ຂ່າວດ່ວນ

ຂ່າວອື່ນໆ

random

ລັດຖະມົນຕີກະຊວງການຕ່າງປະເທດ ຕ້ອນຮັບທູດຈີນ ປະຈຳລາວຄົນໃໝ່



    ທ່ານ ສະເຫຼີມໄຊ ກົມມະ ສິດ ລັດຖະມົນຕີກະຊວງການ ຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳ ນັບຂອງທ່ານ ຫວັງ ເຫວີນທຽນ ເອກອັກຄະລັດຖະທູດວິສາມັນ ຜູ້ມີອຳນາດເຕັມ ແຫ່ງ ສປ ຈີນ ປະຈຳ ສປປ ລາວ ຄົນໃໝ່ ໃນ ວັນທີ 18 ສິງຫານີ້ ທີ່ກະຊວງ ການຕ່າງປະເທດ. ໃນໂອກາດນີ້, ທ່ານ ສະເຫຼີມໄຊ ກົມມະສິດ ໄດ້ສະແດງຄວາມ ຍິນດີຕ້ອນຮັບ ແລະ ຊົມເຊີຍຕໍ່ ທ່ານທູດທີ່ໄດ້ຖືກແຕ່ງຕັ້ງໃຫ້ມາດຳລົງຕຳແໜ່ງເປັນເອກອັກ ຄະລັດຖະທູດ ແຫ່ງ ສປ ຈີນ ປະຈຳ ສປປ ລາວ.

ພ້ອມທັງ ໄດ້ຕີລາຄາສູງຕໍ່ສາຍພົວພັນ ມິດຕະພາບອັນເປັນມູນເຊື້ອ ແລະ ການຮ່ວມມືແບບຄູ່ຮ່ວມ ມືຍຸດທະສາດຮອບດ້ານໝັ້ນ ຄົງຍາວນານ ແລະ ຄູ່ຮ່ວມຊາ ຕາກຳດຽວກັນລະຫວ່າງ ສປປ ລາວ-ສປ ຈີນ ທີ່ໄດ້ຮັບການ ເສີມຂະຫຍາຍຢ່າງຕໍ່ເນື່ອງ ແລະ ເຂົ້າສູ່ລວງເລິກເປັນກ້າວໆ ໂດຍເຫັນໄດ້ຈາກການສ້າງ ຄວາມໄວ້ເນື້ອເຊື່ອໃຈ, ການສະ ໜັບສະໜູນ ແລະ ການຊ່ວຍ ເຫຼືອເຊິ່ງກັນ ແລະ ກັນ ໃນ ຂອບສອງຝ່າຍ ແລະ ຫຼາຍ ຝ່າຍ, ການແລກປ່ຽນການຢ້ຽມ ຢາມຂອງຄະນະຜູ້ແທນຂັ້ນສູງ ລະຫວ່າງສອງປະເທດຢ່າງ ເປັນປົກກະຕິ, ການຂະຫຍາຍ ຕົວທາງດ້ານການພົວພັນຮ່ວມ ມືໃນຂະແໜງເສດຖະກິດ-ການຄ້າ, ການລົງທຶນ ແລະ ການທ່ອງທ່ຽວ ແລະ ການ ຮ່ວມມືຢ່າງສະໜິດແໜ້ນຂອງ ສອງກະຊວງການຕ່າງປະ ເທດ.

