ຂ່າວດ່ວນ

ຂ່າວອື່ນໆ

random

ເປີດການນຳໃຊ້ເຂື່ອນໄຟຟ້າເຊນ້ຳນ້ອຍ 2ແລະ ເຊກະຕຳ 1 ຢ່າງເປັນທາງການ



    ພິທີໄຂການນຳໃຊ້ເຂື່ອນ ໄຟຟ້າເຊນ້ຳນ້ອຍ 2 ແລະ ເຊກະຕຳ 1 ຢ່າງເປັນທາງການ ໄດ້ຈັດຂຶ້ນໃນວັນທີ 1 ກັນຍາ ຜ່ານມານີ້ ທີ່ເມືອງປາກຊ່ອງ ແຂວງຈຳປາສັກ, ເປັນກຽດເຂົ້າ ຮ່ວມມີທ່ານ ສອນໄຊ ສີພັນ ດອນ ກຳມະການກົມການ ເມືອງສູນກາງພັກ ຮອງນາຍົກ ລັດຖະມົນຕີ, ມີບັນດາທ່ານລັດ ຖະມົນຕີ, ຮອງລັດຖະມົນຕີ, ທ່ານເຈົ້າແຂວງ, ຮອງເຈົ້າແຂວງ, ທ່ານປະທານບໍລິສັດບີຄຣີມ ກຣຸບ ຈຳກັດ ແລະ ບໍລິສັດເອັສ ວີ ກຣຸບ ພ້ອມແຂກຖືກເຊີນ ເຂົ້າຮ່ວມ.

ທ່ານ ໄຊສົງຄາມ ວໍລະຈິດ ປະທານບໍລິສັດເອັສວີ ກຣຸບ ໄດ້ກ່າວວ່າ: ໂຄງການເຂື່ອນ ໄຟຟ້າເຊນ້ຳນ້ອຍ 2 ແລະ ເຊ ກະຕຳ 1 ໄດ້ຮັບອະນຸຍາດ ຈາກການນຳແຂວງຈຳປາສັກ ໃນວັນທີ 12 ເດືອນ 6 ປີ 2012 ແລະ ເຊັນສັນຍາຊື້-ຂາຍກະແສ ໄຟຟ້າກັບ ຟຟລ ຕາມແນວ ຄວາມຄິດການສຶກສາຮູບແບບ ຂອງໂຄງການໃນເບື້ອງຕົ້ນ ຂອງເຂື່ອນເຊນ້ຳນ້ອຍ 2 ມີກຳ ລັງຕິດຕັ້ງ 1 ເຄື່ອງ x 5MW ໂດຍຜັນນ້ຳຈາກສາຂາຂອງເຊ ນ້ຳນ້ອຍ ຈຳນວນ 6ມ3/s ໂດຍຜ່ານຄອງສົ່ງນ້ຳ, ຜ່ານທໍ່ ແລະ ທໍ່ແຮງດັນໄປຫາຈັກຢູ່ ຝັ່ງເຊນ້ຳນ້ອຍ ສາມາດຜະລິດ ກະແສໄຟຟ້າໄດ້ປະມານ 30 GWH/ປີ ແລະ ເຂື່ອນໄຟຟ້າ ເຊກະຕຳ 1 ມີກຳລັງຕິດຕັ້ງ 2 ເຄື່ອງ x5MW ໂດຍຜັນນ້ຳໃນ ສາຍນ້ຳເຊກະຕຳ 1 ຈຳນວນ 12 ມ3/S ໂດຍຜ່ານທໍ່ສົ່ງນ້ຳ ແລະ ທໍ່ແຮງດັນໄປຫາໂຮງຈັກຢູ່ຝັ່ງ ເຊນ້ຳນ້ອຍ (ໂຮງຈັກໃກ້ກັບ ໂຮງຈັກເຂື່ອນໄຟຟ້າເຊນ້ຳ ນ້ອຍ 2 ), ສາມາດຜະລິດກະ ແສໄຟຟ້າໄດ້ປະມານ 60 GWH/ປີ.

