ຂ່າວດ່ວນ

ຂ່າວອື່ນໆ

random

-ລັດຖະມົນຕີການຕ່າງປະເທດຈີນແລະລາວພົບປະກັນຢູ່ຟີລິບປີນ-


ວັນທີ 6 ສິງຫານີ້, ທ່ານຫວາງຢີ້ ລັດຖະມົນຕີກະຊວງການຕ່າງປະເທດຈີນໄດ້ພົບປະກັບທ່ານສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວຢູ່ນະຄອນຫຼວງມະນີລາ ປະເທດຟີລິບປີນກ່ອນເຂົ້າຮ່ວມກອງປະຊຸມລັດຖະມົນຕີການຕ່າງປະເທດອາຊີຕາເວັນອອກ.

ທ່ານຫວາງຢີ້ກ່າວວ່າ, ຈີນແລະລາວໄດ້ເຂົ້າໃຈ, ໄວ້ເນື້ອເຊື່ອໃຈກັນແລະສະໜັບສະໜູນເຊິ່ງກັນແລະກັນຕະຫຼອດມາ, ຈີນຍິນດີສືບຕໍ່ຊ່ວຍເຫຼືອລາວເລັ່ງພັດທະນາປະເທດຊາດແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ. ປີຜ່ານມາສອງປະເທດໄດ້ຮ່ວມມືຢ່າງໃກ້ຊິດ, ຜ່ານຜ່າຄວາມຫຍຸ້ງຍາກແລະໄດ້ຊຸກຍູ້ສາຍພົວພັນລະຫວ່າງຈີນ-ລາວແລະຈີນ-ອາຊຽນໃຫ້ໄດ້ຮັບຄວາມຄືບໜ້າໃໝ່. ແນວໃດກໍດີຫວັງວ່າກອງປະຊຸມລັດຖະມົນຕີກະຊວງການຕ່າງປະເທດຕ່າງໆຂອງການຮ່ວມມືອາຊີຕາເວັນອອກຈະສອດຄ່ອງກັບໝາກຜົນທີ່ສຳຄັນຂອງການພົວພັນລະຫວ່າງຈີນ-ອາຊຽນລວມທັງບັນຫາທະເລຈີນໃຕ້ຢ່າງພາວະວິໄສ, ເພື່ອສົ່ງສັນຍານທີ່ດີໃຫ້ແກ່ຝ່າຍນອກ.

ທ່ານສະເຫຼີມໄຊ ກ່າວວ່າ, ລາວຈີນແມ່ນຄູ່ຮ່ວມມືຍຸດທະສາດທີ່ມີໄມຕີຈິດຍາວນານ, ມີການໄປມາຫາສູ່ກັນລະດັບສູງເລື້ອຍໆ. ທັງຂອບໃຈລັດຖະບານແລະປະຊາຊົນຈີນທີ່ຊ່ວຍເຫຼືອແລະສະໜັບສະໜູນການພັດທະນາລາວ, ລວມທັງສະໜັບສະໜູນວຽກງານຂອງລາວໃນຖານະເປັນປະເທດປະທານໝູນວຽນອາຊຽນໃນປີຜ່ານມາ. ລາວຈະຮ່ວມກັບຈີນແລະປະເທດອາຊຽນ, ຈັດກອງປະຊຸມລັດຖະມົນຕີກະຊວງການຕ່າງປະເທດຂອງການຮ່ວມມືອາຊີຕາເວັນອອກໃຫ້ດີ, ຫຼີກເວັ້ນບໍ່ໃຫ້ປັດໄຈຫຍໍ້ທໍ້ຈຳນວນໜຶ່ງກະທົບຕໍ່ທ່າອຽງຂະຫຍາຍຕົວສາຍພົວພັນທີ່ດີງາມຂອງສອງຝ່າຍ.
-ລັດຖະມົນຕີການຕ່າງປະເທດຈີນແລະລາວພົບປະກັນຢູ່ຟີລິບປີນ- Reviewed by steve jobs on 11:38:00 PM Rating: 5

Contact Form

Name

Email *

Message *

Powered by Blogger.