ຂ່າວດ່ວນ

ຂ່າວອື່ນໆ

random

ບໍ່ຄຳເຊໂປນ ຈ່າຍພາສີຊັບພະຍາກອນແຮ່ທາດ ຫຼາຍກວ່າ 4 ລ້ານໂດລາ ໃຫ້ລັດຖະບານ.



ວັນທີ 5 ກັນຍາ 2017, ທ່ານ ສະໝານ ອະເນກາ ຜູ້ອຳນວຍການ ແລະ ຜູ້ຈັດການດ້ານການພົວພັນກັບຜູ້ມີສ່ວນຮ່ວມ ບໍລິສັດ ລ້ານຊ້າງ ມີເນໂຣນສ໌ ລິມິເຕັດ ບໍ່ຄຳ-ທອງເຊໂປນ ໄດ້ມອບເງິນຄ່າພາສີຊັບພະຍາກອນແຮ່ທາດ ຈາກການຜະລິດ-ຈຳໜ່າຍໃນໄຕຼມາດທີ 2 ມູນຄ່າ 4.040.244,21 ໂດລາ ສະຫະລັດ ໃຫ້ແກ່ ທ່ານນາງ ກະເສີມສີ ພົມມະວົງສາ ຫົວໜ້າກົມຄຸ້ມຄອງຊັບສິນຂອງລັດ, ກະຊວງການເງິນ.

ໃນປີ 2017 ນີ້ ບໍລິສັດ MMG LXML ນັບແຕ່ໄຕຼມາດທີ 1 ເປັນຕົ້ນມາໄດ້ປະກອບສ່ວນ ໃນການຈ່າຍເງິນພາສີຊັບພະຍາກອນແຮ່ທາດທັງໝົດ ເປັນຈຳນວນ 8.565.071,21 ໂດລາ ສະຫະລັດ. ຖ້ານັບແຕ່ເລີ່ມມີການຂຸດຄົ້ນ-ປຸງແຕ່ງ-ຜະລິດຄຳ-ທອງ ມາແຕ່ປີ 2003 ເປັນຕົ້ນມາ, ທາງບໍລິສັດ MMG LXML ບໍ່ຄຳ-ທອງເຊໂປນ ໄດ້ປະກອບສ່ວນພັນທະຂອງຕົນທີ່ເປັນລາຍຮັບໂດຍກົງໃຫ້ແກ່ລັດຖະບານ ແຫ່ງ ສປປ. ລາວ ເປັນເງິນທັງໝົດປະມານ 1,4 ຕື້ ໂດລາ ສະຫະລັດ.
ໃນໄຕຼມາດທີ 2 ຂອງສົກປີ 2017 ນີ້ ບໍ່ຄຳ-ທອງເຊໂປນ ສາມາດຜະລິດແຜ່ນທອງໄດ້ 15.606 ໂຕນ. ບໍລິສັດຍັງສືບຕໍ່ຜະລິດແຜ່ນທອງຈາກສິນແຮ່ທີ່ມີຄຸນນະພາບຕ່ຳ ແລະ ສັບປົນກວ່າເກົ່າ ຊຶ່ງໃນສົກປີ 2017 ນີ້ ບໍລິສັດຄາດຄະເນຈະຜະລິດແຜ່ນທອງໃຫ້ໄດ້ປະມານ 65,000 – 75,000 ໂຕນ.

ຂ່າວ: ຫນັງສືພິມເສດຖະກິດ-ການຄ້າ
ບໍ່ຄຳເຊໂປນ ຈ່າຍພາສີຊັບພະຍາກອນແຮ່ທາດ ຫຼາຍກວ່າ 4 ລ້ານໂດລາ ໃຫ້ລັດຖະບານ. Reviewed by makarow on 5:41:00 PM Rating: 5

Contact Form

Name

Email *

Message *

Powered by Blogger.