ ສູນກາງພັກ ໄດ້ຕ້ອນຮັບການ ເຂົ້າຢ້ຽມຂ່ຳນັບຂອງ ສະຫາຍ ຈູ ກົວຊຽນ (Zhu Guoxian), ຫົວໜ້າຫ້ອງການໂຄສະນາ ອົບຮົມຄະນະກວດກາສູນກາງ ພັກກອມມູນິດຈີນ ພ້ອມດ້ວຍ ຄະນະ ໃນວັນທີ 21 ສິງຫາຜ່ານ ມານີ້, ທີ່ຄະນະກວດກາສູນກາງພັກ, ໃນໂອ ກາດທີ່ຄະນະຜູ້ແທນດັ່ງ ກ່າວ ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ແຕ່ວັນທີ 20-24 ສິງຫາ 2017. ສະຫາຍ ບຸນທອງ ຈິດມະ ນີ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການມາຢ້ຽມ ຢາມ ແລະ ເຮັດວຽກຂອງຄະນະ ຜູ້ແທນຢູ່ ສປປ ລາວ ໃນຄັ້ງນີ້ ຊຶ່ງເປັນໂອກາດດີໃຫ້ແກ່ພະ ນັກງານຂອງສອງຝ່າຍ ລາວ- ຈີນ ໄດ້ແລກປ່ຽນບົດຮຽນຮ່ວມ ກັນ, ທັງເປັນການປະກອບ ສ່ວນອັນສຳຄັນເຂົ້າໃນການ ເພີ່ມທະວີສາຍພົວພັນມິດຕະ ພາບອັນເປັນມູນເຊື້ອ ແລະ ການຮ່ວມມືແບບຍຸດທະສາດ ຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງ ຊາດລາວ-ຈີນ ໃຫ້ນັບມື້ນັບ ແຕກດອກອອກຜົນຍິ່ງໆຂຶ້ນ. ສະຫາຍ ບຸນທອງ ຈິດມະນີ ຍັງ ໄດ້ແຈ້ງໃຫ້ຊາບເຖິງສະພາບ ການທີ່ພົ້ນເດັ່ນໃນການພັດທະ ນາເສດຖະກິດ-ສັງຄົມຂອງ ສປປ ລາວ ແລະ ສະແດງຄວາມ ຊົມເຊີຍຕໍ່ບັນດາຜົນສຳເລັດ ອັນໃຫຍ່ຫຼວງ ແລະ ຮອບດ້ານ ທີ່ພັກ, ລັດ ແລະ ປະຊາຊົນຈີນ ຍາດມາໄດ້ຕະຫຼອດໄລຍະທີ່ ຜ່ານມາ, ໂດຍສະເພາະແມ່ນ ການຈັດຕັ້ງຜັນຂະຫຍາຍມະຕິ ກອງປະຊຸມໃຫຍ່ ຄັ້ງທີ 18 ຂອງພັກກອມມູນິດຈີນ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 13 ຂອງ ສປ ຈີນ ແລະ ສະແດງຄວາມເຊື່ອ ໝັ້ນວ່າ ພາຍໃຕ້ການຊີ້ນຳ-ນຳ ພາອັນໜັກແໜ້ນຂອງພັກກອມ ມູນິດຈີນ ອັນມີສະຫາຍ ສີຈິ້ນ ຜິງ ເປັນແກນກາງນັ້ນ, ສປ ຈີນ ຈະສາມາດບັນລຸຍຸດທະສາດ 4 ດ້ານ, ເປົ້າໝາຍສູ້້ຊົນ “100 ປີ ສອງເຫດການ” ແລະ ຄວາມມູ່ງຫວັງຂອງຈີນ ໃນ ການຟື້ນຟູຄວາມສີວິໄລຮຸ່ງ ເຮືອງຂອງເຊື້ອຊາດຈີນ, ສ້າງ ສັງຄົມອີ່ມໜຳສຳລານຮອບ ດ້ານ ແລະ ສືບຕໍ່ນຳເອົາປະ ເທດກ້າວຂຶ້ນສັງຄົມນິຍົມຕາມ ສີສັນພິເສດຂອງ ສປ ຈີນ ຢ່າງ ໜັກແໜ້ນ. ສະຫາຍ ຈູ ກົວຊຽນ ໄດ້ ສະແດງຄວາມຂອບໃຈຕໍ່ສະ ຫາຍ ບຸນທອງ ຈິດມະນີ ທີ່ໃຫ້ ກຽດຕ້ອນຮັບຄະນະໃນຄັ້ງນີ້. ພ້ອມທັງຕີລາຄາສູງຕໍ່ຜົນສຳ ເລັດໃນການສ້າງສາພັດທະນາ ທີ່ພັກ, ລັດ ແລະ ປະຊາຊົນ ລາວຍາດມາໄດ້ໃນໄລຍະທີ່ ຜ່ານມາ, ທ່ານ ຈູ ກົວຊຽນ ຍັງໄດ້ແຈ້ງໃຫ້ຊາບກ່ຽວກັບຜົນ ການພົບປະເຮັດວຽກກັບຜູ້ຕາງ ໜ້າຈາກພາກສ່ວນທີ່ກ່ຽວຂ້ອງ ຂອງລາວ ແລະ ໄດ້ແຈ້ງສະ ພາບການພົ້ນເດັ່ນຂອງພັກ ແລະ ລັດຖະບານຈີນ ໃນໄລຍະ ມໍ່ໆມານີ້, ໂດຍສະເພາະໄດ້ ແຈ້ງເນື້ອໃນຫຍໍ້ກ່ຽວກັບການ ຄຸ້ມຄອງພັກ, ການບໍລິຫານປະ ເທດຂອງ ສະຫາຍ ສີຈິ້ນຜິງ ເລຂາທິການໃຫຍ່, ປະທານ ປະເທດຈີນ. ໃນວັນດຽວກັນ ທີ່ສຳນັກ ງານຄະນະພົວພັນຕ່າງປະ ເທດສູນກາງພັກ, ຄະນະຜູ້ແທນ ດັ່ງກ່າວຍັງໄດ້ພົບປະເຮັດວຽກ ກັບບັນດາສະຫາຍຜູ້ຕາງໜ້າ ຈາກ ຄະນະກວດກາສູນກາງ ພັກ, ຄະນະຈັດຕັ້ງສູນກາງພັກ ແລະ ຄະນະພົວພັນຕ່າງປະ ເທດສູນກາງພັກ ຊຶ່ງນຳໂດຍ ສະຫາຍ ສົມພອນ ສີຈະເລີນ ຮອງຫົວໜ້າຄະນະພົວພັນຕ່າງ ປະເທດສູນກາງພັກ. ໃນການ ພົບປະສອງຝ່າຍ ໄດ້ແຈ້ງໃຫ້ ກັນຊາບກ່ຽວກັບສະພາບພົ້ນ ເດັ່ນໃນການຈັດຕັ້ງມະຕິກອງ ປະຊຸມໃຫຍ່ຂອງພັກຕົນໃນໄລ ຍະຜ່ານມາ, ສະພາບການພັດ ທະນາເສດຖະກິດ-ສັງຄົມ ຂອງສອງປະເທດ, ໄດ້ແຈ້ງໃຫ້ ຄະນະຊາບກ່ຽວກັບບົດຮຽນ ການດຳເນີນຊີວິດການເມືອງ ປັບປຸງປົວແປງພັກ, ວຽກງານ ກໍ່ສ້າງພັກພະນັກງານ ແລະ ອື່ນໆ ເພື່ອເປັນການແລກປ່ຽນ ແລະ ຖອດຖອນບົດຮຽນຮ່ວມ ກັນ, ທັງເປັນການປະກອບ ສ່ວນອັນສຳຄັນເຂົ້າໃນການ ເສີມຂະຫຍາຍສາຍພົວພັນ ມິດຕະພາບອັນເປັນມູນເຊື້ອ ແລະ ການຮ່ວມມືແບບຄູ່ຮ່ວມ ຍຸດທະ ສາດຮອບດ້ານໝັ້ນຄົງ ຍາວນານຕາມທິດ 4 ດີ ລະ ຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຈີນ. ໃນໄລຍະຢ້ຽມຢາມ ແລະ ເຮັດວຽກຢູ່ ສປປ ລາວ, ຄະນະ ຍັງໄດ້ຈັດປາຖະກະຖາບົດຮຽນ ໃນການຄຸ້ມຄອງພັກ ແລະ ການ ບໍລິຫານລັດ 2 ຄັ້ງ ຢູ່ທີ່ຫ້ອງວ່າ ການສູນກາງພັກ ແລະ ຄະນະ ໂຄສະນາອົບຮົມສູນກາງພັກ ໂດຍໄດ້ປິ່ນອ້ອມ 2 ຫົວຂໍ້ໃຫຍ່ ຄື: 1. “ທັດສະນະໃໝ່, ແນວຄິດ ໃໝ່ ແລະ ຍຸດທະສາດໃໝ່ໃນ ການປົກຄອງລັດບໍລິຫານປະ ເທດ ຂອງສະຫາຍເລຂາທິ ການໃຫຍ່ ສີຈິ້ນຜິງ” ແລະ 2. “ວິທີການ ແລະ ບົດຮຽນ ໃນການຄຸ້ມຄອງພັກຂອງພັກ ກອມມູນິດຈີນ ໃນການຢຶດ ໝັ້ນ ແລະ ພັດທະນາສັງຄົມ ນິຍົມທີ່ມີສີສັນພິເສດຂອງ ຈີນ” ໂດຍມີການນຳຈາກບັນດາ ກະຊວງ, ອົງການຈັດຕັ້ງຂັ້ນສູນ ກາງ ແລະ ນະຄອນຫຼວງ ເຂົ້າ ຮ່ວມຮັບຟັງ. ນອກຈາກນັ້ນ, ຄະນະຍັງໄດ້ຢ້ຽມຢາມພື້ນຖານ ການຜະລິດ, ສະຖານທີ່ສຳຄັນ ທາງດ້ານປະຫວັດສາດ ແລະ ວັດທະນະທຳ ຈຳນວນໜຶ່ງຢູ່ ນະຄອນຫຼວງວຽງຈັນ ແລະ ແຂວງຫຼວງພະບາງຕື່ມອີກ.
ທ່ານ ບຸນທອງ ຈິດມະນີ ຕ້ອນຮັບຄະນະຜູ້ແທນພັກກອມມູນິດຈີນ Reviewed by makarow on 6:11:00 PM Rating: 5

Contact Form

Name

Email *

Message *

Powered by Blogger.