ທ່ານ ສະເຫຼີມໄຊ ກົມມະ ສິດ ຍັງໄດ້ສະແດງຄວາມຂອບ ໃຈລັດຖະບານ ສປ ຈີນ ຕໍ່ການ ຕ້ອນຮັບ ແລະ ອຳນວຍຄວາມ ສະດວກດ້ານຕ່າງໆໃຫ້ແກ່ ການນຳຂັ້ນສູງຂອງ ສປປ ລາວ ໃນການເຄື່ອນໄຫວຢ້ຽມຢາມ ແລະ ເຂົ້າຮ່ວມກອງປະຊຸມ ຕ່າງໆທີ່ ສປ ຈີນ ເປັນເຈົ້າພາບ. ພ້ອມທັງສະແດງຄວາມຊົມ ເຊີຍຕໍ່ຜົນສຳເລັດອັນຈົບງາມ ໃນການເປັນເຈົ້າພາບຈັດກອງ ປະຊຸມຄັ້ງປະຖົມມະລືກເວທີ ປຶກສາຫາລືວ່າດ້ວຍການຮ່ວມ ມືສາກົນ ໜຶ່ງແລວທາງ ໜຶ່ງ ເສັ້ນທາງ ຂອງ ສປ ຈີນ ໃນ ເດືອນພຶດສະພາທີ່ຜ່ານມາ.

ໃນ ມໍ່ໆມານີ້ ໝາກຜົນແຫ່ງການ ພົວພັນຮ່ວມມືຂອງສອງຝ່າຍ ຍິ່ງໄດ້ຮັບຜົນສຳເລັດເພີ່ມຂຶ້ນ ໂດຍສະເພາະແມ່ນຄວາມຄືບ ໜ້າຂອງການສ້າງທາງລົດໄຟ ລາວ-ຈີນ, ທີ່ເປັນໂຄງການຍຸດ ທະສາດສຳຄັນທີ່ຈະປະກອບ ສ່ວນໃນການສ້າງສາພັດທະນາ ເສດຖະກິດສັງຄົມຂອງ ສປປ ລາວ ແລະ ການເຊື່ອມຈອດ ໃນພາກພື້ນທີ່ສຳຄັນ.

ໃນຕອນທ້າຍ, ທ່ານ ລັດ ຖະມົນຕີກະຊວງການຕ່າງປະ ເທດ ໄດ້ສະແດງຄວາມເຊື່ອ ໝັ້ນວ່າ ໃນໄລຍະທີ່ທ່ານທູດ ປະຕິບັດໜ້າທີ່ຢູ່ ສປປ ລາວ ໃນຄັ້ງນີ້, ທ່ານຈະສືບຕໍ່ເຄື່ອນ ໄຫວຊຸກຍູ້ຮັດແໜ້ນສາຍພົວ ພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດຮອບ ດ້ານລະຫວ່າງສອງພັກ, ສອງ ລັດ ແລະ ປະຊາຊົນສອງຊາດ ລາວ-ຈີນ ທີ່ມີມານັ້ນ ໃຫ້ຈະ ເລີນງອກງາມຂຶ້ນເລື້ອຍໆ ເພື່ອ ນຳເອົາຜົນປະໂຫຍດຕົວຈິງ ມາສູ່ປະຊາຊົນສອງຊາດ ກໍຄື ເພື່ອສັນຕິພາບ ແລະ ການພັດ ທະນາຂອງພາກພື້ນ. ທ່ານ ຫວັງ ເຫວີນທຽນ ກໍ ໄດ້ສະແດງຄວາມຂອບໃຈຕໍ່ ທ່ານລັດຖະມົນຕີທີ່ໄດ້ໃຫ້ກຽດ ຕ້ອນຮັບ, ພ້ອມທັງໄດ້ສະແດງ ຄວາມໝາຍໝັ້ນວ່າຈະປະ ກອບສ່ວນທຸກຄວາມສາມາດ ຂອງຕົນໃນການຊຸກຍູ້ສົ່ງເສີມ ການພົວພັນ ແລະ ຮ່ວມມືສອງ ຝ່າຍກໍຄືການປະຕິບັດວຽກງານ ການທູດຢູ່ ສປປ ລາວ ໃນຄັ້ງນີ້ ໃຫ້ມີຜົນສຳເລັດຢ່າງຈົບງາມ.
ລັດຖະມົນຕີກະຊວງການຕ່າງປະເທດ ຕ້ອນຮັບທູດຈີນ ປະຈຳລາວຄົນໃໝ່ Reviewed by makarow on 10:05:00 PM Rating: 5

Contact Form

Name

Email *

Message *

Powered by Blogger.