ຈຳນວນເງິນລົງທຶນເບື້ອງ ຕົ້ນແມ່ນ 40 ລ້ານໂດລາສະ ຫະລັດ, ແຕ່ເພື່ອປະຢັດພື້ນທີ່ ການກໍ່ສ້າງ ໂຄງການໄດ້ຖືກ ປັບປຸງແບບທັງໝົດ 4 ຄັ້ງ ໂດຍປ່ຽນແປງຈາກແນວຄວາມ ຄິດເບື້ອງຕົ້ນມາເປັນຮູບແບບ ສຸດທ້າຍ ໂຄງການສະຫຼຸຸບໄດ້ ວ່າ: ເຂື່ອນເຊນ້ຳນ້ອຍ 2 ຍ້າຍ ທີ່ຕັ້ງ ແລະ ເພີ່ມກຳລັງຕິດຕັ້ງ ເປັນ 1 ເຄື່ອງ x6,7MW ໂດຍ ຜັນນ້ຳຈາກສາຂາຂອງເຊນ້ຳ ນ້ອຍ ຈຳນວນເທົ່າເດີມ ໂດຍ ຜ່ານຄອງສົ່ງນ້ຳ, ຜ່ານທໍ່ ແລະ ທໍ່ແຮງດັນ ໄປຫາໂຮງຈັກຢູ່ ຝັ່ງເຊນ້ຳນ້ອຍ ສາມາດຜະລິດ ກະແສໄຟຟ້າໄດ້ 40 GWH/ປີ ແລະ ເຂື່ອນໄຟຟ້າເຊກະຕຳ 1 ມີກຳລັງຕິດຕັ້ງ 2 ເຄື່ອງ x6,7 MW ໂດຍຜັນນ້ຳໃນສາຍນ້ຳ ເຊກະຕຳ 1 ໃນປະລິມານຫຼຸຸດລົງ ເຫຼືອພຽງ 11ມ3/S ໂດຍຜ່ານ ທໍ່ສົ່ງນ້ຳ ແລະ ທໍ່ແຮງດັນ ໄປ ຫາໂຮງຈັກຢູ່ຝັ່ງເຊນ້ຳນ້ອຍ (ຍ້າຍໂຮງຈັກຕິດກັບໂຮງຈັກ ຂອງເຂື່ອນໄຟຟ້າເຊນ້ຳນ້ອຍ 2 ) ສາມາດຜະລິດກະແສໄຟ ຟ້າໄດ້ປະມານ 80 GWH/ປີ. ຈຳນວນເງິນລົງທຶນ ເພີ່ມເປັນ 50 ລ້ານໂດລາສະຫະລັດ. ຕໍ່ກັບພະລັງງານ, ລາຄາ ໄຟຟ້າຕາມສັນຍາທີ່ໂຄງການ ຈະສາມາດຜະລິດໄດ້ໃນແຕ່ ລະປີ ລວມ 2 ໂຄງການປະ ມານ 120 GWH/ປີ, ຕາມລາ ຄາຊື້-ຂາຍກະແສໄຟຟ້າ 6,5 Cent $ /Kwh ມູນຄ່າຄາດ ຄະເນລາຍຮັບສະເລ່ຍຕໍ່ປີປະ ມານ 7,8 ລ້ານໂດລາສະຫະລັດ.

ພັນທະໃຫ້ລັດຖະບານ: - ຄ່າຝາກຫຼວງ (ໄລຍະ ປີທີ 1 ຫາປີທີ 15 ໂຄງການ ຈ່າຍ 1%, ໄລຍະທີ 2 ແຕ່ປີທີ 16 ຫາຄົບອາຍຸສຳປະທານ ໂຄງການ ຈ່າຍ 2% ຂອງລາຍ ຮັບໂຄງການ). - ຄ່າອາກອນກຳໄລ ໄດ້ ຮັບຍົກເວັ້ນເປັນເວລາ 6 ປີ, ຈາກນັ້ນ ເສຍຕາມກົດໝາຍ ແລະ ພັນທະອື່ນໆຕາມສັນ ຍາ. ໂຄງການມີອາຍຸສຳປະ ທານ 50 ປີ, ມີອາຍຸສັນຍາຊື້- ຂາຍກະແສໄຟຟ້າ 25 ປີ ຈະ ນັບແຕ່ມື້ຮັບຮອງ COD ຢ່າງ ເປັນທາງການ. ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງ ງານ ແລະ ບໍ່ແຮ່ໄດ້ເວົ້າວ່າ: ມາຮອດປັດຈຸບັນ ສປປ ລາວ ມີເຂື່ອນຜະລິດພະລັງງານໄຟ ຟ້າທັງໝົດ 47 ແຫ່ງ (ລວມກັບ ໂຄງການນີ້) ດ້ວຍກຳລັງຕິດ ຕັ້ງທັງໝົດ 6.456 ເມກາວັດ ແລະ ສາມາດຜະລິດພະລັງ ງານໄຟຟ້າໄດ້ເຖິງ 35.120 ກິໂລວັດໂມງຕໍ່ປີ, ປັດຈຸບັນ ມີ 53 ແຫຼ່ງຜະລິດພະລັງານ ໄຟຟ້າ, ຊຶ່ງມີກຳລັງຕິດຕັ້ງທັງ ໝົດ 6.597 ເມກາວັດ ແລະ ສາມາດຜະລິດພະລັງງານໄຟ ຟ້າໄດ້ເຖິງ 31.824 ກິກາວັດ ໂມງຕໍ່ປີ ທີ່ພວມລົງມືກໍ່ສ້າງ ແລະ ກຳລັງຈະລົງມືກໍ່ສ້າງ ຄາດຄະເນວ່າຈະສຳເລັດທັງ ໝົດຮອດປີ 2020 - 2021 ແລະ ໃນເວລານັ້ນ ສປປ ລາວ ເຮົາຈະມີແຫຼ່ງຜະລິດພະລັງ ງານໄຟຟ້າ 100 ແຫ່ງ, ມີກຳ ລັງຕິດຕັ້ງປະມານ 13.062 ເມກາວັດ ແລະ ມີກຳລັງຜະ ລິດປະມານ 66.944 ກິກາ ວັດໂມງຕໍ່ປີ. ໃນນີ້, ປະມານ 85% ຈະສົ່ງອອກໄປຈຳໜ່າຍ ຢູ່ຕ່າງປະເທດ.

ຄຽງຄູ່ກັບການ ພັດທະນາແຫຼ່ງຜະລິດກະແສ ໄຟຟ້າຢ່າງເປັນລະບົບແລ້ວ, ສປປ ລາວ ກໍໄດ້ເອົາໃຈໃສ່ພັດ ທະນາລະບົບສາຍສົ່ງ ແລະ ສະຖານີ ຊຶ່ງກໍເຫັນວ່າການພັດ ທະນາດ້ານນີ້ກໍໄດ້ຂະຫຍາຍ ຕົວຢ່າງວ່ອງໄວ. ໃນນີ້, ຫຼັງປີ 2006 ພວກເຮົາມີລະບົບສາຍ ສົ່ງທົ່ວປະເທດພຽງແຕ່ປະ ມານ 10.000 ກິໂລແມັດ ແລະ ມີສະຖານີໄຟຟ້າພຽງແຕ່ 15 ແຫ່ງ. ແຕ່ມາຮອດປັດຈຸບັນ ສປປ ລາວ ມີລະບົບສາຍສົ່ງ ແຮງດັນສູງແຕ່ລະປະເພດ, ແຮງດັນກາງ ແລະ ແຮງດັນຕ່ຳ ລວມຄວາມຍາວທັງໝົດ 53.000 ກວ່າກິໂລແມັດ, ມີ ສະຖານີຈ່າຍໄຟຟ້າ 60 ແຫ່ງ. ອັນທີ່ເປັນພື້ນຖານສຳຄັນກວ່າ ໝູ່ແມ່ນ ສປປ ລາວ ໄດ້ຖືເອົາ ວຽກງານຂະຫຍາຍຕາໜ່າງໄຟ ຟ້າລົງສູ່ຊົນນະບົດຕິດພັນຢ່າງ ແໜ້ນແຟ້ນກັບການພັດທະນາ ຊົນນະບົດ, ການແກ້ໄຂຄວາມ ທຸກຍາກຂອງປະຊາຊົນບັນດາ ເຜົ່າ ຊຶ່ງມາຮອດປັດຈຸບັນນີ້ມີ ຈຳນວນບ້ານທີ່ໄດ້ຊົມໃຊ້ໄຟ ຟ້າແລ້ວ 87% ແລະ ຄອບຄົວ ທີ່ມີໄຟຟ້າຊົມໃຊ້ຖາວອນ ແລ້ວ ກວມເຖິງ 94% ຂອງຈຳ ນວນຄອບຄົວໃນທົ່ວປະເທດ.ການສົ່ງອອກພະລັງງານໄຟ ຟ້າໄປຕ່າງປະເທດ: ປະເທດ ໄທ, ຫວຽດນາມ, ກຳປູເຈຍ ມຽນມາ ໄດ້ເພີ່ມຂຶ້ນເຖິງ 4 ເທົ່າ ເມື່ອທຽບກັບປີ 2010 ມີທ່າ ອ່ຽງເພີ່ມຂຶ້ນໃນແຕ່ລະປີ. ໃນໂອກາດນີ້ ທ່ານ ສອນ ໄຊ ສີພັນດອນ ກໍໄດ້ມອບເງິນ ປະກອບສ່ວນບັນເທົາທຸກໄພ ນ້ຳຖ້ວມ 2017 ໃຫ້ບັນດາ ແຂວງທີ່ຖືກຜົນກະທົບລວມ ມີ ແຂວງຈຳປາສັກ, ແຂວງເຊ ກອງ, ແຂວງອັດຕະປື ແລະ ແຂວງຄຳມ່ວນ ຈຳນວນເງິນແຂວງ ລະ 10.000.000 ກີບ ຊຶ່ງ ແມ່ນເຈົ້າແຂວງ ແລະ ຮອງເຈົ້າ ແຂວງໃຫ້ກຽດຮັບ
ເປີດການນຳໃຊ້ເຂື່ອນໄຟຟ້າເຊນ້ຳນ້ອຍ 2ແລະ ເຊກະຕຳ 1 ຢ່າງເປັນທາງການ Reviewed by makarow on 6:00:00 AM Rating: 5

Contact Form

Name

Email *

Message *

Powered by Blogger.